Спорт
Наполи без Елмас во Берлин, Баерн во Истанбул, Јунајтед мора да победи
Лигата на шампионите продолжува со натпреварите од третото коло, за вторник се закажани осум дуели во групите А, Б, Ц и Д. Два натпревари ќе започнат во 18 часот и 45 минути, додека останатите шест се играат од 21 часот.
Галатасарај го пречекува Баерн Минхен во групата А. Двата тима победија во првите две кола, што значи дека ова ќе биде борба за првото место во групата.
Германскиот шампион е фаворит, но на Босфор го чека вистински пекол. Познато е каква атмосфера создаваат навивачите на Галата, а мечот имаше жестока увертира. Навивачите се тепаа во Истабул, според извештаите петмина навивачи на Баерн завршиле во болница.
Во исто време се игра и натпреварот од групата Д. Европскиот вицепрвак Интер ќе му гостува на Салцбург. Нероаѕурите ја отворија новата сезона во елитата со реми со Сосиедад, а потоа со минимален резултат ја совладаа Бенфика.
Од 21 часот Бенфика игра против Сосиедад во Лисабон. Откако забележаа два пораза, „орлите“ мора да победат доколку сакаат да останат во трката за едно од првите две места.
За Манчестер јунајтед пресметката со Копенхаген практично е да се биде или не. По два порази, „Ѓаволите“ мора да победат. Секој друг исход против големиот аутсајдер од Данска би го ставил Ерик тен Хаг во исклучително тешка позиција.
Интересен натпревар може да биде оној во Брага. Домаќинот ќе го пречека Реал Мадрид. Брага со голем пресврт против Унион Берлин (3:2) докажа дека има квалитет за елитата, но дали тој квалитет ќе биде доволен за да се извлече позитивен резултат против Реал?
Тимот на Карло Анчелоти успешно ги реши првите два натпревари во Лигата на шампионите.
Во истата група, Унион Берлин го чека Наполи со намера да освои историски бодови во елитата. Идеална можност за тоа имаа Германците против Брага, на полувреме водеа со 2:0, на крајот Брага победи со 2:3 со гол во 96.минута. Унион е во лоша серија, во првенството и ЛШ имаат осум порази по ред. Наполитанците со победа и пораз доаѓаат во главниот град на Германија. Прашање е дали Елиф Елмас ќе биде во ростерот. Македонскиот репрезентативец не играше викендов во СеријА поради повреда. Според медиумите, тој ќе го пропушти и овој натпревар.
Во групата Б, Севилја на домашен терен игра со Арсенал, по воведните две нерешени средби со Ленс и ПСВ. „Топчиите“ беа непријатно изненадени во Ленс во претходното коло. Тие се големи фаворити во групата и тоа треба да го потврдат во Андалузија.
Ленс сака уште еден триумф пред своите фанови. Ако Французите успеаја да го победат Арсенал, тогаш сигурно можат и ПСВ, иако тимот од Холандија сезонава игра во одлична форма. Тие во воведните девет кола од Ередивизија славеа со импресивна гол-разлика 30:3.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тренерот на Милан се соочува со жестока казна
Тренерот на Милан, Масимилијано Алегри, е соочен со долга суспензија поради навреда на спортскиот координатор на Наполи, Габриел Оријали, за време на полуфиналето на италијанскиот Суперкуп помеѓу двата клуба во четврток вечерта.
Како што објавува „Газета Спорт“, тренерот на второпласираниот тим од Серија А би можел да добие казна од неколку натпревари во домашното првенство поради несоодветните зборови што му ги упатил на поранешниот италијански фудбалер.
Во случај да не добие суспензија, трофејниот италијански стручњак веројатно ќе биде „удрен во џебот“, а Дисциплинската комисија е таа што треба да одлучи каква казна ќе му одреди на Алегри.
Од Наполи веќе изјавија дека се надеваат, дека Алегри ќе добие соодветна казна за своето простачко однесување.
