Свет
(Видео) Ден пред избори, полицијата симнуваше човек од споменик кој се закануваше дека ќе го разнесе со бомба
Полицијата затвори еден од главните плоштади во Варшава денеска околу пладне, откако маж се качи на споменик и се закани дека ќе се разнесе со бомба што наводно ја имал во чантата.
Споменикот, кој е посветен на жртвите од авионската несреќа во Смоленск во 2010 година, беше тема на политичка тензија меѓу владејачката партија Право и Правда (ПиС) и нејзините противници, а денешниот инцидент се случува ден пред изборите. Сепак, нема индикации дека двете прашања се поврзани.
Денеска околу 11:30 часот дописничката на Би-би-си Сара Рејнсфорд објави фотографија од прозорецот на нејзиниот хотел со поглед на плоштадот Пилсудски. На неа беше прикажан човек кој стои на врвот на споменикот за Смоленск.
Рејнсфорд објави дека полицијата ги блокирала локалните улици и им наредила на гостите да останат во хотелот. Отприлика во исто време, полицискиот штаб на Варшава објави дека „од безбедносни причини, плоштадот Пилсудски и околината се затворени за сообраќај. Полициски службеници се излезени на терен“.
Портпаролот на полицијата подоцна ја информира полската новинска агенција (ПАП) дека преговарачите разговарале со човекот и дека неколку стотици полицајци, вклучително и сили за борба против тероризмот, биле распоредени во областа.
Тој одбил да ги потврди или да ги негира информациите дека мажот држел нешто во раката и се заканувал дека ќе активира експлозив во ранецот.
Малку пред 14 часот полицијата соопшти дека го привела мажот откако преговарачите успеале да го отстранат од споменикот.
An unidentified man threatens to detonate a 💣 on the Pilsudski Square in downtown Warsaw 🇵🇱. The police is trying to diffuse the situation. pic.twitter.com/rWA6dgChKR
— 1 Star General (@laowaiaround) October 14, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски се обрати до нацијата: Се браниме кај Харков, во Доњецк е исклучително тешко
Украинските сили продолжуваат со одбранбените операции околу северните погранични населби во регионот Харков, изјави украинскиот претседател, Володимир Зеленски во вечерното обраќање до нацијата.
„Нашите сили извршуваат контранапади и ја штитат украинската територија веќе втор ден“, рече Зеленски.
Украинската војска претходно соопшти дека руските сили се задржани во пограничните села во „сивата зона“, додека Русија објави дека зазела пет локални населби.
Ситуацијата, рече Зеленски, е особено напната во регионот на Доњецк, поточно во правец на Покровское, кај селата Семенивка и Нетаилова.
Зеленски додаде дека попречувањето на руските офанзивни акции сега е задача број еден.
Свет
Макрон: Се надевам дека Французите нема да мора да се борат во Украина
Францускиот претседател Емануел Макрон уште еднаш не ја исклучи можноста за интервенција на француската армија во Украина, но истовремено изрази надеж дека неговата земја нема да мора да војува и да испраќа свои војници во војна.
Како што пренесува „Украинска правда“, Емануел Макрон рече дека во одреден момент Европејците треба да бидат подготвени да ја спречат Русија да напредува понатаму во Украина, но тој најискрено се надева дека нема да мора да се борат.
„Ако сакаме мир, мораме да го заштитиме. Затоа треба да се вооружиме и затоа треба да бидеме средство за одвраќање и убедување. Ако одите предалеку и ги загрозувате нашите интереси и нашата безбедност, тогаш јас не исклучувам интервенци во конфликтот“, рече Макрон.
Тој нагласи дека украинскиот суверенитет и територијалниот интегритет се под закана, но истовремено владеењето на правото и општите правила се под закана.
„И ако оставиме сè како што е во Украина, тогаш ќе победи правото на посилниот. И не можеме да бидеме сигурни бидејќи тоа се случува на 1.500 километри. Значи, во Украина нашата иднина и нашата безбедност се во прашање“, заклучи францускиот претседател.
Свет
Големи пропалестински протести во Малме пред евровизиското финале, се бара исклучување на Израел од натпреварот
Денеска во центарот на Малме, Шведска се одржува масовен пропалестински протест поради учеството на Израел на овогодинешното натпреварување.
Голем број луѓе почнаа да се собираат на главниот плоштад во Малме од 16 часот.
Протестот почна на главниот плоштад во Малме, а насобраните од ова место се упатија кон арената Малме, каде што се одржува Евровизија.
Во четвртокот, кога претставничката на Израел настапи во втората полуфинална вечер, на улиците на Малме протестираа повеќе од 30.000 луѓе, според проценките на шведската полиција.
Барањата се исти – бојкот на Евровизија и исклучување на Израел од натпреварувањето.