Свет
10-годишната Зои го преживеа масакрот во Мејн со мајка си: „Се исплашивме, се загрижив дали ќе преживеам“
10-годишно девојче ја опиша најлошата ноќ во својот живот кога беше цел на вооружен маж од Мејн, кој уби 18 луѓе во страшен масакр.
Меган Хачинсон и нејзината ќерка Зои (10) синоќа уживале во куглана во Левистон, кога вооружениот напаѓач отворил оган околу 19 часот, додека се одржувала детска лига во куглање.
Полицијата објави фотографии од осомничениот за убиствата, воено обучен инструктор за огнено оружје Роберт Кардо (40), кој се уште е во бегство. Стотици полицајци моментално трагаат по него во државата Мејн.
Полицијата во Левистон во објава на Фејсбук потврди дека Кард го планирал пукањето и рече дека треба да се смета за вооружен и опасен. По кугланата, напаѓачот отишол во ресторан оддалечен околу 6,5 километри и продолжил да убива.
10-year-old girl Zoey Levesque and her mom, Meghan Hutchinson became a survivor of the Lewiston Maine mass shooting. She was attending a practice session with her youth bowling league at Sparetime Recreation bowling alley.https://t.co/gaMFrSD6QO
— Fox3 Now (@fox3news) October 26, 2023
Меган рече дека нејзината ќерка Зои била погодена кога одекнале истрелите.
„Таа беше погодена од куршум додека трчавме“, изјави мајката за „ABC“. „Бевме во собата одзади. Дојде уште едно дете, обилно крвареше. Така се забарикадиравме внатре. Во собата со мене беа и други родители. Една жена имаше телефон и повика брза помош“, рекла преплашената мајка.
Малото девојче Зои изјави дека никогаш не помислила дека ќе биде застрелана во ногата.
„Само се прашувам зошто? Зошто луѓето го прават ова? Не знам што да кажам. Луѓето имаат семејства, има и млади луѓе кои го имаат животот пред себе. Ова не треба да се случува. Тоа не е во ред“, вели десетгодишното девојче.
Во интервју за „VMTV“, Меган изјави дека секоја среда навечер оделе во куглана на тренинг за куглање за млади.
„Ние бевме таму како и обично, штотуку го започнаа натпреварот, кога слушнавме силен истрел зад нас. Прво мислевме дека пука балон, но звукот беше прегласен“, рекла таа.
„Не знаев што да правам, се спуштив, но сите побегнаа“, рекла Зои.
Меган продолжи: „Кога се свртев, го видов напаѓачот зад мене, тој штотуку влезе низ вратата. Не знам дали тоа беше предупредувачки истрел или тој навистина застрела некого, но сите само трчавме кон вратата. Влеговме таму и се забарикадиравме“.
Таа рече дека другите луѓе чукале по вратата, но дека таа и другите во собата биле премногу исплашени да ја отворат.
„Тие чукаа по вратата, но ние навистина не сакавме да ја отвориме вратата. Не бевме сигурни кој е. Не можевме да ги идентификуваме“, рече таа. „Но, на крајот, полицијата само дојде до нас и не изнесе на паркингот“, рече таа.
Зои изјави: „Бевме исплашени и тогаш сфатив дека крварам. Имав куршум, но не беше длабок, туку беше гребнатинка. Бев исплашена, но не ме болеше и не знаев што се случува додека не почнав да крвавам. Бев загрижена дали ќе преживеам, дали ќе заминам одовде, дали ќе дојде полиција. Беше шокантно. Тоа е нешто што мислите дека никогаш нема да се случи“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на Хезболах: Непријателот ги премина сите црвени линии, сакаа да убијат 4.000 луѓе одеднаш
За време на телевизиско обраќање, лидерот на Хезболах, Хасан Насралах, детонирањето на пејџери и воки-токи низ Либан го нарече „терористички чин“ и изјави дека „непријателот на Израел ги преминал сите црвени линии“ со намера да убие 4.000 луѓе во еден момент.
Тој призна дека на Хезболах му бил зададен тежок удар, но подвлече дека тоа „нема да го скрши“ отпорот и дека операциите во јужен Либан нема да престанат додека не заврши војната во Газа.
Насралах на почетокот рече дека настаните во изминатите два дена го навеле да го одржи говорот. Тој објасни дека планирал да ја претстави својата анализа и извештај за борбите во изминатата година на 7 октомври, но дека она што се случило во изминатите 48 часа „ја барало оваа порака“.
