Македонија
МВР го демантира Наќе Чулев: Осомничениот е приведен, одземен му е службениот пиштол и против него ќе биде поднесена кривична пријава

Министерството за внатрешни работи најостро ги демантира невистините изнесени на социјалните мрежи од страна на Наќе Чулев, односно ВМРО-ДПМНЕ, „за наводно непреземање мерки во врска со напад врз полициски службеник од Единицата за интервентна полиција“.
„Напротив, преземени се сите неопходни мерки. Осомничениот С. С. е приведен и со него е извршен службен разговор. Одземен му е службениот пиштол и известен е јавен обвинител, а против него ќе биде поднесена кривична пријава за сторено кривично дело спречување службено лице при вршење службено дејство и ќе биде поведена дисциплинска постапка“, велат од МВР.
Од таму апелираат до Чулев и ВМРО-ДПМНЕ „да престанат да шират лаги“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).