Свет
ОН: Блискиот Исток е на работ на бездна
![](https://makfax.com.mk/wp-content/uploads/2023/10/gaza5.jpg)
Генералниот секретар на ОН, Антонио Гутереш, изјави во неделата дека Блискиот Исток е на работ на бездна и го повика исламистичкиот Хамас веднаш да ги ослободи заложниците, а Израел да обезбеди итен хуманитарен пристап до Појасот Газа.
„Секој од овие цели вреди сам по себе“, се вели во соопштението на Гутереш. „Тие не треба да станат договор за пазарење и мора да се случат затоа што тоа е вистинската работа“. „Газа останува без вода, електрична енергија и други основни резерви“, рече шефот на ОН.
Гутереш рече дека ОН имаат резерви храна, вода, непрехранбени производи, медицински материјали и гориво во Египет, Јордан, Израел и на Западниот Брег, кои би можеле да бидат испратени во Газа во рок од неколку часа доколку може безбедно и без пречки да се испорачаат.
По големиот напад на Хамас, Израел го поврза обезбедувањето основни услуги за цивилното население во Појасот Газа со ослободувањето на израелските заложници, кои ги држи исламистичката организација. Повиците на Израел до жителите на Газа да ја напуштат областа беа широко критикувани, вклучително и од ОН, кои предупредија на хуманитарна катастрофа. „Хуманитарна катастрофа без преседан“ е во тек во Газа, соопшти агенцијата на ОН за палестински бегалци.
„Ниту капка вода, ниту зрно пченица, ниту литар гориво не е дозволено да влезе во Газа во последните осум дена“, рече Филип Лазарини, шеф на агенцијата на ОН за палестински бегалци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Зеленски: Украина го зголемува производството на дронови и се што е потребно на бојното поле
![](https://makfax.com.mk/wp-content/uploads/2024/06/677z381_12290882-zelenski.jpg)
Украинскиот претседател Володимир Зеленски денеска изјави дека Украина го зголемува производството на беспилотни летала, оружје, муниција, опрема, машини за деминирање и се што е потребно на фронтот.
„Украина го зголемува производството на беспилотни летала, одредени видови оружје, муниција, опрема, машини за деминирање и многу други основни предмети – се што е потребно на првите линии за да се спасат животите на нашиот народ со моќта на технологијата“, напиша Зеленски на каналот на Телеграм пренесува Ukrinform.
Според него, оваа војна покажува дека технологијата на бојното поле е ефикасна одбрана од агресија во современиот свет.
Регион
Трагедија во Грција: британски нуркач се удави додека истражуваше познат потонат брод
![](https://makfax.com.mk/wp-content/uploads/2024/07/potonat-brod-grcija.jpg)
Британски турист трагично загина нуркајќи во близина на познат грчки потонат брод, пишува „Сан“.
33-годишниот маж се удавил додека нуркал кај потонатиот брод Епаноми во Солун поради „немирно море“, јавуваат локалните медиуми.
Нуркачот влегол во неволја во неделата попладне, поради лошото време.
Официјален претставник на крајбрежната стража изјавил дека кога пливал, времето се променило и почнало да врне.
– Веднаш се испратени чамец за спасување и брза помош, но додека пристигнале тој бил извлечен од водата без свест, вели службеникот.
Тој изјавил дека од водата го извлекол храбар пливач.
Службеникот додаде дека Капетанијата на пристаништето Миханион ја истражува несреќата и дека ќе биде извршена обдукција.
Трагедијата го зголеми бројот на загинати туристи во Грција на девет од почетокот на јуни, откако минатиот петок во Спецес беше откриено телото на британскиот морнар.
Свет
Европската комисија ја предупреди Мета дека нејзиниот бизнис модел го прекршува Законот за дигитални пазари
![](https://makfax.com.mk/wp-content/uploads/2024/07/v.jpg)
Европската комисија (ЕК) ја предупреди Мета, сопственик на платформите Фејсбук и Инстаграм, дека нејзиниот деловен модел „плати или согласи“ го прекршува Законот за европски дигитални пазари (ДМА).
Корисниците на компанијата Мета во моментов можат да плаќаат за услугата на дигиталните платформи без следење активности и реклами или да ја користат услугата бесплатно под услов да се согласат компаниите да ги користат нивните податоци за рекламирање, но ЕК смета дека овој модел не е во во согласност со закон.
Компанијата Мета „не им дозволува на корисниците да изберат услуга која користи помалку од нивните лични податоци и е еквивалентна на услуга базирана на платени реклами“, велат Европската комисија.