Спорт
Аугсбург го отпушти тренерот Масен
Раководството на Аугсбург му врачи отказ на досегашниот тренер Енрике Масен поради слабите резултати на стартот од новата сезона во Бундеслигата.
Во соопштението на германскиот клуб се наведува дека челниците на Аугсбург сметале дека е неопходна промена на тренерот по елиминацијата во Купот на Германија од третолигашот Унтерхахинг и само една победа и две нерешени во првите седум кола од Бундеслигата.
„По опсежни разговори и проценка на спортската ситуација, Аугсбург одлучи да му ја предаде оставката на тренерот Енрике Масен“, соопштија од германскиот клуб.
Масен (39) го презеде Аугсбург во 2022 година, а минатата сезона со овој клуб успеа да остане во Бундес лигата.
Тој е првиот тренер во Бундеслигата кој доби отказ оваа сезона.
Екипата на Аугсбург ќе ја води Тобијас Штробл до именување на нов тренер.
Аугсбург е на 15. место на табелата во Бундеслигата со само пет бода.
Foto/ Profimedia
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024
Спорт
Де Зерби заминува од Брајтон
Италијанскиот тренер Роберто де Зерби (44) ќе го напушти Брајтон на крајот од актуелната сезона, потврдија од клубот.
Де Зерби ќе се прости од навивачите на неделниот натпревар помеѓу Брајтон и Манчестер јунајтед.
Италијанецот го предводеше Брајтон од средината на септември 2022 година.
Ќе биде интересно да се види каде Де Зерби ќе ја продолжи кариерата. Медумите тврдат дека заминува бидејќи има понуда од некој поголем, посилен и поамбициозен клуб.