Спорт
Барела, Манчини, Берарди… „Половина“ играчи од Серија А вмешани во аферата
Скандалот со нелегалното обложување во Италија добива нови димензии. Според медиумите на Апенсинскиот полуостров, под истрага се 20 фудбалери и претседателот на Лече, Севери Стики Дамјани.
Засега тројца фудбалери беа на распит, станува збор за Николо Фаџоли од Јувентус, односно репрезентативците Николо Заниоло и Сандро Тонали.
Листа на играчи за кои медиумите тврдат дека се поврзани со нелегално обложување:
Јувентус
Николо Фаџоли
Федерико Гати
Леонардо Бонучи (Унион Берлин)
Милан
Сандро Тонали (Њукасл)
Алесандро Флоренци
Ромите
Николо Заниоло (Астон Вила)
Никола Залевски
Џанлука Манчини
Лацио
Николо Ровеља
Алесио Ромањоли
Матијас Закањи
Мануел Лазари
Лука Пелегрини
Интер
Николо Барела
Давиде Фратези
Раул Беланова
Кремонезе
Феликс Афена Џан
Лука Занимакија
Сасуоло
Доменико Берарди
Лече
Антонино Гало
Додека медиумите во Италија продолжуваат да шпекулираат за тоа кој и во чие име платил сериозни суми на пари, обложувајќи се главно на натпревари од Серија А, клопчето полека се расплетува и, судејќи според последните информации од Апенините, води дури и до сопствениците или претседатели на клубовите.
Една работа паѓа во очи, а тоа е дека на списокот осомничени за нелегално коцкање се италијански фудбалери, а повеќето од нив биле репрезентативци. Сите се соочуваат со повеќегодишна суспензија.
Фудбалерот на Јувентус, Фаџоли, наводно должи 70.000 евра на нелегална „кладилница“.
Поранешниот фудбалер на Рома, Заниоло, би можел да настрада многу повеќе од другите, бидејќи како играч на римскиот клуб типувал на натпреварите на кои настапувал.
Медиумите веќе шпекулираат дека Астон Вила нема да го откупи договорот на Заниоло, иако тој како играч покажа дека е класа и дека може да игра вво Премиер лигата, додека Англичаните на големо шпекулираат дали Њукасл има право да го тужи скапо платеното засилување од Милан, Тонали, доколку се докаже дека бил дел од оваа организирана група спортисти „навлечени“ на обложување.
Навивачите се зачудени бидејќи им е јасно дека се работи за фудбалери кои во најголем дел заработуваат огромни суми и не треба да размислуваат за егзистенцијата, а сепак својата кариера и чест ја доведуваат во прашање не само со обложување, туку и соу споделување информации за тоа со колегите од репрезентацијата и ривалите од другите клубови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дончиќ и Далас во финалето на Западот
Кошаркарите на Далас ја победија Оклахома со 117:116 и се пласираа во финалето на Западната конференција.
Маверикс со вкупен резултат 4:2 го победија Тандер, тимот кој регуларниот дел од сезоната го заврши на првото место на Западот.
Победничките поени за Далас ги постигна Пи Џеј Вашингтон од линијата за слободни фрлања на 2,5 секунди до крајот, поточно го погоди првото, а намерно го промаши второто, а во преостанатото време играчите на Тандер имаа само време да шутираат од својата половина и не успеаја да реализираат.
Оклахома пропушти голема шанса да избори мајсторка бидејќи во третата четвртина имаше предност од 17 поени.
Херој на Маверикс, како и обично, беше фантастичниот Словенец Лука Дончиќ, кој блескаше и оствари трипл-дабл со 29 поени и по 10 скока и асистенции.
Трагичар на Оклахома беше нејзиниот најдобар играч, Шај Гилџис-Александер, кој го фаулираше Вашингтон. Најефикасниот кошаркар на натпреварот постигна дури 36 поени.
Спорт
(Видео) Усик го победи Фјури – Светот доби апсолутен шампион во тешка категорија
По 24 години светот на боксот има апсолутен шампион во тешка категорија. Тоа е Украинецот Александар Усик, кој по 12 извонредни рунди го совлада Британецот Тајсон Фјури во долгоочекуваниот меч.
Двајца судии гласаа за Усик (114-113 и 115-112), а еден за Фјури (114-113).
Усик тргна подобро, беше поагресивен во почетната фаза од мечот, но во шестата рунда се чинеше дека Украинецот е многу далеку од победа бидејќи беше разнишан од одличните комбинации на „кралот на циганите“.
Сепак, во деветтата рунда, Усик покажа зошто е еден од најголемите борци на својата генерација и со фантастичен бокс и различни притисоци, го нокаутира својот ривал.
Можеби судијата тука требаше да го прекина мечот, затоа што Фјури доби голем број на удари без активно да се брани и возврати. Гонгот на крајот од рундата го спаси видно дезориентираниот Фјури, а се чинеше дека Украинецот ќе успее да дојде до престана победа во следната рунда.
Сепак, Фјури „преживува“ до крајот на 12. рунда, но Украинецот победи на поени.
Борбата се одржа пред преполната „Кингдом арена“ во Ријад, а Усик сега е сопственик на сите главни титули на денешницата, во верзиите на ВБА, ВБЦ, ИБФ, ВБО (како и помалку значајната ИБО), титулата на списанието „Ринг“, како и титулата линеален шампион на светот.
Усик има совршени 22-0 како професионалец.
HOW did Tyson Fury survive this from Oleksandr Usyk 🤯 pic.twitter.com/49IbID0yNl
— Happy Punch (@HappyPunch) May 18, 2024
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.