Скопје
Герасимовски: Почнува реконструкција на улицата Столтенбергова пред Градскиот стадион
![](https://makfax.com.mk/wp-content/uploads/2023/10/stoltenbergova-rekonstrukcija-4.jpg)
Како резултат од меѓуопштинската соработка со Град Скопје, денеска, почна реконструкција на улицата Столтенбергова, која ги поврзува Градскиот парк, Градскиот стадион и кејот на реката Вардар.
Градежните зафати, на кои работи ЈП „Улици и патишта“, се одвиваат на потегот пред Градскиот стадион, каде што е вградена камена коцка, односно калдрма, која со реконструкцијата ќе биде отстранета и на чие место ќе се постави нов алфалтен слој, извести Општина Центар.
„Денеска, почнаа градежните зафати на потегот пред Градскиот стадион ‘Тодор Проески’, кој беше покриен со калдрма, која со текот на времето беше оштетена и дотраена. Со овие реконструктивни зафати целата калдрма ќе биде извадена и ќе биде заменета со нов асфалтен слој. Со градежните зафати ќе го изедначат целиот круг околу градскиот стадион, со што ќе се добие целина затоа што калдрма имаше единствено на локацијата на која сега се работи“, вели Герасимовски.
Претходно, во август, со меѓуопштинска соработка со Град Скопје беше реконструирана улицата Славејко Арсов на Водно, каде што беше поставен нов асфалт и нови рабници.
Општина Центар ќе продолжи да вложува во инвестиции во инфраструктурата со цел да се зголеми безбедноста на пешаците и возачите, но и да се нормализира одвивањето на сообраќајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Скопје
Градоначалникот Ѓорѓиевски разговараше телефонски со 50 жители на Кисела Вода: „Мојот тим ги запишува барањата“
![](https://makfax.com.mk/wp-content/uploads/2024/06/georgievski.jpg)
Градоначалникот на Кисела Вода, Орце Ѓорѓиевски денот го поминал во својот кабинет каде телефонски разговарал со повеќе од 50 граѓани за нивните проблеми, потреби и идеи Информираше дека барањата се евидентирани и веднаш ќе се пристапи кон решавање, а сите останати граѓани кои се соочуваат со некаов проблем, можат да се јават на 02/2785400 и да закажат средба.
„Нема одмор – се работи и во сабота Од рано наутро сум во мојот кабинет каде што досега остварив телефонски разговор со повеќе од 50 мои сограѓани, кои имале потреба или оставиле свој контакт на службите од општината. Мојот тим ги запишува барањата и веднаш пристапуваме кон нивно решавање.
Морам да споделам дека ме радува тоа што некои граѓани немаат апсолутно никаков проблем, туку им треба само пријателски разговор во кој ќе споделат и некоја идеја од која ќе произлезе проект во иднина.
Има и такви кои се пријатно изненадени и велат дека во минатото не можеле никако да стигнат до градоначалникот, а не пак лично да ги побара телефонски. Приемот е многу позитивен и за мене тоа е најголемото признание дека сме на добар пат.
Останувам тука да разговарам или остварам лична средба со секој оној кој има потреба, во мојот кабинет или надвор, на пријателско кафе.
На проблемите ќе им погледнеме во очи и заеднички ќе ги решаваме. Секогаш за мојот народ“, изјави градоначалникот Орце Ѓорѓиевски.
Скопје
Град Скопје: Не сме надлежни за постапување во случаите со змии
![](https://makfax.com.mk/wp-content/uploads/2024/06/zmija-sk.jpg)
„Поврзано со дезинформациите пласирани во јавноста, а во врска со последниот случај на појава на змија во Идризово, ја известуваме јавноста дека со Законот за Град Скопје е прецизно утврдено чии се надлежностите за дезинсекција, дезинфекција и дератизација, односно Град Скопје нема надлежност за дератизација или постапување во случаи со змии или други влекачи или глодари“, велат од Град Скопје.
„Во член 15 став 1 точка 4 од Законот за Град Скопје јасно е утврдена обврската на општините во градот за дератизација и дезинфекција, односно десетте општини се надлежни за дератизација и дезинфекција на населените места на својата територија.
Дератизација е збир на процедури кои се спроведуваат со цел да се уништат опасни штетници и можни носители на одредени заразни болести. Дезинфекцијата е постапка насочена кон уништување на најголемиот број на несакани микроорганизми со различни физичко-хемиски средства.
За појаснување со член 10 став 1 точка 4 од Законот за Град Скопје, утврдена е единствено надлежноста на градот за дезинсекција, како збир од процеси кои се преземаат за сузбивање на инсектите“, се наведува во соопштението на Град Скопје.
Скопје
Посебен режим на сообраќај во Скопје в сабота поради „Парадата на гордоста“
![](https://makfax.com.mk/wp-content/uploads/2019/06/parada-na-gordosta-2-2.jpg)
Утре во 17.00 часот ќе се одржи настанот „Парада на гордоста“ во централно-градско подрачје во Скопје.
Од тие причини, Одделението за безбедност на патниот сообраќај при СВР Скопје, почнувајќи од 15.00 часот, ќе преземе мерки за посебен режим на сообраќај во централното градско подрачје.
МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.