Свет
Тајфун со ветрови до 252 километра на час го погоди Тајван, 190 повредени
Тајфунот Коину денеска го погоди јужниот дел на Тајван ранувајќи 190 луѓе и предизвикувајќи штети, но не и загинати, бидејќи дождот и силните ветрови предизвикаа милиони луѓе во голем број градови да пропуштат работа и училиште.
Коину, што на јапонски значи „кученце“, предизвика лизгање на земјиштето на тајванскиот полуостров Хенгчун. Тајфунот беше од четврта категорија со ветрови до 252 километра на час, но ослабна кога ја премина Тајванската Теснина и се упати кон кинеската провинција Гуангдонг, соопшти Агенцијата за ризик од тропска бура.
Најголем дел од дождот падна во ретко населените планински области на округот Пингтунг на југ и во окрузите Таитунг и Хуалиен на источниот брег, но тајфунот го погоди и големиот јужен пристаништен град Каосиунг.
Повеќето градови и окрузи прогласија ден на прекин на работата и наставата, но главниот град на островот, Тајпеј, седиштето на финансиските пазари, не беше погоден и работи нормално.
Производителот на чипови TSMC рече дека неговите фабрики исто така работат нормално.
Тајфунот ја погоди Тајванската Теснина во четвртокот доцна наутро по локално време, а обилните врнежи се прогнозираат да продолжат до петок, претежно на југот и на истокот на островот.
Тајванската противпожарна служба соопшти дека се повредени 190 луѓе, но нема загинати.
Двете главни домашни авиокомпании на Тајван, UNI Air и Mandarin Airlines, ги откажаа повеќето од своите летови за четврток, а траектите до оддалечените острови исто така беа стопирани.
Откажани се вкупно 46 меѓународни лета, соопшти Министерството за транспорт, но брзата железница што ги поврзува северниот и јужниот дел на Тајван не е погодена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Аналитичар: Нема да биде тешко да се пополни празнината во Иран по смртта на Раиси
„Нема да биде тешко да се пополни празнината по смртта на иранскиот претседател Ебрахим Раиси“, изјави за Си-Ен-Ен аналитичар од Техеран.
„Претседателот Раиси не беше многу успешен економски претседател“, изјави за Си-Ен-Ен Меир Џаведанфар, директор на компанијата за економски и политички анализи на Блискиот Исток.
„Во Иран, рацете на претседателот обично се „врзани“, бидејќи иако тој има голема одговорност, овластувањето за спроведување на работите навистина останува во рацете на врховниот лидер“, додаде тој.
Тој, исто така, посочи дека Раиси „не бил некој со искуство во безбедноснite прашања“, ниту некој „со искуство во иранската државна администрација“.
„Тој не беше човек со визија. Тој не беше харизматичен политичар кој дојде да ги промени работите“, рече Џаведанфар.
Економијата со која требаше да управува всушност се влоши под претседателот Раиси, посочи тој, пренесува медиумот.
Европа
Ердоган: Раиси беше вреден колега и брат
Турскиот претседател Реџеп Таип Ердоган денеска изрази сочувство за смртта на иранскиот претседател Ебрахим Раиси и иранскиот министер за надворешни работи Хосеин Амир Абдолахиан, нагласувајќи дека Турција стои во солидарност со Иран.
Ердоган на платформата Х напиша дека се сеќава на Раиси со почит и благодарност, наведувајќи дека иранскиот претседател вложил напори за мир во Иран и регионот.
„Турција стои покрај Иран во ова тешко време“, рече Ердоган, нарекувајќи го Раиси „вреден колега и брат“.
Покрај Раиси и иранскиот министер за надворешни работи Хосеин Амир Абдолахиан, идентификувани се уште три лица кои загинаа во хеликоптерска несреќа во северозападен Иран, објави иранската државна новинска агенција ИРНА.
Убиени се имамот во градот Табриз, ајатолахот Мохамад Али Ал-е Хашем, началникот на иранската провинција Источен Азербејџан, генерал Малек Рахмати и командантот на единицата за заштита на претседателот, Сардар Сејед Мехди Мусави.
Загинаа и одреден број телохранители и екипаж на хеликоптер кои се уште не се идентификувани.
Свет
(Видео) Последната снимка на Раиси од хеликоптерот на смртта
Иранската агенција Тасним објави фотографија, а на социјалните мрежи е објавено и видео на кое се гледа иранскиот претседател Ебрахим Раиси во хеликоптерот во кој доживеа фатална несреќа.
President Raisi's last video
— Huma Zehra (@HumaZhr) May 19, 2024
Иранските медиуми објавија и фотографија обезбедена од новинската агенција на Исламската Република ИРНА, на која хеликоптерот со иранскиот претседател Ебрахим Раиси полета кон иранската граница со Азербејџан откако претседателот Раиси и неговиот азербејџански колега Илхам Алиев ја отворија браната Киз Каласи.
Претседателот Ебрахим Раиси загина заедно со министерот за надворешни работи на земјата Хосеин Амир-Абдолахиан во хеликоптерска несреќа во неделата во оддалечениот северозапад на земјата, потврдија државните медиуми.
BREAKING: RESCUERS HAVE REACHED THE CRASH SITE OF THE PRESIDENT OF IRAN RAISI
“The presence of the rescue team at the crash site of the helicopter carrying the president
Additional and Unfortunately, there is a possibility of martyrdom of all the passengers of the helicopter.“ pic.twitter.com/4whDrc3iHZ
— Sulaiman Ahmed (@ShaykhSulaiman) May 20, 2024
Објавена е и снимка од остатоци од хеликоптер во планински дел на Иран.
Загубата на Раиси – конзервативен тврдокорен и штитеник на иранскиот врховен водач, ајатолахот Али Хамнеи – се очекува да посее дополнителна неизвесност во земја која веќе е под голем економски и политички притисок, со тензии со блискиот Израел.