„Се надеваме дека овој целосно неконтролиран напад нема да помине незабележано, особено затоа што, со 33 камери вклучени во продукцијата на настанот, беше невозможно да не се види што се случи“, се вели во соопштението на клубот кој ќе се бори против Болоња за титулата победник на италијанскиот Суперкуп.
За потсетување, Милан ќе го игра својот следен натпревар во Серија А само во недела, 28 декември во Верона.
Foto/ freerangestock
Спорт
„Марка“: Винисиус се скара со следбениците на Инстаграм
Винисиус Жуниор повторно предизвика контроверзии, откако беше заменет против Севилја (2:0).
Овој пат, тоа не го направи на теренот на „Бернабеу“, како за време на Ел Класико, туку пред очите на своите 57 милиони следбеници на Инстаграм.
Лут поради свирежите што ги слушна при напуштањето на играта, Бразилецот ја смени својата профилна слика на Инстаграм кратко по завршувањето на натпреварот Реал Мадрид – Севиља (2:0), пишува „Марка“, во текстот со насловот „Кавгата на Винисиус пред очите на 75 милиони следбеници“.
Само десет минути по последниот свиреж на судијата, сè уште во соблекувалната, ја отстрани фотографијата на која го држи дресот на Реал Мадрид и ја замени со слика од натпреварот во дресот на бразилската репрезентација.
„Седумката“ на Реал Мадрид го напушти теренот во 83-та минута со свирежи, но и аплауз од некои навивачи, што јасно ја покажа поделбата меѓу публиката.
Неговиот потег на социјалните мрежи дополнително ги разгоре тензиите за неговиот однос со навивачите на „Бернабеу“. Покрај тоа, тој објави две фотографии од натпреварот против Севилја придружени со три точки.
Интересно е што толку брзо ја смени сликата на профилот што во своите Инстаграм приказни, додека ги споделуваше тие фотографии, старата слика со дресот на Реал сè уште беше видлива.
Винисиус не го дочекува крајот на 2025 година во најдобра атмосфера. Односот со навивачите на Реал и тренерот Чаби Алонсо е далеку од идиличен. Свирежите што ги слушна против Севилја се одраз на незадоволството од неговото однесување во текот на сезоната. Неговите гестови кон Чаби за време на Ел Класико означија пресвртница во тој однос со публиката, а последователните инциденти исто така не му помогнаа.
Неговото смеење на клупата откако Талавера постигна гол од 2:3 во Купот на Кралот особено негативно влијаеше врз навивачите на Реал.
Публиката повеќе не му простува, а во корист не му оди ниту формата во која се наоѓа. Најновиот потег, отстранувањето на фотографијата во дресот на Реал Мадрид од профилот на Инстаграм е уште едно поглавје во оваа „студена војна“ помеѓу Бразилецот и навивачите.
Foto/ depositphotos
Спорт
(Видео) Јокиќ лош, Дончиќ се повреди, Денвер и ЛА Лејкерс поразени
Кошаркарите на Денвер Нагетс доживеаа уште еден пораз на домашен терен во НБА лигата, петти од вкупно седум колку што имаат во сезоната. Хјустон славеа во „Бол Арена“ со 115:101.
Српскиот кошаркар Никола Јокиќ одигра лоша нтпревар, беше непрепознатлив и особено во првото полувреме (додека резултатот беше изедначен) одеше од грешка во грешка.
Брзо се заглави во проблеми со лични грешки, првите три г направи во фаза на нападот 6 фаули… Неговиот тренер Дејвид Аделман беше исклучен поради две технички фаули и протест кон судиите…
David Adelman shouts in the referee's face "WHAT THE F*CK IS WRONG WITH YOU?!" and gets ejected from the game (2nd technical), after Jokic didn't get a foul (with replays) pic.twitter.com/HDb1TOTcue
— MrBuckBuck (@MrBuckBuckNBA) December 21, 2025
Факт е дека Хјустон шутираа неверојатно, но и дека судиите дозволија игра со многу контакти. Како да паднаа на неодамнешните критики на тренерот Име Удока, кој пред 10 дена кога Денвер победија во Хјустон, „удри“ по судиите, а лигата го казни со 25.000 долари.
