Трент Александер-Арнолд (ТАА), ги известил челниците на Ливерпул дека сака да го напушти клубот и да се пресели во Реал Мадрид.

Ова го тврди „Марка“, поточно новинарот Хозе Феликс Диас, кој уверува дека Англичанецот е најблиску до одлука да не потпише нов договор со Ливерпул и дека за тоа ги известил челниците на „црвените“.

„Марка“, пишува дека ТАА е свесен колку Реал Мадрид го посакува во својот тим и дека за се бил информиран од прва рака, од неговиот пријател и репрезентативен соиграч Џуд Белингем.

„Марка“ пишува дека Ливерпул направил се во последните месеци, неколку пати ја подобрувал својата понуда, но сепак не добил позитивен одговор.

Диас дури уверува дека сега останува на Ливерпул дали да го пушти Трент да си замине во зимскиот преоден рок, за да заработи од неговото заминување на шест месеци пред истекот на договорот или да му дозволи да си замине на лето без обештетување.

Сепак, англиските извори и понатаму тврдат дека Ливерпул ќе направи се за да го задржи ТАА до крајот на сезоната и дека немаат намера да го пуштат среде сезона, во ситуација кога клубот е во трака за сите трофеи.

Челниците на Јувентус го известиле бразилскиот дефанзивец и капитен на тимот Данило дека е слободен да го напушти клубот.

Дефанзивецот кој сезонава забележа 16 настапи има договор до крајот на сезоната, но клубот ќе се обиде да заработи, па макар и симболична сума од неговиот трансфер.

Има неколку клубови кои би можеле да влезат во трката за услугите на Данило. Прв во низата е Наполи, чиј тренер Антонио Конте бара ширина во бековската линија, но и искуство и квалитет, што секако може да ги понуди Данило. Тој самиот претпочита да оди на југот на Италија.

Од друга страна, медиумите тврдат дека техничкиот директор на Јувентус контактирал со Милан за да се обиде да им го продаде Бразилецот, но тие не го добиле одговорот на кој се надевале.

Данило има 33 години и пристигна во Јуве во 2019 година од Манчестер сити кога Жоао Кансело тргна во спротивна насока.

Никола Јокиќ продолжува да пишува историја во НБА, но неговиот фантастичен настап не беше доволен за да ги спаси Денвер Нагетс од нов пораз. Нагетс на натпреварот против лидерот во НБА, Кливленд Кавалирс примија дури 149 поени и запишаа пораз од 149:135.

Јокиќ се истакна со 27 поени, 14 скока и 13 асистенции, остварувајќи го својот 142. трипл-дабл во кариерата. Јокиќ ја забележа оваа импресивна статистика во третата четвртина, но ниту тоа не беше доволно за да ги запре разиграните Кавс Заедно со Јокиќ се истакна и Џамал Мареј со 27 поени и 11 асистенции, а Портер и Вотсон додадоа по 18 поени.

Сепак, ниту солидна екипа не можеше да ја надомести низата од 16:0 што ја направи Кливленд на крајот од втората четвртина, која целосно ја презеде контролата врз играта. Нагетс оттогаш не успеаја да ја намалат разликата под двоцифрена.

Кавалирс доминираа во шутото за три поени, тие станаа вториот тим во историјата на НБА кој постигнал 20 или повеќе тројки во четири последователни натпревари. Пред нив, само Бостон успеа да го направи тоа минатата сезона.

Донован Мичел одигра одлично за победничкиот тим, имаше 33 поени (10/17 од поле), 5 скока и 6 асистенции. Кливленд дури тројца играчи со повеќе од 20 поени. Еван Мобли го заврши натпреварот со 26 поени, 5 скока и 6 асистенции, центарот Џерет Ален додаде 22 поени и 10 скока, а плејмејкеротт Дариус Гарланд заврши со 25 поени и 7 асистенции.

Кливленд продолжува да доминира оваа сезона, го имаа најдобриот учинок во лигата со 27 победи и 4 порази.

Резултати

Орландо – Њујорк 85:108
Бостон – Индијана 142:105
Бруклин – Сан Антонио 87:96
Хјустон – Минесота 112:113
Њу Орлеанс – Мемфис 123:132
Денвер – Кливленд 135:149
Феникс – Далас 89:98
Лос Анџелес Клиперс – Голден Стејт 102:92