Земјотрес со јачина од 5,3 степени според Рихтеровата скала утрово ја погоди областа кај островот Хоншу во Јапонија, соопшти Европско-медитеранскиот сеизмолошки центар (EMSC).

Епицентарот на земјотресот бил на длабочина од 35 километри, на 77 километри североисточно од градот Ишиномаки на островот Хоншу.

Засега нема информации за евентуални повредени или материјална штета.

Во текот на ноќта руските системи за противвоздушна одбрана неутрализирале повеќе од триесетина украински беспилотни летала над седум региони на Русија, соопшти Министерството за одбрана.

„Дежурните системи за противвоздушна одбрана уништија и пресретнаа 39 украински беспилотни летала“, се вели во соопштението, пренесува РИА Новости.

Се наведува дека 24 беспилотни летала биле соборени над Ростовската област, пет над територијата на Брајанск, три над регионот Белгород и над регионот Курск, еден над регионите Ориол и Воронеж и два над Крим.

Четворица пакистански полицајци загинаа денеска во главниот град Исламабад во судир со демонстрантите кои бараат ослободување на поранешниот премиер Имран Кан, кој е во затвор, соопштија властите.

Некои од возилата во колоната на демонстрантите кои оделе кон Исламабад прегазиле припадници на службата за безбедност и во таа прилика убиле дел од нив, се додава во соопштението, пренесува Ројтерс.

АП објави дека најмалку шест лица загинале во насилство поврзано со протестите.