Економија
Памуков: Редовна исплата на субвенции и откупно загарантирана цена, се најважните сегменти за земјоделците
Имам многу примери да ви кажам, но ќе ви набројам неколку, еве го првиот пример во задругарството еве мерка 131 изминатите три години кој е за плати, придонеси, за агроном за сите тие поддржувања во задругарството само го изјавуваат огласот и на сред оглас пак го укинуваат, не знам колку е тоа развојно. За жал тоа е ни најмалку развојно, само да има во етерот на страницата дека мерка 131 е пласирана во јавноста. Еве мој личен пример 2020 година во декември месец со ЕУ потпишав договор од грант од 74 илјади евра за градење за дистрибутивен центар или пост бербени активности кои требаше самата задруга 35.000 евра да вложи и да направиме еден откупен дистрибутивен центар каде што внатре имаме 20 сопственици, 2 земјоделци и 45 кооперанти, тоа е количина од 8.000-9.000 тони. За жал го зедовме, потпишавме договор, ги направив сите физибилите студии, 2016 година од МЗШВ земав земјиште каде што на договорот пишува дека на ова земјиште треба да се гради дистрибутивен откупен центар и расадо производство. За жал дојде до ситуацијата за градење, една година не знам кој врата ја отворив, каде не тропнав, не знам колку пари потрошив за сето тоа да го спроведам не ми дадоа дозвола за градба. Суштината ми беше дека не најдовме никаков јазик да ми дадат да градиме и на крај 74.000 евра вратив во Европа, Драги Памуков, земјоделец на денешната дебата насловена „Важно е македонските земјоделци да ја хранат Македонија“ во рамки на кампањата „Важно е! Од тебе зависат промените“ .
Во врска со овој случај земјоделецот Драги Памуков потенцираше дека нема никаква средба со министерот за земјоделство, шумарство и водостопанство, Љупчо Николовски.
-За жал со министерот сеуште се немам сретнат, го викнав да дојде на седница за жал сигурно човекот нема време, има други обврски, вели тој.
Во однос на планот за идната влада кој ќе биде имплементиран во изборната програма на ВМРО-ДПМНЕ и коалицијата предводена од претседателот Христијан Мицкоски, редовна исплата на субвенции и откупно загарантирана цена на земјоделските производи, Памуков истакна дека овие сегменти се нај важни за нив земјоделците.
„Еден од најважните сегменти е навреме да ни бидат исплатени субвенциите. Можеби субвенциите се еден мал сегмент каде што на нас ни прави дополнително олеснување во процесот на одгледување на земјоделските култури. Значи сите сегменти кога ќе ги собереме правиме целина, но редовната и навремена исплата на субвенциите значително ни го олеснува производството“, заклучи Памуков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Анакиев: Државниот инспекторат за земјоделство на „Денови на кочанскиот ориз“
Денеска директорот на Државниот инспекторат за земјоделство Васе Анакиев, присуствуваше на манифестацијата „Денови на кочанскиот ориз“ во с. Оризари, кочанско, каде што со симболично зажнејување на оваа житна култура официјално се означи почетокот на годинешната жетва на ориз.
Манифестацијата е поддржана од Министерството за земјоделство, шумарство и водостопанство, а е во организација на Општина Кочани.
Од разговорите со земјоделците првичните информации говорат дека ќе има зголемен род, богата жетва и согласно тоа квалитетот ќе биде добар. Инспекторите од ДИЗ ќе бидат постојано на терен и ќе го следат претстојниот откуп, со што се гарантира заштита на производителите.
Во однос на загриженоста на производителите во однос на државните резерви на увозен ориз, според информации на инспекторатот, министерот за земјоделство Трипуновски информираше дека нема простор за загриженост бидејќи во Република Македонија сериозна количина на увозен ориз нема, и онаа количина што е во минимални рамки, се контролира во однос на квалитетот и безбедноста.
Во својата изјава министерот се осврна и на тоа дали домашниот ориз ќе се откупува за стокови резерви при што посочи -„Веќе со заклучок на Влада задолжена е Агенцијата за стокови резерви да ги измени сите правилници, уредби и програми и нормално да се предвидат средства за 2025-та година каде што оризот согласно Законот за стокови резерви ќе се откупува за чување за потребите на државата“.
Економија
Трипуновски од Кочани: Оваа година ќе имаме богата жетва и зголемен принос на ориз
Министерот за земјоделство, шумарство и водостопанство, Цветан Трипуновски денеска присуствуваше на манифестацијата „Денови на кочанскиот ориз“ во с. Оризари, општина Кочани.
„Денес се наоѓаме во Оризари, општина Кочани на манифестацијата „Денови на кочанскиот ориз“, со што започнува и жетвата на оваа култура. Ние како Министерство ја поддржуваме оваа манифестација се со цел да ја продолжиме традицијата и да го афирмираме постоењето на оваа битна житна култура за нас како држава“, истакна министерот Трипуновски.
„Се надевам дека ќе имаме успешна жетва и дека ќе имаме богат род и квалитетен ориз од реколта 2024 година“, посочи Трипуновски.
Во својата се изјава министерот се осврна и на тоа дали домашниот ориз ќе се откупува за стокови резерви при што посочи -„Веќе со заклучок на Влада задолжена е Агенцијата за стокови резерви да ги измени сите правилници, уредби и програми и нормално да се предвидат средства за 2025-та година каде што оризот согласно Законот за стокови резерви ќе се откупува за чување за потребите на државата“.
Тој додаде дека од разговорите со земјоделците првичните информации говорат дека ќе има зголемен род, богата жетва и согласно тоа квалитетот ќе биде добар.
„Првичните информации говорат дека и рандманот ќе е исто така висок, што значи дека ќе имаме богата жетва и ќе имаме зголемен принос на ориз. И квалитетот ќе биде многу подобар од претходните години“, истакна министерот Трипуновски.
„Согласно информациите кои што ги добив од Државниот земјоделски инспекторат во Република Македонија сериозна количина на увозен ориз нема, и онаа количина што е во минимални рамки, морам да кажам дека ја контролираме согласно квалитетот и безбедноста да биде запазена. Меѓутоа она што е наш приоритет како Влада е да работиме и работиме во интерес на земјоделците се со цел да го заштитиме домашното производство“, посочи тој.
Министерот укажа дека останатата количина на ориз од минатата реколта е во многу помала количина. И во разговор со компаниите веќе започнаа да го откупуваат и ланскиот ориз.
„Работиме земјоделците да имаат откупена количина на ориз по рентабилна цена која што ќе значи стимул за наредниот период да се произведува. Ние како Министерство и како Влада ќе го следиме процесот. Нормално ќе го следиме и во делот на откупот од страна на компаниите дали се почитуваат сите законски норми се со цел да нема злоупотреба и манипулација на трудот на земјоделците од овој регион“, нагласи Трипуновски.
Економија
(Видео) „Продолжуваме со засилено темпо на работа“ – Николоски објави снимка од реконструкцијата на автопатот Тетово-Скопје
Заменик претседателот на Владата и министер за транспорт Александар Николоски на својот фејсбук профил објави видео од реконструкција на автопатската делница Скопје-Тетово.
Тој на својот профил објави:
„Продолжуваме со засилено темпо на работа. Видео од реконструкцијата на автопатот Тетово – Скопје на делот пред Скопје, проект на Јавното претпријатие за државни патишта. Ќе ја направиме Македонија поубаво место за живеење.”- објави министерот Николоски.
Инвестицијата е вредна 9,1 милиони евра.