Јокиќ го заврши натпреварот со 25 поени, но само 9/20 од поле… Исто така, имаше 7 скока, 5 асистенции и 5 изгубени топки, како и 5 лични грешки, а неговиот +/- беше -20.
Хјустон, практично мечот го реши во последните 70 секунди од третата четвртина, со рафалот на Род Шепард. Плејмејкерот постигна 11 поени во низа и плусот од пет го претвори во плус од 16 поени.
Кевин Дурант, кој имаше 31 поен (пет тројки), 6 скока и 5 асистенции, додека феноменалниот Рид Шепард постигна 28 (шест тројки), со 5 асистенции, а Џабари Смит имаше дабл-дабл учинок од 20 поени и 10 скока.
ЛА Клиперс конечно ја прекинаа својата серија од пет порази. Во градското дерби одиграно во саботата навечер, тие ги победија ослабените Лос Анџелес Лејкерс со 103:88, и ја обезбедија победата со одличен шут за три поени. Херој на вечерта беше Кавај Ленард, кој постигна 32 поени, неговиот најдобар учинок во сезоната.
Клиперс ја контролираа играта од самиот почеток и не го испуштија водството. Заедно со Ленард, Џејмс Харден играше одлично со 21 поен и 10 асистенции, додека Џон Колинс додаде 17 поени и 12 скока. Од друга страна, одличната вечер на Леброн Џејмс, кој полни 41 година на 30 декември, и кој постигна дури 36 поени.
Големиот удар за Лејкерс дојде на полувремето, кога Лука Дончиќ, водечкиот стрелец во лигата, остана во соблекувалната поради повреда на долниот дел од ногата. Дончиќ, кој во последниот натпревар забележа трипл-дабл со 45 поени, постигна 12 поени и пет скока со лош шут пред повредата.
Клучот за победата на Клиперсите лежеше во шутевите од далечина. Тие погодија 16 од 43 тројки, Леонард и Харден погодија по четири, а Брук Лопез додаде три од клупата. Лејкерси, за разлика од нив, имаа катастрофална шутерска вечер, промашувајќи дури 32 обиди за три поени. Џејмс погоди 3 од 7, Дончиќ 1 од 6, а Маркус Смарт ги промаши сите девет свои шутеви.
Победата на Клиперс беше засенета од повредата на хрватскиот центар Ивица Зупац, кој мораше да го напушти натпреварот во првата четвртина откако постигна пет поени поради проблем со левиот глужд.
Резултати:
Њу Орлеанс – Индијана 128:109
/Вилијамсон 29 – Сиакам 22/
Филаделфија – Далас 121:114
/Мекси 38 – Дејвис, Флаг 24/
Торонто – Бостон 96:112
/Инграм, Мамукелашвили 24 – Причард 33/
Детроит – Шарлот 112:86
/Канингем 22 – Бриџис 19/
Мемфис – Вашингтон 122:130
/Алдама 37 – Џорџ 28/
Голден Стејт – Феникс 119:116
/Кари 28 – Букер 38/
Јута – Орландо 127:128 пп
/Џорџ 27 – Бејн 32/
Сакраменто – Портланд 93:98
/Шредер 21 – Авдија 24/
Скопје утрово го сруши рекордот, најзагаден град е во Европа
Скопје утрово се најде на 21. место на најзагадени градови светот и прв во Европа, покажуваат податоците на светскиот сервис на мерење...
АХВ откри над 2 тони киви со ларви и инсекти кои требало да се продаваат во државава
Поради променети органолептички својства и утврдено присуство на ларви и инсекти, инспектор за храна на Агенцијата за храна и ветеринарство,...
Поради зимата во Газа умираат бебиња и деца, повик до Израел да дозволи помош
Организацијата „Лекари без граници“ (Médecins Sans Frontières – MSF) вчера предупреди дека бебиња и деца во Појасот Газа умираат од...
Родителите на починатите деца од „Пулс“ бараат новиот јавен обвинител да го преиспита случајот
Родителите на починатите во пожарот во „Пулс“ денеска на 34. Марш за ангелите во Кочани побараа проширување на истрагата, утврдување...
