Спорт
Гомез: Не се допингував, земав сируп против кашлица
Фудбалерот Монца, Алехандро Папу Гомез, кој е суспендиран на две години поради допинг, изјави дека бил позитивен на нелегална супстанца поради сирупот за кашлица што му го дал на својот син.
Гомез, овој месец потпиша за Монца како слободен играч и требаше да го замени Џанлука Капрари, кој ја заврши сезоната поради повреда на лигаментите на коленото.
Сепак, минатата недела беше објавено дека аргентинскиот фудбалер паднал на допинг тест во ноември минатата година додека настапувал за Севилја, а шпанските власти дури сега го казниле со двегодишна суспензија.
Гомез во изјавата на социјалните мрежи рече дека добил известување од шпанската антидопинг комисија дека лиценцата му е суспендирана на две години.
Тој изјави дека секогаш строго ги почитувал сите правила, дека силно го бранел чистиот спорт и спортскиот дух и категорично ги осудува сите видови допинг.
„Никогаш не сум, ниту имам намера да се потпирам на практиката на забранети супстанци. Наводниот прекршок доаѓа од тербуталин во мојот систем, кој случајно го проголтав од лажичка сируп за кашлица што му го давав на син ми за да му ја олеснам кашлицата. Важно е да се прецизира дека тербуталинот е дозволен за професионални спортисти и не ги подобрува фудбалските перформанси на кој било начин“, рече Гомес.
„Без да навлегувам во ситуацијата, побарав адвокатите да ја разгледаат сугестијата дека во дисциплинскиот предмет не е постапувано според нормите. Благодарен сум на сите што ме поддржаа во овие тешки моменти од мојот професионален живот“, додаде Гомез.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Почина НБА легендата Дикембе Мутомбо
На 59-годишна возраст почина легендарниот кошаркар Дикембе Мутомбо.
Мутомбо почина по битка со тумор на мозокот. Иконскиот центар доминираше во НБА во текот на 90-тите и 2000-тите: тој беше четирикратен одбранбен играч на годината, осум пати Ол-стар, трипати член на првиот тим на лигата, вкупно втор на сите времиња.
Basketball Hall of Famer Dikembe Mutombo has passed away at 58 years old due to brain cancer. pic.twitter.com/taDWSFeCQE
— Shams Charania (@ShamsCharania) September 30, 2024
„Дикембе Мутомбо беше едноставно поголем од животот. На теренот тој беше еден од најдобрите блокатори и дефанзивци во историјата на НБА. Надвор од паркетот, тој се предаде да им помага на другите“, напиша комесарот на НБА, Адам Силвер во своето проштално писмо.
Мутомбо бил во брак со сопругата Роуз, со која имал три деца и со која посвоил четири деца од нејзините починати браќа. Кошаркарот роден во Конго кариерата ја започна во Денвер, а подоцна настапуваше за Атланта, Филаделфија, Њу Џерси, Њујорк и Хјустон.
Спорт
Алан Ширер не може да поверува како изгледа играта на Манчестер јунајтед
Легендарниот англиски фудбалер Алан Ширер никогаш не играл во Манчестер јунајтед, изгради блескава кариера во Саутемптон, Блекбурн и Њукасл, но не може да го гледа она што се случува со тимот од „Олд Трафорд“.
Еден од најдобрите напаѓачи на англиската репрезентација во историјата изјави дека играта на „црвените ѓаволи“ не постои, дека нивните натпревари се негледливи и дека играчите треба да покажат малку поголема одговорност.
„Што е ова? Дали некој знае што точно игра Манчестер јунајтед? Овој тим нема идеа, нема план и тоа што го игра е неспособно и очајно“, изјави Ширер по поразот на Манчестер јунајтед од Тотенхем (0:3).
„Играчите се тие кои треба да покажат многу поголема одговорност. Не можат секоја недела да се кријат зад тренерот Ерик тен Хаг и критиките упатени кон него. Неопходно е да се разбудат и да покажат дека заслужуваат да го носат дресот на овој клуб. Манчестер јунајтед е голем клуб, вакви работи не смеат да се случуваат“.
Манчестер јунајтед моментално ја зазема 12-та позиција на табелата во англиската Премиер лига, откако по шест кола освои само седум бода.
Спорт
Легендата на Реал, Предраг Мијатовиќ, го критикува Куртоа
Легендата на Реал Мадрид, Предраг Мијатовиќ го критикуваше голманот на Тибо Куртоа.
Токму Белгиецот беше во центарот на вниманието на дербито со Атлетико (1:1), бидејќи беше нападнат од ултрасите на Атлетико.
Куртоа со начинот на кој го прослави голот на Едер Милитао, а потоа и со уште неколку провокации им го крена „притисокот“ на ултрасите“ кои започнаа да фрлаат со запалки и други предмети, поради што натпреварот беше прекинат 15 минути.
„Нема оправдување за она што го направија навивачите, но мислам дека играчите мора да се однесуваат правилно. Не смеат да провоцираат или да вртат грб, не смеат да провоцираат. Камерите се на секој чекор, фудбалерите се препознатливи. Доколку се однесуваат така, не смеаат да стапнат на фудбалскиот терен“, рече Мијатовиќ.
Инаку, Реал поведе со голот на Едер Милитао во 64. минута, а Анхел Кореа му донесе бод на Атлетико во петтата минута од судиското надополнување.