Забава
Џулија Фокс: Ким Кардашјан имаше улога во мојата разделба од Канје Вест

Ким Кардашјан наводно придонела за крајот на врската меѓу Џулија Фокс со Канје Вест.
Реалната ѕвездата (43), која има четири деца со раперот (46) и беше во брак со него од 2014 година до разводот во 2022 година, очигледно му пренела многу информации за 33-годишната актерка и модел.
Џулија од Uncut Gems кратко се забавуваше со Канје на почетокот на 2022 година, а сега во своите нови мемоари Down the Drain открива дека Канје ја спомнал Ким во нивниот последен телефонски разговор.
„Тој ми кажа дека зборувале со неговата набргу бивша сопруга и дека таа му пренела многу информации за мене“.
Тогаш Канје ѝ рекол на Џулија дека не знаел оти таа е зависник од дрога и се чувствувал како да го изневерила.
„Не сакав да ме слушне како плачам, па ја спуштив слушалката и му кажав на мојот публицист да го извести печатот дека нашата врска заврши“.
Џулиј, во својата автобиографија пишува и за својата зависност од хероин.
Претходно овој месец, Џулија изјави за „Лос Анџелес тајмс“ дека била користена како марионета во текот на разводот на Канје и Ким.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Уште еден холивудски пар се разведува

Холивудскиот актер Скот Волф се разведува од сопругата Кели по 21 година брак.
Холивудскиот филмски и театарски актер Скот Волф, ѕвезда на серијата „Party of Five“, неодамна се разведе од сопругата Кели, со која беше во брак 21 година.
Волф, кој имаше и значајни улоги во сериите „The Nine“, „Perception“ и „Nancy Drew“, се огласи неколку часа откако неговата сопруга Кели ја објави веста за разводот.
„По 21 година брак, ја донесов најтешката одлука во мојот живот и поднесов барање за развод од сопругата Кели“, изјави Скот, кој има три деца со Кели: Џексон (16), Милер (12) и Луси (11), за списанието People.
Scott Wolf Clarifies Who Initiated Divorce Amid Kelley Wolf Breakup https://t.co/Oo3vDg0Htf
— E! News (@enews) June 11, 2025
„Нашите деца беа и ќе бидат љубовта на нашите животи и наш приоритет, па затоа љубезно ве молам за приватност во овој момент додека им помагаме да се снајдат во ова ново поглавје што е можно полесно.“
Неговата сопруга Кели, која некогаш беше ѕвезда во реалити-шоуата „The Real World: New Orleans“ и „Real World/ Road Rules Challenge“, не ја откри причината за разводот:
„Ова беше долго, тивко патување за мене, вкоренето во надеж, трпение и грижа за нашите деца. Иако нема јавно да зборувам за деталите, чувствувам мир знаејќи дека направив сè што можам за да го изодам овој пат со интегритет и сочувство“, напиша Кели на својот Инстаграм профил.
Кели го пофали Скот како „еден од најдобрите татковци“ и „најдобри партнери“ и нагласи дека нивните деца ќе бидат нивниот главен фокус во следното поглавје од нивните животи.
Забава
Ед Ширан откри дека ангажирал 24-часовно обезбедување за себе и своето семејство

Британскиот музичар Ед Ширан откри дека некој се обидел да провали во неговата куќа, по што ангажирал 24-часовно обезбедување за неговите деца, сопругата и за себе – и за секој од нив поединечно.
Британскиот музичар Ед Ширан откри дека ангажирал 24-часовно обезбедување за себе и своето семејство поради загриженост од „опасни луѓе“.
34-годишниот хитмејкер зборуваше во најновата епизода на подкастот на Луис Теру и ги спомена својата сопруга Чери Сиборн и нивните две ќерки.
„Мислам дека постои поинаков вид нормалност што доаѓа со нашата работа. Имам 24-часовно обезбедување дома. Имам обезбедување специјално за децата, специјално за мојата сопруга и специјално за мене, бидејќи со текот на годините се случија неколку чудни работи“, истакна тој.
Со оглед на тоа што неговото признание го шокираше водителот на подкастот, Ширан појасни: „Само да знаете, има многу опасни луѓе. Имавме, знаете, обид за провала.“
„Во мојата работа, тоа е нормално. Тоа е како скриена работа за која никој навистина не зборува, но е составен дел од животот на јавните личности.“
Забава
Паста диета: можете да изгубите 3 килограми за само 5 дена

Диетата со шпагети трае само пет дена и ви овозможува да изгубите до три килограми. Кога избирате тестенини, обидете се да ги изберете оние од цело зрно, кои се особено богати со хранливи материи и витамини.
Ден 1.
Појадок: парче леб намачкано со крем сирење, украсено со киви одозгора.
Ручек: варени шпагети (70 г), за сосот користете половина кромид, 2 домати и 150 грама печурки на пареа и зачинете сè со лута пиперка.
Вечера: тестенини (70 г), пиперка (3 парчиња), 2 домати и малку рендано сирење.
Ден 2.
Појадок: чаша јогурт (1,5% масленост) со две лажици овесни снегулки и половина јаболко.
Ручек: сварете 70 грама тестенини, со 1 лажица доматен сос и тиквички.
Вечера: топли тестенини (40 г), 1 домат, маслинки, 3 млади кромиди и 40 г сирење. Зачинете со маслиново масло и сок од лимон.
Ден 3.
Појадок: овошна салата од мандарина, 1/2 јаболко, киви и 1/4 банана.
Ручек: шпагети (70 г), сос од 3-4 домати, грашок и 1 морков.
Вечера: 70 г сварени тестенини со сос (2 лажици доматно пире и малку кромид).
Ден 4.
Појадок: тост со сирење и парче киви.
Ручек: сварете 70 грама тестенини, послужете со 150 г варен зеленчук (грав, моркови, грашок, карфиол). Посипете со рендано сирење.
Вечера: шпагети (70 г), 1 краставица, портокал за десерт.
Ден 5.
Појадок: јогурт и јаболко.
Ручек: Сварете тестенини (70 г), додадете малку брокула (150 г), додадете рендано сирење, лук и пипер.
Вечера: 40 г тестенини со сирење, 4 маслинки и домати. Зачинете со 1 лажичка маслиново масло, сок од лимон и пипер.