Свет
Илон Маск заврши на суд поради измама
![](https://makfax.com.mk/wp-content/uploads/2023/10/11714067.jpg)
Американскиот суд води судски процес против сопственикот на Твитер, Илон Маск, за наводно измама на неговите акционери со тоа што предолго не објавил дека веќе инвестирал во социјалната мрежа, која подоцна ја купил и ја преименувал во „Икс“.
Во одлуката објавена денеска, американскиот судија Ендрју Картер пишува дека акционерите со заедничка тужба ќе се обидат да докажат дека Маск намерно ги измамил со тоа што 11 дена подолго од пропишаниот рок не објавил дека веќе купил пет отсто од акциите на Твитер.
Акционерите тврдат дека Маск заштедил повеќе од 200 милиони долари со зголемување на својот удел во Твитер, додека тајно разговарал за плановите со неговото раководство, пред да открие во април 2022 година дека веќе поседува 9,2 отсто.
Тој удел го платил по вештачки ниски цени, тврдат тужителите. Адвокатите на Маск, пак, тврдат дека тој е еден од „најзафатените луѓе во светот“ и дека ненамерно не го објавил навреме процентот на акции.
Судијата Картер рече дека не може да заклучи дека Маск бил премногу зафатен, ако имал време да купува акции, да се состане со директорите и да објавува за Твитер во исто време. Маск на крајот го купи Твитер за 44 милијарди долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин за прв пат во Северна Кореја по 24 години: „Ќе ви помогнеме против Америка“
![](https://makfax.com.mk/wp-content/uploads/2024/06/Screenshot-2024-06-18-151200.jpg)
Рускиот претседател Владимир Путин, кој денеска е во посета на Северна Кореја за прв пат по 24 години, вети дека ќе ги продлабочи трговските и безбедносните врски со Пјонгјанг и ќе ја поддржи Северна Кореја против Соединетите Американски Држави.
САД и нивните азиски сојузници се обидуваат да откријат до кој степен Русија ќе го поддржи севернокорејскиот лидер Ким Џонг-ун, чија земја е единствената земја што тестираше нуклеарно оружје во 21 век.
Путин го пофали Пјонгјанг за отпорот на, како што го нарече, економскиот притисок, уцените и заканите на САД, сугерирајќи дека Русија, постојана членка на Советот за безбедност на Обединетите нации со право на вето, го менува својот пристап кон Северна Кореја.
Во написот објавен од севернокорејските државни медиуми, Путин го пофали „другарот“ Ким и вети дека „заеднички ќе се спротивстави на нелегитимните еднострани ограничувања“ и ќе ја развие трговијата и ќе ја зајакне безбедноста низ Евроазија.
„Вашингтон, кој одбива да ги спроведе претходно постигнатите договори, постојано поставува нови, сè построги и очигледно неприфатливи барања“, рече Путин во написот објавен на насловната страница на севернокорејскиот весник „Родонг Синмун“, официјалниот весник на владејачката партија.
„Русија секогаш ја поддржувала и ќе продолжи да ја поддржува Демократската Народна Република Кореја и херојскиот корејски народ во нивното противење на подмолен, опасен и агресивен непријател“.
Путин истакна дека Советскиот Сојуз е првата земја што ја признала Северна Кореја, која ја основал дедото на Ким, Ким Ил Сунг, помалку од две години пред Корејската војна во 1950 година.
Севернокорејските државни медиуми објавија и написи во кои ја фалат Русија и ги поддржуваат нејзините воени операции во Украина, нарекувајќи ги „света војна на сите руски граѓани“.
Државната посета на Путин доаѓа во време на обвинувањата на САД дека Северна Кореја и доставила на Русија „десетици балистички ракети и преку 11.000 парчиња муниција“ за употреба во Украина. Јужна Кореја, цврст сојузник на САД, исто така изрази слична загриженост.
