Свет
Американски војник протеран од Северна Кореја е во американски притвор
Американскиот војник, Тревис Кинг, е во американски притвор откако беше протеран од Северна Кореја, соопштија официјалните лица, пренесува „Би-би-си“.
Кинг, 23-годишен експерт за разузнавање, илегално преминал во Северна Кореја во јули. Севернокорејските медиуми наведуваат дека тој побегнал поради „нехуман третман“ и расизам во американската војска.
Не се познати неговата состојба и деталите за неговото затворање во Северна Кореја.
Пјонгјанг одлучи да го депортира
Севернокорејската државна новинска агенција претходно во средата објави дека Пјонгјанг одлучил да го „депортира“ Кинг, но не даде детали.
Кинг е во армијата на САД од јануари 2021 година и дојде во Јужна Кореја како дел од ротација на единицата.
Пред да влезе во Северна Кореја, Кинг помина два месеци во притвор во Јужна Кореја под обвинение за напад и беше ослободен на 10 јули.
Тој требаше да се врати во САД поради дисциплинска постапка, но успеа да го напушти аеродромот и да се придружи на обиколката на силно обезбедуваната демилитаризирана зона меѓу двете Кореи.
Неговото ментално здравје беше нарушено
Не е познато дали Кинг ќе се соочи со дополнителни обвиненија кои произлегуваат од неговата одлука да влезе во Северна Кореја.
Американскиот државен секретар, Белата куќа и Министерството за одбрана допрва треба да го коментираат случајот.
Семејството на Кинг претходно за американските медиуми изјави дека Кинг бил дискриминиран додека служел во војска и дека неговото ментално здравје било нарушено додека бил притворен во Јужна Кореја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с