Македонија
(Видео) Мицкоски: За неколку месеци од денеска во Македонија ќе има нова политичка реалност и влада предводена од ВМРО-ДПМНЕ
![](https://makfax.com.mk/wp-content/uploads/2023/10/mickoski-vasilevo10102023.jpg)
Навистина динамичен ден. Почнавме од Ново Село, продолживме во Босилово, а сега завршуваме во Василево. Има што да се види и да се покаже, направени се многу работи и покрај тоа што имаме работа со влада каде што не се води сметка за сите граѓани во Македонија, за сите општини. И тоа е така затоа што тие мислат дека ако не инвестираат во општините каде што градоначалниците се од редот на ВМРО-ДПМНЕ и коалицијата, тогаш на тој начин ќе ги направат градоначалниците помалку успешни и тогаш граѓаните ќе се предомислат на следните парламентарни и претседателски избори и наместо за ВМРО-ДПМНЕ, ќе гласаат за СДМС и ДУИ. Но, тоа е погрешна стратегија, вели претседателот на ВМРО-ДПМНЕ Христијан Мицкоски при денешното обраќање пред граѓаните во рамки на кампањата „Важно е! Од тебе зависат промените“ во општина Васиелво.
Мицкоски посочи дека и покрај тоа што власта им ги одзема ингеренциите на некои градоначалници од ВМРО-ДПМНЕ во образованието, градинките, сепак градоначалниците од ВМРО-ДПМНЕ со чесна и макотрпна работа успеваат да ја реализираат својата програма од локалните избори во 2021 година ветена пред граѓаните.
– Иако ги одземаат ингеренциите во образованието, во градинките во дел од општините, не инвестираат во општините каде што имаме градоначалници од ВМРО-ДПМНЕ и коалицијата. Но, сепак тие градоначалници и со тие ограничени ресурси, покажаа и докажаа изминатите 2 години со макотрпна, чесна работа може да се постигнат резултати, смета тој.
Мицкоски рече дека за неколку месеци од денеска следува нова политичка реалност и влада предводена од ВМРО-ДПМНЕ која ќе работи за сите граѓани и подеднакво ќе инвестира во сите општини, за разлика од сегашната влада на СДСМ и ДУИ.
– Сакам да им порача на градоначалниците да продолжат да ја реализираат програмата до локалните избори во 2021 година, со тоа што сега ќе имаат олеснителни околности бидејќи за неколку месеци од денеска ќе имаме нова политичка реалност и влада предводена од ВМРО-ДПМНЕ која ќе помага и ќе инвестира во сите општини во Македонија, без разлика дали општината е раководена од кадар од СДСМ, ДУИ, БЕСА, или некој независен градоначалник. Идната влада на ВМРО-ДПМНЕ сака да биде влада на сите граѓани во Македонија, без разлика на политичката или етничката припадност. Идната влада на ВМРО-ДПМНЕ има намера да биде на целата територија на Македонија, нагласи тој.
Мицкоски нагласи дека доколку една влада се однесува себично и фаворизира одредени општини, а дискредитира други, тогаш не може да се смета за влада на народот.
– И тоа е многу важно затоа што ако една влада се однесува себично, се однесува на начин кој што одредени делови од државата ги дискредитира, а други ги фаворизира, тогаш таа влада не може да биде на народот. А ние сакаме да бидеме влада на народот која ќе обезбеди национално обединување, порача Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Коце Трајановски ја презеде директорската функција во „Државни патишта“
![](https://makfax.com.mk/wp-content/uploads/2024/07/траја.jpg)
Во просториите на Јавното претпријатие за државни патишта беше извршено примопредавање на директорската функција.
Новиот директор Коце Трајановски ја презеде функцијата од Ејуп Рустеми.
Рустеми го запозна Трајановски со состојбите и функционирањето на претпријатието.
„Денес ја превземав функцијата директор на Јавното претпријатие за државни патишта.
Благодарам за дадената доверба од Претседателот на владата Христијан Мицкоски за да го водам ова јавно претпријатие.
Ќе работам чесно и посветено се со цел да се реализираат што повеќе проекти, кои ќе ги подобрат условите за живот на граѓаните“, напиша Трајановски на социјалните мрежи.
Македонија
Љутков од Велес: Фолклорот нè идентификува и нè поврзува со светот
![](https://makfax.com.mk/wp-content/uploads/2024/07/ИФФ-Велес-2024-2.jpg)
Во Младинскиот парк во Велес, вчеравечер свечено беше отворено 19. издание на Интернационалниот фолклорен фестивал „Велес 2024“.
Во присуство на многубројни гости, Фестивалот за отворен го прогласи министерот Зоран Љутков, кој изрази задоволство што низ годините овој фестивал прерасна во вистински репрезент на фолклорната традиција на народите од повеќе држави во светот, потенцирајќи дека Министерството за култура и туризам останува отворено за поддршка на сите проекти што ја афирмираат културната традиција и посебноста на сите чинители.
– Нема ништо поубаво од тоа од генерација на генерација да се пренесува сето она културно наследство што нè идентификува, што нè прави посебни и препознатливи во европскиот, но и во светскиот културен мозаик. Секоја држава, секоја култура е посебна токму поради шаренилото на културните вредности што имаме обврска да ги чуваме, да ги негуваме и да ги пренесеме на идните генерации – рече Љутков.
Преку настапите на младите уметници, како што рече министерот за култура и туризам, ќе се запознаеме со убавината на фолклорната традиција, музиката, песната и сето она што е обележје на земјите од кои доаѓаат, збогатувајќи го на тој начин културното живеење во Велес.
Честитајќи им на организаторите за посветеноста во реализацијата на Фестивалот, Љутков им посака убав престој во Македонија и во Велес на учесниците, а на посетителите незаборавни мигови со музиката и ората од земјите учеснички.
Љутков изрази уверување дека Меѓународниот фолклорен фестивал „Велес 2024“ и во иднина ќе биде настан на радост и среќа каде што ќе се создаваат спомени кои ќе останат траен запис во историјата на манифестацијата.
Македонија
Средба на претседателот Гаши со посебниот советник за Западен Балкан: Влезот на Западен Балкан во ЕУ треба да се случи што поскоро
![](https://makfax.com.mk/wp-content/uploads/2024/07/gashi-frangesh1.jpg)
Претседателот на Собранието, Африм Гаши, оствари средба со посебниот советник за Западен Балкан, Анжеј Франгеш.
Гаши изрази благодарност за заложбите на Словенија да назначи специјален претставник за Западен Балкан, со што ја потврдува својата посветеност на европската перспектива на земјите од Регионот, вклучително и нашата земја.
Словенија е искрена, пријателска земја, силен поддржувач на евроинтеграциите. Особено се ценат нејзините заложби за одржување на прашањето за проширувањето високо на агендата на Европската Унија.
Влезот на Западен Балкан во ЕУ треба да се случи што поскоро, затоа што и Балканците се Европејци и тоа е во корист не само на овие земји, туку и на самата Унија.
Во таа насока, прашањето за уставните измени како пречка за влез во големото европско семејство треба да се реши што поскоро, а реформскиот процес да продолжи. Помошта и поддршката од посебниот советник Франгеш е добредојдена како одличен познавач на Регионот.
Франгеш на претседателот Гаши му посака успешна работа во новиот мандат, истакнувајќи дека парламентарната демократија е многу важна.
Соговорниците оставија отворена врата за соработка, со почести средби и поактивна улога во наредниот период.