Спорт
Стартува новата сезона во Евролигата
Вечерва ќе започне 24. сезона во кошаркарската Евролига. Осумнаесет клубови ќе одиграат 306 натпревари во регуларниот дел од сезоната, плеј-ин, плеј-оф и на завршниот турнир во Берлин. Титулата ја брани Реал Мадрид.
Новата сезона во Евролигата ќе биде отворена од 19 часот. Во Арената во Белград, Црвена звезда ќе го пречека француски Асвел од Вилербан.
Реал Мадрид, според сите прогнози и анкети се најголемите фаворити за титулата. „Кралскиот клуб“ го врати во своите редови Факундо Кампацо, кој минатата сеозна го носеше дресот на Црвена звезда.
Големи шанси за титулата му се даваат на Олимпијакос и покрај тоа што тимот остана без актуелниот МВП, Саша Везенков (се пресели во Сакраменто Кингс) и Костас Слукас (замина во Панатиникос).
Потоа следуваат Панатинаикос, кој го смени речиси целиот тим, а тренер е Ергин Атаман, па Анадолу Ефес, Олимпија Милано, Фенербахче, минатогодишниот учесник на завршниот турнир Монако.
Според новиот формат, од оваа сезона ќе се игра плеј-ин. Седмопласираните и осмопласираните екипи ќе се сретнат во еден натпревар за да изборат пласман во четвртфиналето против тимот кој го зазема второто место на табелата во лигашкиот дел од натпреварувањето.
Поразениот од тој дуел ќе има втора шанса за пласман во плеј-офот, бидејќи ќе се сретне со подобриот од деветтото и десеттопласираниот тим на табелата. Противник на подобрата екипа во тој дуел ќе биде првопласираната екипа.
Евролига, 1. коло:
четврток:
Црвена звезда – Лион-Вилурбан (19.00 ч)
Макаби – Партизан (20.05)
Барселона – Анадолу Ефес (20.30)
Баерн – Алба (20.30)
Виртус – Жалгирис (20.30))
петок:
Фенербахче – Олимпија (19.45)
Панатинаикос – Олимпијакос (20.15)
Басконија – Реал Мадрид (20.30)
Валенсија – Монако (20.30 ч.)
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Новак Ѓоковиќ го победи Австралиецот Алексеј Попирин
Српскиот тенисер Новак Ѓоковиќ го победи Австралиецот Алексеј Попирин со 3:1, по сетови 4:6, 6:3, 6:4 и 7:6 (7:3) и се пласираше во осминафиналето на Вимблдон.
Попирин му пружи одличен отпор на Ѓоковиќ, но тој не успеа да го загрози пласманот на вториот светски тенисер во следната фаза, иако го доби првиот сет и сервираше на високо ниво во текот на целиот меч.
Двајцата тенисери одлично сервираат на почетокот на мечот кој го одбележаа кратки размени и брзи игри.
Попирин се трудеше да не влезе во долги размени со Ѓоковиќ во кои немаше шанси и се потпираше на неговиот сервис – убедливо најдобриот дел од неговата игра.
Така се играше до седмиот гем, кога Попирин го искористи падот на концентрацијата на Ѓоковиќ и ја искористи првата брејк топка.
Тој ја одржуваше предноста до крајот на сетот и поведе во сетовите непосредно пред почетокот на дождот, поради што мораше да се затвори покривот на паузата меѓу сетови.
После тоа Попирин имаше шанса во третиот гем од вториот сет да стигне до нов брејк, но Ѓоковиќ избега со асови, по што го одигра натпреварот без грешка.
Веќе во следниот гем му го одзеде сервисот на противникот, и до крајот на вториот сет но и на мечот не му даде можност да се врати.
Спорт
Шишето на Пикфорд ќе влезе во историјата на ЕП
Англичаните не дозволија историјата да се повтори, а овојпат успеаа да го совладаат противникот во пенал рулетот.
Сите пет играчи на Англија успешно ги изведоа пенали, а заслугата за влез во полуфиналето ја превзема Пикфорд, одбранувајќи го ударот на Аканџи.
На овој начин беше елиминирана Швајцарија, а беше забележан интересен детал на шишето од кое англискиот голман пиеше вода.
На него имаше список на играчите од Швајцарија со забелешка на која страна ќе се шутира пеналот.
За Аканџи пишуваше дека ќе шутира по левата страна од својот гол.
Спорт
За Кимих, Крос е најдобриот германски фудбалер на сите времиња!
Германската фудбалска репрезентација вчера беше поразена од Шпанија во четврт-финалето на Европското првенство, а испаѓањето на „панцерите“ од шампионатот го означи крајот на кариерата на легендарниот Тони Крос.
Неодамнешниот ас на Реал Мадрид и на „панцерите“ ги закачи копачките на 34 години, а во кариерата освои се што може да се освои, освен титулата европски првак со репрезентацијата.
Соиграчот на Крос од германската репрезентација Џошуа Кимих изјави дека легендарниот играч за врска е најдобриот фудбалер во историјата на оваа фудбалска земја.
„За мене тој е несомнено најдобриот играч што Германија некогаш го имала. Покрај тоа, тој е фантастична личност, пример за сите нас во соблекувалната“, изјави Кимих.
Тој своевремено ја делеше соблекувалната на Баерн Минхен со Крос