Свет
Нагорно-Карабах престанува да постои како самопрогласена република од јануари, досега избегаа 65.000 Ерменци

Претседателот на самопрогласената Република Нагорно-Карабах, Самвел Шахрамањан, потпиша указ за распуштање на сите институции од 1 јануари в година, соопштија денеска властите на претежно ерменскиот регион.
Таа самопрогласена република ќе престане да постои од тој датум, според указот, пренесува „РИА новости“.
„Донесена е одлука: до 1 јануари 2024 година да се распуштат сите државни институции и организации од нивната одделенска надлежност и Република Нагорно-Карабах да престане да постои“, се наведува во декретот.
Во документот се посочува дека тоа е направено врз основа на приоритетот за обезбедување физичка безбедност и виталните интереси на народот на Карабах, како и земајќи го предвид договорот со Азербејџан што беше постигнат со посредство на руските мировни сили.
Населението на Нагорно-Карабах, вклучително и оние што се наоѓаат надвор од нејзините граници, се поканети да се запознаат со условите за реинтеграција што ќе ги обезбеди Азербејџан, со цел самостојно да одлучува за можноста да остане во регионот во иднина.
Регулативата стапи во сила веднаш по објавувањето.
Ерменскиот премиер Никол Пашинјан смета дека за неколку дена повеќе нема да има Ерменци во Нагорно-Карабах, кои масовно го напуштаат регионот.
„Анализите покажуваат дека во наредните денови нема да има Ерменци во Нагорно-Карабах. Ова е директен чин на етничко чистење и депортација за што долго време ја предупредувавме меѓународната заедница“, рече Пашинјан на владиниот состанок, јавува „Тасс“.
Според ерменскиот вицепремиер, Тигран Хачатријан, утрово, до 9 часот, повеќе од 66.000 пристигнале во Ерменија од Нагорно-Карабах, што е повеќе од половина од 120.000 жители на непризнатата република.
Околу 11.000 луѓе веќе добиле сместување во Ерменија, а на некои од бегалците, како што пренесува руската агенција, не им е потребна помош од ерменската влада.
Претседателот на Азербејџан, Илхам Алиев, го посети градот Џабраил во Нагорно-Карабах, каде што ги обиколи градежните работи, соопшти неговиот кабинет.
Алиев го посети Џабраил неколку дена откако азербејџанските сили ја вратија контролата врз планинскиот регион во молскавична воена операција, јавува „Ројтерс“.
Џабраил, кој беше окупиран од сепаратистичките ерменски сили во 90-тите за време на распадот на Советскиот Сојуз, се врати под контрола на Азербејџан за време на кратката војна во 2020 година.
Претседателството на Азербејџан не прецизира кога се случила посетата, но тоа е веројатно прво патување на Алиев во Нагорно-Карабах по азербејџанската офанзива.
На 19 септември Азербејџан почна воена операција во Нагорно-Карабах нарекувајќи ја „антитерористички мерки од локална природа“ за враќање на уставниот поредок во регионот.
Ереван ги карактеризира овие акции како агресија велејќи дека нема ерменски единици во Нагорно-Карабах.
Еден ден подоцна, со посредство на руските мировни сили, беше постигнат договор за прекин на огнот, а меѓу условите на примирјето особено беше истакнато разоружувањето на ерменските формации.
На 21 септември во азербејџанскиот град Јевлах се одржа состанок на претставници на Ерменците од Карабах со делегацијата на Азербејџан, посветен на интеграцијата на регионот во Азербејџан.
Од утринава повеќе од 65.000 луѓе, од вкупно 120.000 етнички Ерменци што живеат во регионот, веќе го напуштиле Нагорно-Карабах, покажуваат најновите податоци на властите во Ереван.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп вели дека состанок за прекин на огнот во Украина организираат Путин и Зеленски

Американскиот претседател Доналд Трамп изјави дека неговиот украински колега Володимир Зеленски и рускиот претседател Владимир Путин ќе одржат состанок за да се обидат да постигнат прекин на огнот и да ја прекинат војната во Украина.
„Навистина зависи од претседателот Зеленски да го стори тоа сега. Исто така, би рекол дека европските земји треба малку да се вклучат. Но, зависи од претседателот Зеленски. Ако сакаат, ќе бидам на следниот состанок“, рече Трамп во интервју за „Фокс њуз“ по средбата со Путин во Алјаска.
„Претпоставувам дека сега ќе закажат состанок меѓу претседателот Зеленски, претседателот Путин и мене“, додаде тој.
На прашањето каков совет би му дал на Зеленски, Трамп рече дека би му препорачал на украинскиот претседател „да склучи договор – Русија е многу голема сила“.
Свет
Владимир Путин доби писмо од Меланија Трамп за киднапираните деца за време на војната во Украина

Сопругата на американскиот претседател Доналд Трамп, Меланија, го покрена прашањето за тешката положба на децата во Украина и Русија во писмо до рускиот претседател Владимир Путин. Трамп лично му го предаде писмото на Путин за време на нивниот состанок во Алјаска, изјавија за американски медиуми претставници на Белата куќа.
Меланија Трамп не го придружуваше својот сопруг во Алјаска.
Претставниците на Белата куќа не открија детали за содржината на писмото, но рекоа дека во него се споменува киднапирањето деца за време на војната во Украина.
Киев го нарече киднапирањето на илјадници деца во Русија или на територии окупирани од руските сили без согласност на нивните родители или старатели – воено злосторство што ги исполнува дефинициите на ОН за геноцид.
Москва претходно изјави дека ги штити ранливите деца од воените зони.
Високиот комесар на ОН за човекови права изјави дека Русија предизвикала страдање на милиони украински деца и ги прекршила нивните права од почетокот на нејзината целосна инвазија на Украина во 2022 година.
Регион
Шестмина припадници на полицијата се повредени за време на синоќешните протести во Србија

Министерот за внатрешни работи на Србија, Ивица Дачиќ изјави дека за време на синоќешните протести имало драстично нарушување на јавниот ред и мир и брутален напад врз полицијата, и дека, според досегашните податоци, повредени се шестмина припадници на полицијата.
„Шест полицајци се повредени, според информациите што ги имаме во моментов, а 38 лица се приведени. Секој можеше да види во преносот во живо дека имало брутален напад врз полицијата, дека демонстрантите дошле со намера да ги нападнат полицајците, да ги повредат“, рече Дачиќ.
Тој изјави дека вечерта немало поддржувачи на Српската напредна партија, што, како што рече, не ги спречило демонстрантите да ги нападнат просториите на таа партија низ цела Србија, и додаде дека на некои места биле нападнати и просториите на Социјалистичката партија на Србија.