Спорт
Некој шири гласини дека Чеко Перез ќe се пензионира
Гласините за пензионирањето на Серхио Перез од Формула 1 толку многу се проширија во светот на автомобилизмот што Ред Бул мораше да реагира и да ги демантира.
Официјален претставник на австрискиот тим изјави за германски „Аутоспорт“ дека не е точно дека Ред Бул планира да му ускрати на Мексиканецот место во болидот за следната сезона и додаде дека никој во тимот не слушнал ништо за наводната желба на Чеко да ја заврши кариерата на 29 октомври на Големата награда на Мексико.
Оваа изјава ја потврди и советникот на Ф1 тимот на Ред Бул и најжесток критичар на Перез, Хелмут Марко, кој неодамна изјави дека на вториот возач на тимот му е потребна промена, но демантираше дека соработката ќе биде прекината една година пред истекот на договорот.
Неименуваниот извор го наведува и ставот на Перез дека и покрај уште една потпросечна сезона и само пет освоени бода на последните три трки, 33-годишникот има намера да го заврши целиот договор со Ред Бул. Тоа значи дека сака да вози и во 2024 година.
Од друга страна, се шпекулира дека Ред Бул наголемо размислува кој покрај неприкосновениот Макс Ферстапен ќе го вози нивниот болид следната година и дека тоа сигурно нема да биде Перез, кој има шест победи во кариерата.
Ова во овој момент е поблиску до вистината отколку сензационалистичката најава за повлекување од „најлудиот циркус“.
На преостанатите пет трки до крајот на сезоната, Перез го очекува жестока битка со Луис Хамилтон за второто место во генералниот поредок зад ново-стариот светски шампион, Ферстапен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024
Спорт
Де Зерби заминува од Брајтон
Италијанскиот тренер Роберто де Зерби (44) ќе го напушти Брајтон на крајот од актуелната сезона, потврдија од клубот.
Де Зерби ќе се прости од навивачите на неделниот натпревар помеѓу Брајтон и Манчестер јунајтед.
Италијанецот го предводеше Брајтон од средината на септември 2022 година.
Ќе биде интересно да се види каде Де Зерби ќе ја продолжи кариерата. Медумите тврдат дека заминува бидејќи има понуда од некој поголем, посилен и поамбициозен клуб.