Свет
Израелски министер: Нема да ја одложуваме копнената офанзива поради заложниците
![](https://makfax.com.mk/wp-content/uploads/2023/10/izrael-vojska3.jpg)
Израел нема да ја одложи евентуалната копнена инвазија на Газа поради заложниците кои таму ги држи палестинската милитантна група Хамас, изјави израелскиот министер за енергетика за германскиот таблоид Билд. Вооружени лица на Хамас убија 1.400 луѓе и зедоа повеќе од 200 заложници во прекуграничен напад на 7 октомври.
Во интервју објавено во вторникот, израелскиот министер за енергетика Израел Кац рече дека ќе се направи се за да се вратат заложниците дома.
„Но, тоа не може да ги спречи нашите акции, вклучително и копнена офанзива, доколку решиме да го сториме тоа“, рече Кац, според весникот.
„Хамас сака да се занимаваме со затворениците и сака војската да не влегува за да ја елиминира нивната инфраструктура. Тоа нема да се случи“, додаде Кац.
Во понеделникот вооруженото крило на Хамас ослободи две постари Израелки заробени од здравствени причини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
САД најавија нов пакет воена помош за Украина
![](https://makfax.com.mk/wp-content/uploads/2023/11/amerika-sad-zname.jpg)
Владата на Соединетите Американски Држави најави голем нов пакет одбранбена помош за Украина, кој ќе вклучува ракети за системи ХИМАРС, противвоздушни пресретнувачи, артилериски гранати и друго оружје, соопшти денеска портпаролката на Белата куќа Карин Жан-Пјер.
„Американската администрација најавува доделување на нов значаен пакет помош за Украина во областа на безбедноста. САД продолжуваат да ја поддржуваат одбраната на Украина од инвазијата на Руската Федерација“, рече таа на брифинг со новинарите, пренесува Укринформ.
Портпаролката на Белата куќа не ја прецизираше вкупната вредност на новата транша помош, но нагласи дека тоа е седмиот пакет што САД го доделуваат откако американскиот претседател Џозеф Бајден го потпиша законот со дополнителни средства за потребите на националната безбедност во април.
Свет
Кремљ: Ердоган не може да биде посредник во разговорите меѓу Русија и Украина
![](https://makfax.com.mk/wp-content/uploads/2018/01/kremlj-i-crkva-130579.jpg)
Турскиот претседател Реџеп Таип Ердоган не може да биде посредник во преговорите меѓу Русија и Украина, изјави денеска портпаролот на Кремљ, Дмитриј Песков.
„Не, не е можно“, беше одговорот на Песков на новинарско прашање дали Ердоган може да посредува во разговорите меѓу Москва и Киев, но тој потврди дека на денешната средба меѓу Ердоган и рускиот претседател Владимир Путин „се зборувало за Украина “, пренесува РИА.
Путин и Ердоган разговараа на маргините на самитот на Шангајската организација за соработка во Казахстан.
Регион
На Фејсбук е објавено лажно видео од премиерот Вучевиќ, реагираат надлежните органи
![](https://makfax.com.mk/wp-content/uploads/2024/07/fgd.jpg)
На социјалната мрежа Фејсбук се појави лажен видео клип, или непостоечка изјава на премиерот на Србија Милош Вучевиќ, соопштија од Кабинетот на премиерот.
Како што беше најавено, вештачката интелигенција креирала непостоечка изјава на премиерот Милош Вучевиќ на сметката „Corvus01“ во која е злоупотребена неговата слика, додека со генериран глас се објавуваат податоци за непостоечки владини проекти.
Министерството за внатрешни работи, односно полициските службеници на техничката управа на СБПВТК, контактирале со компанијата Мета за да ги отстранат споменатите објави и да дадат информации за администраторот на сметката.