Белата куќа вчера соопшти дека е вознемирена од зајакнувањето на врските меѓу Русија и Северна Кореја. Американскиот Стејт департмент соопшти дека е „апсолутно сигурно“ дека Путин ќе бара оружје за неговата војна во Украина.
Москва и Пјонгјанг негираа дека имало какви било трансфери на оружје, но ветија дека ќе ги зајакнат воените врски, вклучително и потенцијално одржување на заеднички воени вежби.
Регион
Цени во грчките ресторани, кафулиња и маркети: оваа сезона се малку повисоки од минатата година
![](https://makfax.com.mk/wp-content/uploads/2018/09/Grcija-plazi.jpeg)
Голем број туристи веќе уживаат на плажите во Грција, а оние што летуваат во популарниот олимписки регион велат дека цените на храната и пијалаците во маркетите, рестораните и во кафулињата го следат европскиот тренд на раст, па оваа сезона тие се малку повисоки од минатата година.
Цените на овошјето и зеленчукот на пазарите во Лептокарија се генерално слични на македонските, па доматите, краставиците и кромидот може да се најдат за само едно евро за килограм, а компирите и тиквичките за помалку од едно евро.
Лубеницата може да се купи за цена од 0,6 евра за килограм, дињите за 1,50 евро, а вишните за 1,90 евро. Лимоните се две евра, кајсиите и јаболката од 1,50 евро па нагоре, а праските од 2,50 до 2,75 евра.
Цената на грчкото кафе во повеќето кафулиња и ресторани се движи од 1,80 до 2,50 евра, еспресото и капучиното се меѓу 2 и 3 евра, а нес-кафето е околу 3 евра. Најниската цена за половина литар пиво е четири евра, за толку може да се испие и чаша вино, а за жестоки пијалаци треба да потрошите најмалку пет евра.
Лежалките и чадорите во сопственост на кафулињата се бесплатни доколку нарачате пијалак, а во некои од нив оваа поволност можете да ја користите цел ден. Некои кафулиња имаат правило дека не мора да плаќате за лежалка и чадор ако нарачате една пијачка наутро, а друга попладне.
Во супермаркетите шише вода од 1,5 литар чини меѓу 0,3 и 0,5 евра, а пакување од шест шишиња чини 1,70 евро. Најевтиниот леб може да се купи за 0,9 евра, литар млеко е од 1,8 до 3,5 евра, а цената на јајцата е меѓу 0,23 и 0,45 евра за парче. Цената на сирењето е од 6 до 15 евра за килограм, маслинките од 4,50 до 7 евра, а литар маслиново масло од 13 до 17 евра.
Просечната цена на една порција лигњи во рестораните е околу десет евра, иста цена како пилешко и свинско сувлаки, како и свински стек и пилешко филе. Цената на тестенините се движи од пет до десет евра, а пиците од 4,5 до 11 евра.
Омилената храна на туристите кои летуваат во Грција е гирото, а на почетокот на летото пита со гиро чини меѓу 3,80 и 4 евра, а порцијата во ресторан е до 10 евра. За оние што сакаат да јадат нешто од нога има и хот-дог, кој чини од 2,50 до 3,50 евра.
Топка сладолед чини две евра, за две топки треба да платите 3,50 евра, а за три 4,50 евра.
Свет
Четири лица загинаа во поплавите во Кина
![](https://makfax.com.mk/wp-content/uploads/2023/09/kina-poplava.jpg)
Четири лица загинаа во поплавите предизвикани од силниот дожд што го погодија округот Шангханг во источнокинеската провинција Фуџијан, соопштија денеска локалните власти.
Од недела до понеделник 15 општини во округот доживеаја 24-часовни врнежи од дожд, кои ги надминаа сите претходни рекорди, соопшти локалниот штаб за контрола на поплавите и сушата, пренесе „Ксинхуа“.
Според прелиминарните статистички податоци, во поплавите во споменатиот округ беа погодени 66.498 лица.