Свет
Израелскиот генерал Шамни: САД очекуваат да го уништиме Хамас, мисаијта ќе трае од шест до осум месеци
Генерал-мајор Гади Шамни, поранешен командант на дивизијата на ИДФ Газа и поранешен воен аташе во САД, за „Канал 12“, по посетата на американскиот претседател Џозеф Бајден, изјави дека САД очекуваат Израелците да го уништат Хамас.
Покрај тоа, вели Шамни, дури и без зелено светло на Америка, Израел не смее да ја прекине оваа војна додека „Хамас не биде целосно поразен и Газа не се демилитаризира“. До крајот сите заложници мора да бидат вратени, а Израел мора да ги постави условите за обнова на Газа, најверојатно со враќање на палестинската управа на власт таму, вели тој.
Според него, Хамас признава дека Израел има проблем со лидерството, без ефективни „раце на воланот“ и го осудува премиерот Бенјамин Нетанјаху за негувањето на Хамас.
Шамни вели дека воената задача е сложена, но ИДФ може да го стори тоа – „има борци, оружје, борбен дух и решителност“.
Мисијата ќе трае 6-8 месеци, предвидува тој. „Освојувањето на Газа, преземањето контрола над Газа, ќе потрае неколку недели. Тогаш Израел ќе мора да ги убие и зароби вооружените сили на Хамас.
„Илјадници ќе мора да бидат затворени во Негев за да послужат како договор за пазарење“ за повеќе од 200 затвореници што Хамас ги држи како заложници.
„Ако Израел ги ослободи палестинските затвореници како што сака Хамас, тоа би било пораз за Израел. Тоа само би предизвикало дополнителни напади“.
Значи, нема избор. Луѓето што зборуваат за други опции, сето тоа да се направи од воздух, вели тој, грешат. Воздушните напади се важни, но на крајот мора да влезат копнените сили.
Тој вели дека Хамас може да апсорбира многу од казнените воени напади.
„Тие мислат дека може да нè наведнат по нивна волја. ИДФ треба да биде претпазлива во областите каде што верува дека се држат заложници, но, генерално, „ИДФ мора да оди напред со полна сила“.
Шамни вели дека ИДФ е способна да дејствува истовремено на северниот фронт против Хезболах доколку е потребно и да го контролира Западниот Брег. На крајот, додава тој, Хезболах мора да биде турнат од своите позиции на северната граница. „И ќе мораме да го решиме тоа со сила“, вели тој, бидејќи дипломатијата нема да го врати Хезболах назад.
Реалноста таму е полоша отколку што беше пред израелско-либанската војна во 2006 година, вели тој, и луѓето нема да се вратат да живеат во северната гранична област во близина на Либан, освен ако или додека Хезболах не биде турнат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русите го нападнаа Харков преку ноќ: убиена 17-годишна тинејџерка, 16-годишно момче меѓу ранетите
Седумнаесетгодишна тинејџерка беше убиена, а девет други беа повредени во руски ракетен напад извршен ноќеска врз регионот Харков во источна Украина, изјави шефот на државната администрација на Харков, Олег Синегубов.
Девојката беше тешко повредена во нападот, а подоцна им подлегна на повредите во болница, додаде Синегубов.
Тој рече дека меѓу повредените е и 16-годишно момче, објави Укринформ.
1/
⚡️Russian missile strikes Kharkiv Oblast, killing teenage girl, injuring 9.A seventeen-year-old girl was killed and nine others were injured in an overnight Russian missile attack on the city of Berestyn in Kharkiv Oblast on Nov. 18, regional authorities said.… pic.twitter.com/m4GzjQEFsj
— Lew Anno Support#Israel #Ukraine 24/2-22 (@anno1540) November 18, 2025
Синегубов објави на Телеграм дека седум лица се хоспитализирани со повреди од рускиот напад врз градот Берестин во регионот Харков.
Нападот се случи еден ден по рускиот ракетен напад врз градот Балаклија, при што загинаа три лица, а ранети се уште 15, меѓу кои три деца.
