Спорт
(ВИДЕО) ЛШ: Галатасарај го шокираше Манчестер Јунајтед, Арсенал загуби од Ленс, Реал славеше во Неапол
Манчестер Јунајтед го доживеа вториот пораз откако загуби дома од Галатасарај со 2:3. Хојлунд беше двоен стрелец, но одбраната на англискиот тим не беше на ниво. Заха и Актуркоглу двапати израмнуваа, а Икарди донесе триумф за Галатасарај иако претходно не реализираше и пенал.
Реал Мадрид стигна до вториот триумф во Лигата на шампионите откако славеше против италијанскиот првак Наполи со 2:3. Елиф Елмас играше од 69.минута, а неговиот тим сепак беше поразен. Повторно Џуд Белингам беше клучна фигура за „кралевите“.
Остигард го доведе Наполи во водство, но Винисиус Жуниор и Белингам направија пресврт. Зиелински од пенал израмни на 2:2 на почетокот на второто полувреме, а потоа Мерет си постигна автогол за триумф на Реал.
Арсенал е поразен на гости во Франција од Ленс со 2:1. Габриел Жесус го отвори резултатот, но Томасон и Вахи донесоа триумф за Ленс.
Баерн Минхен со пресврт славеше на гости против Копенхаген со 1:2. Лерагер донесе предност за Данците, но Мусијала израмни, а Матис Тел беше џокерот на баварскиот клуб за триумф.
Интер ја победи Бенфика со 1:0, со голот на Маркус Турам во 62.минута.
ПСВ Ајндховен и Севилја ремизираа 2:2.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Германија ја размонтира Шкотска
Германија со убедлива победа над Шкотска од 5:1 (3:0) го отвори 17. Европско првенство во фудбал.
Домаќинот на ЕУРО 2024 од првата секунда тргна со јасна намера што поскоро да го реши победникот. Шкотите од друга страна делуваа преплашено и покрај тоа што на трибините имаа армија свои навивачи.
Германците успеаја во намерата, два гола постигнаа во првите 19.минути. Најпрвин Вирц го совлада Ган во 10., а птооа погоди и Мусилаја во 19.минута.
Овие двајца влегоа во историјата на германскиот и европскиот фудбал. Германија стана прва репрезентација во историјата на ЕП која имала двајца стрелци на возраст од 21 година или помлади, на еден ист натпревар.
И покрај комотната предност Германците не го намалија ритамот. Постигнаа уште еден гол, во 45.минута од пенал. Стрелец беше Хаверц.
Портеус кој грубо стартуваше врз Гундоган доби црвен картон.
Второто полувреме немаше таков интензитет како првото. Филкруг набргу по влегувањето во игра, во 68.минута испрати прокетил од 15 метри и го постигна четвртиот гол. Напаѓачот на Борусија Дортмунд седум минути подцна постигна уште еден гол кој беше поништен поради офсајд.
До крајот на мечот Ридигер си постигна авто-гол во 87.минута, а во 93. Емре Џан, кој во средата и се приклучи на репрезентацијата откако поради болест Александар Павловиќ отпадна од ростерот, го постави конечниот резултат.
Спорт
Пантер се договорил со Барселона
Капитенот на Партизан, Кевин Пантер, по три сезони реши да го напушти клубот. Како што објави „Моцарт спорт“, Пантер кариерата ќе ја продолжи во Барселона.
Кевин Пантер во Белград пристигна заедно со Зек Ледеј од Олимпија Милано и двајцата ги носеа црно-белите овие три години. Овие двајца без првите засилувања кога Жељко Обрадвиќ се врати во клубот.
Неговиот престој во Партизан завршува по три сезони и со еден освоен пехар. Тој беше еден од клучните кошаркари на Партизан во враќањето на титулата, во АБА лигата, по цела деценија, но навивачите ќе паметат и како тој подлегна на провокациите на Серхио Љуљ, кој практично го остави клубот без пласман на фајналфорот од Евролигата минатата година.
Минатата сезона шутерот од Бронкс имаше просек од 15 поени, 2,6 скока и асистенции, 1,1 украдена топка и 35 отсто шут за три поени.
Спорт
ПСЖ за 20 милиони го купи најдобриот руски голман
ПСЖ го официјализираше трансферот на најдобриот руски голман, Матвеј Сафонов. Кранодар од трансферот заработи 20 милиони евра.
Матвеј Сафонов е најдобриот голман излезе од Русија уште од времето на легендарниот Игор Акинвеев.
ПСЖ го донсе Сафонов да му биде резерва на Џиџи Динарума, бидејќи договорите им завршија на Кејлор Навас и Серхио Рико.
Сафонов е првото засилување за ПСЖ за новата сезона.