Тој им изрази сочувство на паднатите на фронтот во јужен Либан и на загинатите како последица на експлозиите, а на повредените им посака брзо закрепнување. Тој им се заблагодари на лекарите, официјалните лица и на сите кои помогнаа во лекувањето на жртвите од нападот и на луѓето кои даруваа крв за повредените и ја поздрави солидарноста и единството на народот во земјата.
Тој подвлече дека експлозиите се случиле во болниците бидејќи пејџерите ги користеле и медицинските работници, како и во аптеките, маркетите, продавниците, куќите, автомобилите и на улиците каде што имало многу цивили.
Насралах изјави дека Израел имал за цел да убие „4.000 луѓе одеднаш“.
„Тоа беше намерата на непријателот и ова е обемот на нивниот криминал. Како да го наречеме овој вид криминална активност? Дали е тоа голема операција? Дали е тоа геноцид? Дали е тоа масакр?“, рече тој.
Тој призна дека на Хезболах му бил зададен „многу тежок“ удар, опишувајќи ги нападите како „невидени“ во Либан. Тој рече дека се формирани истражни комисии кои ќе проучат како се случиле експлозиите и дека ќе ги чекаат резултатите од истрагата.
„Претрпевме многу тежок удар. Но, ова е воена состојба“, рече тој.
Тој рече дека неговата група е свесна дека Израел има технолошка предност бидејќи е поддржан од САД и други технолошки суперсили, но храбро ќе се соочи со овој предизвикувачки момент со крената глава.
„Не може да бидеме скршени од овој удар, колку и да е силен. И можам верно и самоуверено да ве уверам дека овој тежок и невиден удар не нè клекна – и нема“, подвлече тој.
„Јасно велам: без разлика какви се последиците, без разлика на жртвите, без разлика на сценаријата, отпорот во Либан нема да престане да го поддржува отпорот во Газа и Западниот Брег и сите повредени на окупираните територии“, рече Насралах.
Тој изјави дека нападите низ Либан биле насочени кон инфраструктурата на Хезболах и дека тоа е обид да се предизвикаат поделби во неа.
„Нека знае непријателот дека тоа што се случи не ја разниша нашата вера, верба, решителност, подготвеност или инфраструктура. Напротив, нè направи порешителни, поробусни и истрајни. Ако целта на Израелците беше да не разделат од она што се случува во Газа, тоа не успеа“, подвлече тој.
Свет
По расправија извадил нож и солзавец, има повредени: тепачка во трговски центар во Германија
Неколку лица се повредени во тепачка што се случила денеска во трговски центар во Ерфурт, Германија, кога еден маж по расправија извадил нож и го расекол мажот.
Полицијата брзо пристигнала на местото на настанот и го евакуирала трговскиот центар, а според полицијата дошло до вербална, а потоа и физичка пресметка меѓу група лица, кои не се по потекло од Германија, пренесуваат германските медиуми.
Се се случило околу 15 часот и 30 минути, а еден од учесниците во тепачката извадил нож. Како што објави „Билд“, мажот (27) бил пренесен во болница поради сериозни повреди на раката, но неговиот живот не е во животна опасност.
Во трговскиот центар бил употребен и солзавец, па лекарска помош побарале и посетителите на центарот. Се пожалиле дека им горат очите и дека имаат проблеми со дишењето.
Полицијата соопшти дека е приведен маж (26), кој е осомничен дека извадил нож и ранил најмалку едно лице.
„Ве уверуваме дека не се работи за напад, немало опасност за граѓаните“, соопштија од полицијата.
Според написите,не се знае зошто дошло до тепачката, ниту точно колку лица се повредени во инцидентот.
Свет
Велика Британија ги повика граѓаните веднаш да го напуштат Либан
Британскиот министер за надворешни работи Дејвид Лами изрази длабока загриженост за зголемените тензии во Либан, повикувајќи ги британските граѓани да ја напуштат земјата.
Во телефонски разговор со либанскиот премиер Наџиб Микати, Лами ја изрази својата длабока загриженост поради растечките тензии и цивилните жртви во Либан.
Британскиот министер за надворешни работи рече дека разговарале за потребата од преговори за изнаоѓање решение за враќање на стабилноста и безбедноста преку Сината линија.
Лами исто така ги повика британските граѓани да го напуштат Либан, наведувајќи ги како причина зголемените тензии во регионот.
„Тензиите се високи и ситуацијата може брзо да се влоши“, напиша Лами на платформата X.
Во вторникот и средата во различни делови на Либан се случија експлозии на пејџери и радио уреди (воки-токи).
Во експлозиите загинаа најмалку 37 лица, а неколку илјади беа повредени.
Либанската влада и Хезболах го обвинија Израел дека го извршил нападот, а Хезболах вети одмазда.