Свет
Макрон: Хамас веројатно имал помош
Францускиот претседател Емануел Макрон изјави дека е веројатно оти Хамас имал помош во операцијата против Израел истовремено нагласувајќи дека нема формален доказ за директна иранска вмешаност.
„Веројатно имало помош за Хамас и соработка“, рече тој на заедничката прес-конференција со германскиот канцелар Олаф Шолц во Хамбург, северна Германија.
„Според сегашната состојба, немам коментар за директното учество на Иран за што немаме официјални докази“, додаде тој.
„Ќе останам внимателен по ова прашање додека немаме целосно безбедни разузнавачки информации“, нагласи тој.
Ајатолахот Али Хамнеи, највисокиот ирански орган, негира каква било вмешаност на неговата земја во масовниот напад на Хамас врз Израел во саботата истовремено потврдувајќи ја поддршката на Иран за Палестина.
Висок американски функционер во саботата рече дека е „премногу рано да се каже“ дали Иран е „директно вклучен“ во офанзивата на Хамас.
Сепак, тој додаде дека нема сомнеж во фактот дека режимот во Техеран бил еден од оние што ја „финансирале, опремиле и вооружиле“ таа организација, која западните земји ја сметаат за терористичка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.