Руските сили ја интензивираа својата офанзива во регионот Харков оваа година, што доведе до зголемување на нападите врз градови и села подалеку од линијата на фронтот.
фото: принтскрин
Европа
Зеленски во Турција в среда, пристигнува и човекот на Трамп: се очекуваат разговори со Виткоф
Специјалниот американски претставник Стив Виткоф утре ќе ја посети Турција и ќе се придружи на разговорите со украинскиот претседател Володимир Зеленски, објави денес Ројтерс, повикувајќи се на турски извор.
Зеленски претходно изјави дека планира да замине за Турција во среда по денешната посета на Шпанија.
Зборувајќи за претстојните состаноци со шпански и турски претставници, Зеленски во објава на Фејсбук рече дека приоритет на Украина е да ги обнови мировните преговори и да ја заврши војната што е можно поскоро.
Зеленски рече дека Украина, исто така, работи на продолжување на размената на затвореници со Русија.
Тој нагласи дека средбата со шпанските претставници долго се подготвувала и дека Киев очекува уште една силна земја да помогне во приближувањето на крајот на војната.
Зеленски во понеделник ја посети Франција, која ја нарече една од најпродуктивните оваа година, а Елисејската палата објави дека Украина ќе купи до 100 авиони „Рафал“, опрема за воздушна одбрана и беспилотни летала од Франција.
фото: принтскрин
Свет
Мистериозна смрт на крузер: телото на 18-годишната Ана пронајдено завиткано во ќебе под креветот
Семејството и пријателите жалат за смртта на 18-годишната Ана Кепнер од Титусвил, Флорида, која беше пронајдена мртва на крузерот „Карнивал Хорајзон“. Нејзината смрт, која се случи под нејасни околности, е предмет на истрага на ФБИ.
Ана Кепнер беше пронајдена мртва на крузерот кога се враќаше во пристаништето во Мајами во сабота, 8 ноември.
„Смртта на гостин на патувањето со ‘Карнивал Хорајзон’ е под истрага на ФБИ“, потврдија претставници на „Карнивал Круз“ во соопштение, објави „Флорида Тудеј“. Компанијата додаде дека нивниот „фокус е на поддршка на семејството на нашиот гостин и соработка со ФБИ“.
Телото е предадено во Канцеларијата на медицинскиот испитувач во округот Мајами-Дејд за обдукција, чии конечни резултати би можеле да бидат познати по недели. Прелиминарната причина за смртта не е објавена.

Телото на навивачка од средно училиште пронајдено мртво на крузер „Карнивал“ било завиткано во ќебе и ставено под кревет, објавува „Дејли меил“. Извори за „Дејли меил“ изјавиле дека Ана се пожалила дека се чувствувала лошо вечерта на 6 ноември додека била на вечера, па отишла во својата кабина.
Следното утро, кога нејзиниот татко Кристофер Кепнер (41) и маќеата Шонтел Хадсон (36) ја поканиле на појадок, тинејџерката никаде не била пронајдена.
Семејството почнало да го пребарува огромниот брод, но на крајот собарката наишла на телото на Ана кога влегла во кабината за да ја исчисти околу 11 часот наутро на 7 ноември. Два извори кои разговарале со „Дејли меил“ под услов на анонимност велат дека девојчето било пронајдено завиткано во ќебе, покриено со елеци за спасување и ставено под кревет.
Заедницата во Титусвил е длабоко погодена од нејзината смрт. Учениците и наставниците се собраа на паркингот на училиштето на 10 ноември околу нејзиниот бел автомобил, покривајќи го со цвеќе и балони во знак на сеќавање. Погребот на Ана ќе се одржи на 20 ноември.

Семејството ги замоли присутните да не носат црно. „Ве молиме да носите бои во чест на светлата и прекрасна душа на Ана. Нејзината омилена боја беше сина“, се вели во некрологот. Семејството, исто така, побара приватност и да се воздржи од онлајн шпекулации за причината за смртта. „Таа беше најдоброто дете што некогаш сте можеле да го запознаете“, рекоа тие. „Секогаш ќе ја паметиме таква каква што беше.“
фото: принтскрин