Откажани летови и отежнат авиосообраќајот на скопскиот аеродром поради маглата
Како резултат на ниската видливост предизвикана од густата магла што ја зафати скопската котлина денеска до 14 часот на Меѓународниот...
Почина Драган Б. Костиќ, човекот кој важеше за најпрепознатливиот радио глас
Денес на 75 години, почина Драган Б. Костиќ, човекот кој важеше за најпрепознатливиот радио глас кај нас. Откако неодамна Перо...
На едно семејство со четири члена му биле потребни близу 1.100 евра за да го помине декември
Вредноста на синдикалната минимална кошница што ја пресметува Сојузот на синдикати на Македонија (ССМ) за декември годинава изнесува 65.492 денари...
Пратеникот Јанчев кој имаше сообраќајка во која загина тинејџер доби обвинение, свртел на место каде не смеел
Основното јавно обвинителство Скопје поднесе обвинение против Сашко Јанчев, пратеник од партијата Левица, за кривично дело „Тешки дела против безбедноста...
Скопје руши рекорди по загаденост, утрово е втор град во Европа
Според светскиот сервис IqAir Скопје утрово е на 20 место во светот, а второ во Европа по загаден воздух. Доколку...
Дедо Мраз од Лапонија ќе дојде со волшебен воз на Железничка во Скопје
Специјална новогодишна театарска претстава за деца „Дедо Мраз дојде со воз“ ќе се одржува од денеска 30 декември на Железничката...
Затаен данок од над еден милион евра од трговија со злато и накит, истрага против две лица
Основното јавно обвинителство Скопје отвори истрага против две лица за кои постои основано сомнение дека подолг временски период вршеле кривично...
Алиу: Дефиниравме нови програми за специјализации – темелно го менуваме пристапот за креирање медицински кадар
На денешната прес-конференција на министерот за здравство Азир Алиу, заедно со претседателката на Лекарската комора, Калина Гривчева-Старделова, деканот на Медицинскиот...
Уапсени 11 лица за местење тендер вреден над 7,6 милиони евра во „ЕСМ дистрибуција на топлина“
Завчера во текот на ноќта помеѓу 17 и 18 декември и вчера, под раководство на јавен обвинител, полициски службеници спроведоа...
Левицата бара независна истрага за смртта на новороденчето и одговорност од директорката и од педијатарката во ГАК
Левица бара Обвинителството да отвори истрага за смртта на новороденчето на Клиниката за гинекологија и акушерство и одговорност од директорката...
(Видео) Тошковски: Интервентната полиција – шест години посветена служба во заштита на граѓаните
По повод шест години од формирањето на Единицата за интервентна полиција при СВР Скопје, денеска беше одбележан Денот на единицата,...
Андоновски: Македонија рангирана во А-групата за дигитален напредок според Светската банка
На конференцијата „Трансформирање на иднината: дигитална стратегија за современо општество“, посветена на промоцијата на Националната стратегија за развој на ИКТ...
Измените на Кривичниот законик се само уште едно крпење на правниот систем, велат од ЛДП
Либерално-демократската партија (ЛДП) изразува сериозна загриженост и негодување во однос на најновите предлог-измени на Кривичниот законик кои се најдоа пред...
Надминат прагот на штетни честички во воздухот во Скопје, надлежните активираа мерки
Министерството за животна средина и просторно планирање информира дека според податоците од Државниот автоматски мониторинг-систем за квалитет на амбиенталниот воздух...
„’Лотаријата’ функционирала како приватна фирма на Груби, СДС молчел за криминалот од 1 милион евра поради опстанок на власт“, вели ВМРО-ДПМНЕ
„СДС за да опстане ден повеќе на власт ги толерирале злоупотребите кои се случувале во Лотарија под раководство на Бајрами,...
Спроведени 262 контрли на безбедноста на новогодишните пакетчиња, утврдени минимални недоследности
Во пресрет на новогодишните празници, Агенцијата за храна и ветеринарство (АХВ) спроведе 262 вонредни инспекциски надзори за контрола на безбеднста...
