Свет
Лидерот на Хамас: Со Израел нема друга опција, освен насилство

Гази Хамад, еден од лидерите на Хамас, рече дека Израел со својата политика не им оставил на палестинските милитанти од Појасот Газа друга опција, освен насилство.
„Имаме право да се бориме против напаѓачите“, изјави Хамад за „Кориере дела сера“, кој е член на политичкиот совет на Хамас и кој Израел го бара како терорист.
Во интервјуто што го даде од Бејрут тој оцени дека Хамас покажал оти Израел е поразлив и дека операцијата„ Ал Акса“, што ја почнаа палестинските милитанти на 7 октомври на израелска територија, го менува Блискиот Исток.
Хамад изјави дека милитантите не планирале да убијат 1.400 цивили на израелска територија и дека тоа е војна што трае со години.
„Се сеќавам на најмалку шест големи конфликти од 2009 година. Во повеќето случаи Израел го избра моментот, а сега иницијативата е наша. Зошто? Поради кршењето на палестинските права на Западниот Брег и Газа, поради малтретирањето на цивилите на контролните пунктови, убиени во Џенин, Наблус, Ерусалим, поради инертноста на разни посредници (Египет, Катар, ОН). Моравме да ги преземеме работите во свои раце“, рече еден од лидерите на Хамас.
Тој рече дека без оглед на повеќе од 8.000 палестински жртви, Хамас е подготвен да го продолжи конфликтот бидејќи, според него, израелската политика не им остава ништо друго, освен насилство.
„Гледате, тука има само два пата: мир или насилство. Махмуд Абас (палестинскиот претседател, ривал на Хамас) е човек на мирот, тој е секогаш тука да разговара и по 30 години разговор, што постигна? Помалку од нула“, рече Хамад.
Според него, зголемен е бројот на израелски доселеници, конфискацијата на палестинските земји и изолираните делови на Западниот Брег.
Ова не е само политика на екстремистичката влада на Нетанјаху, рече тој, додавајќи дека никогаш не било добро време да им се отстапи нешто на Палестинците, само да се прошири израелската контрола.
„Тие не ни оставија ништо друго, освен насилство. Израел ја има ароганцијата на некој што ги има Американците зад себе и не се грижи за меѓународното право. Размислете: зошто да го слушаме Хамас ако можеме да го победиме? Па, згрешија, операцијата ‘Ал Акса’ го менува Блискиот Исток“, рече тој.
Изјави дека Палестинците се жртви на окупацијата и дека според меѓународното право, Хамас има целосно право „да се бори против напаѓачите“.
Тој изјави и дека на 7 октомври Хамас го уништил митот за Израел како воена суперсила и, според него, покажал дека може да се победи.
Не можевме без последици, но подготвени сме повторно да ја платиме цената“, заклучи Хамад, пренесува „Танјуг“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Грета Тунберг изложена на суров третман во израелскиот притвор

Шведската активистка Грета Тунберг изјави дека била изложена на суров третман додека била во израелски притвор, откако израелските сили ја пресретнале хуманитарната флотила која носела помош за Газа и ги уапсиле членовите на екипажот.
Во е-писмо испратено од шведското Министерство за надворешни работи до луѓе блиски до Тунберг, а до кое имал пристап „Гардијан“, се наведува дека активистката била затворена во ќелија полна со креветни бубачки и со недоволно храна и вода.
Според очевидци, Тунберг се жалела дека била дехидрирана и дека не примала доволно храна и вода. Таа исто така пријавила дека развила осип, за кој смета дека е предизвикан од креветни бубачки.
Исто така, според сведочења од други членови на флотилата, израелските сили ја принудиле Тунберг да држи израелско знаме.
Турската активистка Ерсинчелик, која била сведок на настанот, изјавила дека Тунберг била влечена за коса, тепана и принудена да го бакне знамето. Според неа, ова било предупредување за другите активисти.
Новинарот Лоренцо Д’Агостино, исто така дел од флотилата, по враќањето во Истанбул ја опишал ситуацијата како „невозможно да се поверува“, бидејќи Тунберг била завиткана во израелско знаме и парадирала со него, што предизвикало гнев и неверица меѓу присутните.
Инаку, Тунберг е меѓу 437 активисти, пратеници, адвокати, кои беа дел од флотилата „Глобал Сумуд“, која се состоеше од повеќе од 40 бродови што носеа хуманитарна помош, чија цел беше да се пробие 16-годишната израелска поморска блокада на Газа.
Израелските сили ги пресретнаа сите бродови и ги уапсија сите членови на екипажот на бродот. Повеќето од нив се наоѓаат во Кезиот, познат и како Ансар III, затвор со висок степен на безбедност во пустината Негев, кој првенствено се користи за држење палестински затвореници, од кои многумина Израел ги обвинува за вмешаност во милитантни или терористички активности.
Свет
(Фото+видео) Масовен руски напад врз Украина, Полска подигна борбени авиони

