Регион
Фон дер Лајен во Приштина: Косово да ги формира ЗСО, Србија де факто да го признае
![](https://makfax.com.mk/wp-content/uploads/2023/10/677z381_ursula-fon-der-lajen-epa-efe-g.l.-nnnn.jpg)
Претседателката на Европската комисија, Урсула фон дер Лајен денеска ги повика Косово и Србија да работат на нормализација на односите, барајќи од Приштина да ја покрене процедурата за формирање Заедница на општини со српско мнозинство (ЗСО), а од Белград да го прифати де факто признавањето на независноста на Косово, со оценка дека тоа е единствениот начин да се оди напред.
По средбата со косовската претседателка Вјоса Османи во Приштина, Фон дер Лејен изјави за новинарите дека утре ќе отпатува за Подгорица и Белград, каде што „ќе разговара за чекорите што Србија треба да ги преземе за де факто признавање“ на независноста на Косово.
Ова барање, Белград да испорача де факто признавање на независноста на Косово, а Приштина да ја покрене процедурата за формирање на ЗСО, во заедничката изјава во петокот го изнесоа лидерите на Германија, Франција и Италија, Олаф Шолц, Емануел Макрон и Џорџа Мелони пренесуваат српските медиуми.
Фон дер Лајен изјави дека ЕУ е „многу посветена на иднината“ на Западен Балкан и посочи дека Европската комисија има план да инвестира 30 милијарди евра во тој регион.
Претседателката на Европската комисија, која во Приштина дојде од Скопје, рече дека либерализацијата на визниот режим за граѓаните на Косово претставува „нов моментум“ во односите меѓу ЕУ и Приштина.
„Се сеќавам дека минатата година баравме визна либерализација, а сега можам да кажам дека успеавме. Од 1 јануари граѓаните на Косово можат да уживаат во слободното движење. Ова е фантастичен начин да се зближат луѓето“, изјави Фон дер Лајен.
Косовската претседателка Вјоса Османи изјави дека во фокусот на нејзината средба со Фон дер Лајен бил планот на ЕУ за раст на Западен Балкан, кој неодамна го презентираше претседателката на Европската комисија и додаде дека разговарале и за „најновите случувања во Косово“ и обврските на Приштина.
Османи рече дека Косово е подготвено да го направи следниот чекор „кон европската иднина, за која работи секојдневно“.
Фон дер Лајен во Приштина ќе се сретне и со премиерот Албин Курти, утре ќе ги посети Подгорица и Белград, а во среда во Сараево ќе ја заврши турнејата по Западен Балкан. Таа ја посети Албанија на 15 и 16 октомври, кога се одржа самитот на Берлинскиот процес во Тирана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Регион
Маж од Албнија вооружен со мачета се заканувал на полицајци во западна Германија, извикувал „Алах акбар“
![](https://makfax.com.mk/wp-content/uploads/2018/08/policija-germanija.jpg)
Маж од Албанија вооружен со мачета бил совладан и уапсен откако рано утринава се заканил дека ќе убие полицајци во полициска станица во западна Германија, соопшти обвинителството.
Инспекторите рекоа дека веруваат дека тој имал исламистички, екстремистички мотив, пренесе АП.
Албанскиот државјанин (29) околу 02.40 часот пристигнал во полициската станица во гратчето Линц на Рајна, меѓу Кобленц и Бон.
Обвинителите рекоа дека тој извикувал „Алаху акбар“ – „Господ е голем“ на арапски – и рекол дека сакал да ги убие полицајците.
Дежурните полицајци ја заклучиле вратата од полициската станица и влезот во внатрешниот двор.
Осомничениот се обидел, но не успеал да ги натера да го отворат влезот, се вели во соопштението на обвинителот.
На местото на настанот биле повикани специјалци кои го совладале со пиштол за шокирање.
Инцидентотследи по нападот со нож на 23 август во западниот град Солинген, во кој осомничен екстремист од Сирија беше обвинет за убиство на три лица.
Регион
Сопругата на Бора Чорба се прости од рокерот со трогателни зборови: „Твоето срце ќе чука со нас засекогаш“
![](https://makfax.com.mk/wp-content/uploads/2024/09/Screenshot-2024-09-06-134325.jpg)
Легендата на рокот, Бора Ѓорѓевиќ, почина на 72 години, на 4 септември, а последен поздрав преку некролог во весник денеска му испратија сопругата Дубравка и другите членови на семејството.
Во Чачак, денеска, 6 септември, беше прогласен ден на жалост, а во Центарот за култура беше отворена книга на жалоста.
„Погребот ќе се изврши в сабота, 7.9.2024 година, во 14.30 часот, на градските гробишта во Чачак. Црковниот обред е во 14 часот. Сочувство ќе се прима од 13 часот. Драг наш, твоето срце ќе чука засекогаш со нас. Твоите песни засекогаш ќе бидат дел од нас… Ни подари грст спомени преку кои ќе те паметиме“, пишува во последниот поздрав на сопругата на Бора и семејството.