Свет
(Видео) Легнати на подот – Хаос на аеродромот во Тел Авив по најавата за напад од Хамас

На аеродромот „Бен Гурион“ во Тел Авив денеска околу 16 часот владееше вистинска паника откако беше најавен воздушен напад од правец на Газа, пренесуваат медиумите во регионот.
Според написите, во моментот на најавата дека овој аеродром може да биде погоден од бомби, аеродромот беше полн со луѓе, кои речиси по инерција легнаа на подот или над торбите.
❗️ Ben Gurion Airport in Tel Aviv under fire from #Hamas
Hamas said it was shelling "in response to an attack on civilians". Powerful shelling of the south and center of #Israel also continues 🤬🤬🤬#HamasTerrorists pic.twitter.com/ss7PIWdqiC
— Aurora Borealis 🤫 (@aborealis940) October 11, 2023
На аеродромот Бен Гурион се слушнале сирени, но нема извештаи за прекин на воздушниот сообраќај.
„Бритиш ервејс“ објави дека ги суспендира сите летови до Тел Авив, стои во извештаите на медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Силен земјотрес ја погоди Света Гора, почувствуван на Халкидики и во Солун

Земјотрес со магнитуда од 5,3 степени е регистриран попладнево во морската област на Света Гора.
Според Геодинамичкиот институт и Сеизмолошката станица на Универзитетот „Аристотел“ во Солун, епицентарот на потресот бил на 7 километри западно од Кареја, на длабочина од 12,5 километри.
Како што јавуваат грчките медиуми, силниот земјотрес го потресе целиот регион Халкидики, како и градот Солун. Бил почувствуван и на крајбрежните области на Кавала и Тасос.
Свет
Нов закон во Русија: до 5.500 евра казна за продажба на енергетски пијалаци на деца

Рускиот претседател, Владимир Путин, потпиша нов закон со кој се воведуваат строги казни за продажба на енергетски пијалаци на малолетници. Според информациите објавени на официјалната веб-страница за правни акти, прекршителите може да се соочат со казни до 5.500 евра.
Законот ги регулира правилата за малопродажба на безалкохолни енергетски пијалаци и предвидува казни за сите кои ќе ги прекршат одредбите – од индивидуални продавачи до правни и службени лица. За граѓаните и компаниите казната може да достигне до 5.500 евра, додека за службени лица – до 2.200 евра, јави РИА Новости.
Претседателот на руската државна дума, Вјачеслав Володин, претходно изјави дека овој закон ќе биде продолжение на систематската законодавна работа за заштита на здравјето на помладата генерација.
Пратеникот на Државната дума, Алексеј Говирин, истакна дека во некои региони ограничувањето за продажба на енергетски пијалоци на малолетници важеше и претходно, но дека само во некои региони беа предвидени казни, на пример, во Московскиот регион и Санкт Петербург, и дека тие беа значително пониски од она што беше утврдено врз основа на новиот закон.
Свет
(Видео) „Харков моментално го доживува најсилниот напад од почетокот на војната“ – најмалку тројца загинати, 22 повредени

Русија го нападна источниот украински град Харков со беспилотни летала, ракети и бомби, при што загинаа најмалку три лица, а 22 беа повредени.
Градоначалникот на Харков, Ихор Терехов, вели дека се нападнати повеќекатници и приватни станбени згради, образовни и инфраструктурни објекти.
„Харков моментално го доживува најсилниот напад од почетокот на војната“, изјави тој.
Mentre per l’arancione Russia e Ucraina sono due bambini che litigano nel parco, il regime nazista e mafioso del Cremlino, quello che chiama “terrorista” il governo di Kyiv, continua ad uccidere. Nell’attacco di stamattina a Kharkiv sono morti 3 civili pic.twitter.com/bDRgOoiDxH
— Marco Setaccioli (@marsetac) June 7, 2025
Гувернерот на Харков, Олех Синиехубов, изјави дека еден од цивилните индустриски објекти во градот бил нападнат од 40 дронови, една ракета и четири бомби, што предизвикало пожар, додавајќи дека под урнатините можеби сè уште има луѓе.
#BreakingNews
Massive Night Assault on #Kharkiv: Over 50 explosions rocked the city in just 2 hours.
🔥 Main strike targeted the Kommunar plant—30+ hits reported.
💥 An oil depot near Maselsky metro also struck.
Locals describe it as the biggest attack yet.#UkraineWar… pic.twitter.com/rNLKnSlJsp— War Doctrine (@War_Doctrine) June 7, 2025
Украинската војска соопшти дека Русија лансирала 206 дронови, 2 балистички и 7 други ракети против Украина во текот на ноќта.
Харков, еден од најголемите градови во Украина, се наоѓа на само неколку десетици километри од руската граница и е под постојано руско гранатирање.