Русија изврши серија напади врз Украина во текот на ноќта, при што беа убиени и повредени неколку лица. Полска распореди борбени авиони поради опасноста по својот воздушен простор, јавуваат локалните медиуми.
Украина објави дека во рускиот напад врз Запорожје едно лице било убиено, а шест други ранети, меѓу кои и 16-годишно девојче.
There are water and electricity outages in Zaporozhye after a combined attack by multiple drones and KAB bombs struck the city. pic.twitter.com/Tg3X5eUEYR
— Gabe (@GabeZZOZZ) October 5, 2025
Шефот на југоисточниот украински регион, Иван Федоров, објави дека во рускиот „комбиниран напад“ (напад со ракети и беспилотни летала) една жена била убиена, а шест други лица ранети. Според Федоров, лекарите им обезбедиле неопходна медицинска помош на повредените.
Во времето на нападот, во 4:09 часот по локално време, низ цела Украина била прогласена национална воздушна тревога.
🇷🇺🇺🇦 Large fire is burning in Lviv following Russian missiles and drones strikes.
In addition to reported strikes on Lviv, Zaporozhye, and Odessa. Russian strikes also took place in Kharkiv, Dnepropetrovsk, Ivano-Frankivsk, Rivne, and the Chernihiv regions. pic.twitter.com/WfpWQdvUgy
— Heyman_101 (@SU_57R) October 5, 2025
Полските вооружени сили објавија дека ставиле во готовност воздушна одбрана и распоредиле борбени авиони за заштита на својот воздушен простор, особено во близина на украинската граница.
Во последните денови, Русија ги интензивираше нападите врз енергетската инфраструктура на Украина, со оглед на намалените температури и приближувањето на зимата. Овој викенд, Москва го спроведе најголемиот напад досега на украинската гасна мрежа. Нападите во саботата предизвикаа прекин на снабдувањето со електрична енергија за околу 50.000 домаќинства во северниот регион Чернигов.
Another massive attack on the west of Ukraine. Missiles and drones.
Every night Ukraine stands between russia and Europe.
When Ukraine can’t – who will protect you? pic.twitter.com/feoWYvW8Hm— Tetїana 🇺🇦 (@TPSpindel) October 5, 2025
Во Лавовската област, најмалку две лица биле убиени, а две повредени во напад со руски дрон и ракета во текот на ноќта. Командата на украинските воздухопловни сили и системите за противвоздушна одбрана соопштија дека Киев и голем број други региони беа мета на воздушни напади од страна на Русија.
Покрај Киев, нападите ги погодија и следниве региони: Хмелницки, Деражња, Сатанив, Виницки регион, Вапњарка, Немиров, Жмеринка, Козјатин, Запорожје, Днепар, Одеса.
Свет
Турскиот парламент ќе разгледува закон за построги казни за малолетници кои извршуваат тешки кривични дела

Турскиот парламент во наредните денови ќе започне разгледување на предлог-закон кој предлага построги казни за малолетници кои извршуваат тешки кривични дела, објавија локалните медиуми.
Промените се разгледуваат од страна на парламентарната комисија за правда, која е составена од претставници на владејачката Партија на правдата и развојот, како и правни експерти.
Според предложените измени во кривичниот закон, горната граница за должината на казната за лица постари од 15 години и помлади од 18 години ќе се помести на 27 години затвор.
Доколку сторителот на тешко кривично дело бил малолетник во времето на извршувањето и постар од 15 години, може да биде осуден на затворска казна од 18 до 27 години.
Според законот, малолетниците на возраст меѓу 15 и 18 години кои ќе извршат убиство со умисла нема да добијат намалена казна ако се утврди дека убиството е извршено на суров и однапред смислен начин или ако претходно биле осудени за други кривични дела.