Спорт
(Видео) Шест гола во Дортмунд, Лајпциг промаши два пенали и не успеа да го победи Бохум
Попладнево на програмата беа четири натпревари од седмото коло во германската Бундес лига. Лајпциг целосно ги разочара своите навивачи, на домашен терен ремизираше со Бохум без голови, а избраниците на Марко Роузе промашија два пенали. Дербито се одигра на „Сигнал Идуна Парк“, каде Борусија Дортмунд како домаќин во возбудлив дуел го победи Унион Берлин со 4:2 (1:2).
Во Дортмунд, Борусија беше подобра од Берлин Унион со 4:2, а до триумфот стигна со пресврт, иако поведе уште во седмата минута со голот на Никлас Филкриг.
Две минути подоцна Робин Госенс го израмни резултатот, во 18. минута беше поништен голот на Крал. Во 31. минута Леандро Бонучи му донесе водство на својот тим од пенал.
Второто полувреме целосно им припадна на „милионерите“ кои со двата гола на Шлотербек и Брант во интервал од само пет минути го свртеа резултатот, додека Рајерсон го постави конечниот резултат 4:2.
Бохум изненадувачки остана непоразен во Лајпциг. Домашните фудбалери промашија два пенали, прво Симонс во 27. минута, а потоа Форсберг во 61. минута од натпреварот.
Штутгарт на крилјата на напаѓачот Серху Жираси го продолжи стартот од сништата. Жираси постигна хет-трик во победата над Волфсбург 3.1 „Швабите“ имаат шест победи од стартот на сезоната и се наоѓаат на третото место.
Дармштад победи со 2:1 во Аугсбург со головите на Скарке во 52. минута и Кемпе од пенал во 70. минута, додека Демировиќ во 86. минута од натпреварот го постигна утешниот гол за домашните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.