Македонија
Костадиновска-Стојчевска: Го зацврстуваме македонскиот идентитет преку изучување на македонскиот јазик на Универзитетскиот колеџ во Лондон
Министерката за култура Бисера Костадиновска-Стојчевска денеска ја посети Школата за словенски и источноевропски студии (UCL SSEES) при Универзитетскиот колеџ во Лондон каде што, меѓу другите јазици, се изучува и македонскиот јазик.
Костадиновска-Стојчевска се сретна со директорот на оваа реномирана лондонска образовна установа, Ричард Мул, и изрази задоволство од досегашните односи меѓу Република Северна Македонија и Обединетото Кралство кои се традиционално добри и бележат континуиран развој и во областа на културата.
– Министерството за култура на Северна Македонија вложува сериозни напори за поголема промоција и афирмација на македонското творештво и оттука размената со големите библиотечни институции е од непроценливо значење за нашата држава. Верувам дека наскоро ќе имаме проекти кои ќе значат размена и збогатување на библиотеките од двете држави, како и потпишување меморандум во кој би можеле да бидат преточени и конкретни иницијативи – изјави министерката за култура.
Таа нагласи дека Република Северна Македонија е земја на талентирани автори од сите генерации, кои со своето творештво даваат свој придонес во богатството на европскиот културен мозаик. Во овој контекст, додаде дека од непроценливо значење е творечкиот опус на Горан Стефановски кој со години предаваше драматургија на Универзитетот во Кент.
Покрај печатените изданија, Библиотеката на Школата располага и со голема колекција филмови и документарни филмови. Во тој контекст, на средбата стана збор и за можноста некои од остварувањата на македонската кинематографија да бидат дел и од збирките на Библиотеката на Школата за словенски и источноевропски студии. Разговаравме за можностите македонските дигитализирани филмови и ДВД изданија да станат дел од Библиотеката со што ќе влијаеме во афирмација на македонскиот јазик и култура.
Дополнителен настан кој беше истакнат како начин преку кој филмската уметност влијае во зближувањето и запознавањето на културите, и афирмацијата на македонската уметност, е проекцијата на „Кајмак“ на Милчо Манчевски, следниот месец, на Универзитетскиот колеџ во Лондон, каде преку директен контакт со авторот ќе се придонесе во развој на односите во културата.
Дополнителен настан, кој беше истакнат како начин преку кој филмската уметност влијае врз зближувањето и запознавањето на културите и афирмацијата на македонската уметност, е проекцијата на „Кајмак“ од Милчо Манчевски следниот месец на Универзитетскиот колеџ во Лондон, каде што преку директен контакт со авторот ќе се придонесе за развој на односите во културата.
Во рамките на посетата на Школата за словенски и источнословенски студии, министерката за култура се сретна и со професорката Анета Илиевска-Завршник, која подвлече дека изучувањето на македонскиот јазик на оваа престижна установа е повторно востановено од 2019 година и дека бројката на групите заинтересирани да посетуваат курсеви на македонски јазик од оваа година е зголемена.
Беше разговарано за можностите за натамошна соработка во смисла на неодамнешниот настан во чест на македонскиот јазик одржан овде, во Лондон, на кој лингвисти и експерти дискутираа за местото на македонскиот јазик во семејството на словенските и балканските јазици, на кој посебен придонес дадоа говорниците Виктор Фридман и професорката Анета Дучевска.
Министерката за култура Костадиновска-Стојчевска му подари изданија од македонски автори на директорот на оваа реномирана лондонска образовна установа, Ричард Мул, со кои Библиотеката, која има вредна колекција од печатени и дигитални дела за проучувањето на историјата и културата на Централна, Источна и Југоисточна Европа, се збогатува и со дела на македонски јазик.
За студентите, за сите заинтересирани и за сите љубители на македонскиот јазик, македонската литература и култура отсега стануваат подостапни преку делата на Блаже Конески, Петре М. Андреевски, Горан Стефановски.
Министерството за култура и Амбасадата на Северна Македонија во Лондон ќе продолжат да ја поддржуваат Библиотеката на Школата за словенски и источноевропски студии со донирање македонски книги, а со тоа и во иднина ќе се зголемуваат можностите за студентите да го збогатат своето знаење за нашата земја, култура и традиција.
Со воведувањето на курсот за изучување на македонскиот јазик, Школата за словенски и источноевропски студии (UCL SSEES) дава значаен придонес во промовирањето на наставата на македонски јазик и постепено промовирање на нашата култура пред странските студенти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЈСП Скопје предупредува на лажна вест со која е фалсификувано логото на електронската картичка Скопска
ЈСП Скопје утврди лажна вест со која е фалсификувано логото на електронската картичка Скопска.
Ова како што информираат е објавено на социјалните мрежи од страна на група наречена „Карта за јавен превоз на Скопје“, за која, како што тврдат не е поврзана со ЈСП Скопје.
„Се работи за измама со лажен линк што краде податоци од платежните картички на граѓаните“, нагласуваат од ЈСП Скопје.
Македонија
Средба Муцунски- Дрекслер: нагласена важноста од натамошно унапредување на меѓусебната соработка на патот кон ЕУ
Денес, министерот за надворешни работи и надворешна трговија, Тимчо Муцунски ја прими на средба амбасадорката на Сојузна Република Германија, Петра Дрекслер.
На средбата беше изразено заемно задоволство од развојот на одличните билатерални односи меѓу двете земји, кои се одликуваат со редовен политички дијалог и интензивна размена на посети на високо ниво во изминатиот период. На таа линија, беше изразено задоволство од неодамна одржаната средба на министерот Муцунски со германската сојузна министерка за надворешни работи, Аналена Бербок во Берлин, на која беа поздравени одличните билатерални релации и реафирмирана германската поддршка за нашиот европски процес.
Посебно беше нагласена важноста од натамошно унапредување на меѓусебната соработка во рамки на евро-интегративниот процес на нашата земја и продолжување на цврстата поддршка на Германија на тој пат.
Во овој контекст, министерот Муцунски додаде дека земјата останува силно посветена на исполнување на неопходниот реформски процес за членството во Европската унија.
Скопје
(Видео) Мицкоски: Почна изградбата на ново основно училиште за 700 ученици во Гази Баба
„Задоволство за мене претставува секогаш кога ќе бидам дел од ваков настан, каков што е овој да отпочнеме со една нова градба на основно училиште, каде што од тоа што успеав да го дознам од градоначалникот повеќе од 700 дечиња ќе можат да се стекнуваат со знаење“, рече премиерот Христијан Мицкоски.
„Му честитам на градоначалникот, на советниците коишто ја подржуваат работата на градоначалникот, на пратениците коишто доаѓаат од овде, од Општина Гази Баба, на администрацијата којашто е секогаш тука да помогне во реализација на вакви проекти.
Ние заедно како Влада со Министерството за образование и наука ќе продолжиме да помагаме во ваков тип на објекти, капитални инвестиции. Образованието претставува наш фокус и образованието е основа за правилен раст и развој на децата, но истовремено и темел на којшто треба понатаму да се гради една држава.
Така што уште еднаш дозволете ми еве да го искажам моето огромно задоволство што мислам градоначалникот рече во рок од максимум две години, овде ќе биде изградена една нова претставителна со европски квалитет зграда во којашто повеќе од 700 дечиња ќе можат да стекнуваат знаења, да се дружат и да ги поминуваат своите ученички денови во ова основно училиште“, додаде Мицкоски.