Скопје
(Видео) Американка разочарана од Скопје: За 5 минути возење со такси, ми наплатија 20 долари како да сум во Лос Анџелес
Тиктокераката Лена Сноу од Америка на социјалната мрежа сподели искуство како си поминала додека престојувала во Македонија. Инаку, таа патува низ светот и постојано споделува искуства од земјите што ги посетила. Сноу за Македонија, особено за главниот град ,има негативен впечаток.
Таа во своето видеообраќање вели дека Македонија е земјата што најмалку ѝ се допаднала од сите европски земји што ги посетила.
„Македонија, дефинитивно, е број еден. Но, не целата држава, туку конкретно главниот град Скопје. Ова беше едно од најлошите патувачки искуства што сум ги имала. Во мигот кога останав сама, луѓето буквално свиреа од автомобилите по мене, ми довикнуваа на улиците. Си реков: ‘Ова е премногу’“, вели Лена Сноу.
@sowonthego Replying to @nanimie I’m fine with a tourist tax, I’m not okay with being forced to pay an egregious amount with no way out bc I’m a tourist locked in a vehicle #travel #traveltok #solotravel #solofemaletraveler #blackgirltiktok #blacktravel #blackwomentravel #blacktravelfeed #blacksolotravel #bipoctravel #woctravel #northmacedonia #macedonia #skopje #tourist #touristscam #americansbroad ♬ original sound – Lena | Solo & Budget Travel
Чувството за небезбедност и наплаќање висока цена на нелегалните таксисти како да се возиш во Лос Анџелес ја натерало тиктокераката Лена да има негативно туристичко искуство во Скопје.
„Покрај тоа што велам дека е небезбедно, има премногу нелегални такси-возила. Во ред е тоа што ми наплаќаа повеќе бидејќи навикната сум да го плаќам ‘туристичкиот данок’, но не е во ред тоа што ме тераа да платам огромна сума без излез, значи, јас сум турист затворен во возилото. Ако таксито реално чини 3 долари, во ред е ако ми наплати 6 долари, двојно повеќе. Но, да ти наплати 20 долари за 5 минути возење е лудо. Лудо е тоа што ми наплаќаа повеќе од тоа што би го платила во голем град, како Лос Анџелес, каде што живеам. Правам споредба бидејќи ЛА важи за град со високи цени. Тој е голем град, но Скопје е многу помал и ми наплаќаат десет пати повисока цена. Нема начин како да се движите во градот бидејќи е тешко да најдете сигурно такси, особено ако не зборувате македонски. Значи, заглавени сте. А за мене тоа е многу небезбедно и не можам да го поднесам“, го сподели Лена искуството на „Тик-ток“.
Но, не е сè така црно. Лена сподели и позитивни впечатоци од Македонија. Од Охрид била воодушевена, но на сите оние што имаат план да го посетат Скопје им вели дека треба да го прескокнат.
Од своето патување во Македонија таа сепак пренесува и позитивни впечатоци. За разлика од Скопје ,каде што вели дека никогаш повторно нема да се врати, на Лена ѝ се допаднал Охрид и го препорачува како убава дестинација.
„Слушнав и од многу други жени дека исто така имале такви чудни искуства и не би можела да го препорачам. Никогаш, никогаш нема да се вратам“, вели Лена Сноу во видеото на „Тик-ток“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Прва фаза од асфалтирањето на улиците „9“ и „532“ во општина Илинден
Општина Илинден интензивно работи на реконструкцијата на улиците „9“ и “532“ во Марино, пришто денеска се изврши првата фаза од поставувањето на асфалт. Во оваа прва фаза асфалтирани се околу 380 метри.
Во рамки на градежните работи се врши целосна реконструкција на улицата во должина од околу 820 метри и широчина 6 метри, реконстукција на тротоар во должина од 450 метри како и зафаќање на атмосферските води од коловозот. Улица е од големо значење бидејќи претставува главна сообраќајница во општината што ги поврзува сите населни места. За време на реализација на градежните работи на улицата е воспоставен времен режим на сообраќај, кој го спроведува фирмата изведувач на активностите на терен Филип инжинеринг Дооел Скопје.
„Во наредниот период Општина Илинден ќе продолжи со инвестиции за подобрување на локалната патна инфраструктура се со цел да им се овозможи подобри и поквалитетни услови за живеење“, велат од Општина Илинден.
Скопје
Ѓорче Петров ќе добие нова катна гаража
Со мнозинство гласови советот на Општина Ѓорче Петров изгласа отпочнување на постапка за измена и дополнување на ДУП за Градска четврт СЗ 15, Блок СЗ 15.03, за обезбедување локација за нова катна гаража. Ова денеска го соопшти градоналникот на општината Александар Стојкоски.
– По години на недостаток на паркинг простор во Реонскиот центар, конечно се преземаат конкретни чекори за решавање на овој проблем кој го мачи секојдневниот живот на жителите, порача тој.
Катната гаража ќе биде лоцирана непосредно до Реонскиот центар, на местото кое сега се користи како паркинг, и ќе обезбеди повеќе паркинг места!
– Ова е само дел од напорите на општината да ги подобри условите за живот и инфраструктурата во нашиот град, додаде Стојковски.
Скопје
Ѓорѓиевски: Салата „Партизан” во Чаир ќе биде темелно реновирана и повторно ќе си го врати својот сјај
Претседателот на ЗЕЛС, Орце Ѓорѓиевски, заедно со градоначалникот на Општина Чаир, Висар Ганиу и Министерот за спорт, Борко Ристовски, денеска ја посетија салата “Партизан” во Чаир. Најавија дека овој спортски објект, кој оставен на забот на времето, се наоѓа во катастрофална состојба, ќе биде темелно реновиран и повторно ќе го врати својот сјај. Претседателот Ѓорѓиевски му се заблагодари на Министерот Борко Ристовски за неговиот ангажман за рамномерното регионално инвестирање во сферата на спортот, што овозможува обнова на спортската инфраструктура во сите општини.
-Особено ме радува фактот што покрај култната сала “Расадник” во Кисела Вода и овој спортски објект ќе биде темелно реконструиран и повторно ќе го врати својот сјај. Реновирањето на салата “Партизан” ќе значи многу за сегашните и идните спортисти. По завршувањето на градежните активности, ќе добиеме репрезентативен објект, што ќе создаде услови за подобро спортување и развој на младите таленти. Сакам да упатам голема благодарност до Министерот Борко Ристовски за посветената работа и за вниманието што го посветува на рамномерното регионално инвестирање во сферата на спортот. Овие инвестиции не само што овозможуваат обнова на спортската инфраструктура во сите општини, туку и создаваат услови за развој на здравa и активнa младина, која е темел на нашата иднина-изјави Претседателот на ЗЕЛС, Орце Ѓорѓиевски.