Свет
Два беспилотни летала нападнаа ирачка воздушна база во која се стационирани американски војници
Две вооружени беспилотни летала ја нападнаа ирачката воздухопловна база Аин ал-Асад, каде што се стационирани американските сили, но нема жртви или штети, изјавија денеска безбедносни и владини извори во Багдад за „Ројтерс“.
Во понеделникот напад врз воздухопловната база Аин ал-Асад, каде што се стационирани американски и други меѓународни сили во западен Ирак, беше извршен со четири ракети „Качуша“, соопштија безбедносни извори, а не се знае дали има жртви или штета во овој напад, според британската агенција.
Ракетите биле лансирани од пустинска област на речиси 25 километри северно од базата, а ирачките безбедносни сили почнале потрага по напаѓачите, соопштија два безбедносни извора.
Нападите врз американските сили во Ирак се интензивираа откога на 7 октомври избувна конфликтот меѓу Израел и палестинскиот Хамас. Ирачките милитантни групи поврзани со Иран се заканија дека ќе ги гаѓаат објектите што ги користат САД со ракети и беспилотни летала доколку Вашингтон му помогне на Израел во војната против Хамас во Појасот Газа, според „Ројтерс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелците со тенк убија пет свои војници во Газа
Петмина израелски војници загинаа во пријателски оган во северниот дел на Појасот Газа, а тројца се тешко ранети, соопштија израелските одбранбени сили.
Според израелските медиуми, војниците загинале вчера во пријателски оган од израелски тенкови за време на судирите со милитантите на Хамас.
Извештаите велат дека тенк удрил во зграда во бегалскиот камп Џабалија каде што биле сместени војници.
Според податоците на израелската армија, од почетокот на војната во Газа, во борбите загинале 626 војници, а околу 3.500 се ранети.
Свет
Тинејџер исчезна во Алжир во 1998 година, по 26 години пронајден е жив во шталата на соседот
Алжирецот кој исчезнал пред 26 години бил пронајден во шталата на соседот, на само неколку минути пешачење, објави оваа недела Министерството за правда на земјата.
Човекот, идентификуван само како Омар Б., исчезнал на 19-годишна возраст, за време на граѓанската војна во Алжир во 1998 година, а неговото семејство претпоставувало дека бил киднапиран или убиен, пренесува „Си-би-ес“.
Сега, на 45-годишна возраст, тој бил пронајден меѓу стоговите сено на само околу 200 метри, откако братот на киднаперот се пожалил на социјалните мрежи за спор околу наследството.
Алжирските медиуми објавија дека кога членовите на семејството почнале да ја пребаруваат куќата на осомничениот, тој станал напнат кога се приближиле до стогот сено и на крајот го пронашле Омар Б. како седи под него во тишина.
Соседот (61) на семејството на Омар е приведен откако се обидел да избега, соопшти Министерството. Алжирските медиуми објавија дека жртвата изјавила дека не можел да повика помош „поради магијата што ја фрлил врз него неговиот киднапер“.
Киднаперот на тинејџерот е обвинет и дека го убил своето куче со отров, јавуваат алжирските медиуми.
Министерството соопшти дека истрагата се уште е во тек, додавајќи дека мажот добил медицинска и психолошка нега по злосторството, кое беше опишано како грозоморно.
Алжирските медиуми објавија дека мажот бил прегледан од лекар и префрлен во специјално психолошко одделение.
Свет
Заздравувањето на Фицо е доведено во прашање, на напаѓачот му пречела и владината политика кон Украина
Здравјето на словачкиот премиер Роберт Фиц се уште е тешко и рано е да се каже дали ќе закрепне, изјави неговиот заменик Роберт Калинак, ден по атентатот што ја шокираше Европа.
„За жал, сè уште не можам да кажам дека победуваме во напорите да го спасиме животот на Фиц, ниту дека прогнозите се позитивни бидејќи последиците од повредите предизвикани од четирите прострелни рани се такви што одговорот на телото на нив ќе продолжи да биде многу тежок“, рече Калинак.
Миријам Лапуникова, директорка на Универзитетската болница Рузвелт во Банска Бистрица, каде што се лекува премиерот Фицо, рече дека 59-годишниот премиер бил подложен на петчасовна операција во која учествувале два медицински тима за да ги санираат повеќете прострелни рани.
„Во овој момент успеавме да ја стабилизираме неговата состојба, но сепак е многу сериозна. Тој ќе биде задржан на интензивна нега“, изјави таа за новинарите.
Министерот за внатрешни работи Матус Сутај Есток на прес-конференција рече дека напаѓачот кого полицијата го товари за обид за убиство, дејствувал сам и дека претходно учествувал во антивладини протести.
„Станува збор за волк-самотник кој се радикализирал неодамна, во периодот по претседателските избори одржани во април“, изјави Сутај Есток.
„Како причини за нападот осомничениот ја наведе политиката на владата кон Украина, плановите за реформа на јавниот сервис и распуштањето на специјалното обвинителство“, рече министерот за внатрешни работи.
Словачки експерти во средата ги критикуваа безбедносните мерки преземени за заштита на премиерот по обидот за атентат врз Фиц.
„Самиот Фицо пред неколку недели зборуваше за опасностите од пукање врз политичарите“, изјави поранешниот началник на словачката полиција Стефан Хамран за весникот „Денник Н“ во четвртокот.
Тој се запраша кој ја анализирал потенцијалната опасност и ја проценил заканата. Хамран ја критикуваше реакцијата на телохранителите по пукањето.
Поранешниот шеф на словачката единица за обезбедување на заштитени лица, Јурај Забојник, исто така ги критикуваше телохранителите на премиерот.