Забава
(Видео) Страда од синдром на вкочанета личност: Селин Дион, по долга пауза, се врати во јавноста
Светската популарна пејачка Селин Дион, по пет месеци се појави во јавноста и изгледа навистина добро, поради што сите мислат дека нашла терапија што ѝ помага.
Откако неколкупати ја одложуваше Courage World Tour поради болест, познатата пејачка со моќен глас, Селин Дион, донесе болна одлука да престане да настапува до понатамошно известување за да се посвети на закрепнувањето.
Sieh dir diesen Beitrag auf Instagram an
Селин се бори со болест што ги претвора луѓето во живи статуи додека постепено го заклучува телото во крути позиции. Станува збор за синдром на вкочанета личност, кој, според Националниот институт за здравје, е „ретко, прогресивно невролошко нарушување“, кое може да предизвика вкочанетост на мускулите во градите, рацете и на нозете.
Sieh dir diesen Beitrag auf Instagram an
Оваа болест погодува еден од милион луѓе, а иако нема лек, постојат третмани што може да го забават агресивниот напредок на болеста.
Таа се појави во арената во Лас Вегас за да го бодри својот хокеарски тим од родниот град, „Монтреал Канадиенс“, во натпреварот против „Златните витези“ на Вегас.
„Ви благодариме Селин Дион за вашата великодушност. Целиот тим е многу среќен што ве запознавме вас и вашето семејство“, напиша на „Инстаграм“ ПР-от на канадскиот тим, Шантал Машаби, кој објави и фотографии со пејачка.
Пејачката беше во друштво на синовите Рене Чарлс (22) и близнаците Еди и Нелсон (13), што ги има со покојниот сопруг Рене Анџелил.
На „Инстаграм“ се воодушевени од скромноста и едноставноста на Селин Дион, на која ѝ се восхитува и тренерот Мартин Сент Луис.
„Изгледаше многу добро, блескаше. Зборуваше, се шегуваше. Беше одлична вечер, беше навистина забавно. Бевме многу трогнати затоа што ја видовме таква – затоа што ја видовме здрава“, рече Шантал и додаде дека сите играчи се шокирале кога слушнале кој пристигнал. Иако не биле подготвени да се сретнат, не сакале да ја пропуштат можноста да ја запознаат Селин и биле импресионирани од неа, пишува Journaldequebec.com.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Најнесреќните хороскопски знаци во јуни: дали сте меѓу нив?
Јуни може да биде тежок месец за некои знаци. Астрологијата може да биде многу моќна алатка за предвидување потенцијални проблеми. Три знаци овој месец ќе имаат посебни потешкотии да се справат со претстојните ситуации и на љубовен и на финансиски план.
Кои се најнесреќните хороскопски знаци во јуни?
Рак
Овој месец ќе ви биде тежок, бидејќи повторно ќе потонете во носталгија, Рак. Ќе се чувствувате како да не сте доволно ценети, и покрај тоа што се чувствувате како да ја носите тежината на светот на грб. Јасната и мирна комуникација без поплаки и обвинувања ќе ви овозможи решение за личните проблеми, а во време кога ќе ви бидат погодени финансиите. Држете се настрана од ризични инвестиции и бидете многу внимателни во вашите трансакции. Се предвидуваат професионални промени кои на прв поглед ќе имаат негативен ефект. Но, не заборавајте дека промените носат и добри работи.
Лав
Романтичните врски ќе поминат низ криза и ќе почувствувате дека ви треба одмор од партнерот. Притисоците од секојдневието ве трошат, но трпението ќе ви биде добар сојузник во овој случај. Посветете посебно внимание на вашето здравје и не оставајте ги ни најмалите неиспитани. Ставете ги вашите потреби на прво место и обидете се да се насмеете пред тешкотиите бидејќи само така ќе ги надминете.
Вага
Тајните и прикривањата ги тресат вашите врски, Ваги. Лагите од другата страна ќе ве вознемират, но не паѓајте во истата замка постојано и одново. Запомнете дека искреноста е на прво место. Мирната комуникација е најдоброто решение. Изразете го она што го чувствувате и внимателно слушајте што другите имаат да кажат. Познати сте по љубовта кон рамнотежа и смиреност и знаете како да ги заработите.
Забава
Џеј Ло и Афлек фотографирани заедно на натпревар, се бакнаа во образ пред папараците
Џенифер Лопез и Бен Афлек беа на кошаркарскиот натпревар на Семјуел, 12-годишниот син кој актерот го доби во бракот со Џенифер Гарнер.
Џеј Ло и Бен се сретнаа на влезот од салата во Санта Моника, Калифорнија. Актерот се смешкал, а кога се сретнале се бакнале во образ. На многу обожаватели ова им е чудно бидејќи претходно папараците често го снимаа парот како јавно разменува нежности.
Исто така, тие не се држеа за раце како обично. И покрај очигледните заладени односи меѓу нив, Бен сепак беше кавалер, па по натпреварот Џеј Ло ја отвори вратата од автомобилот, а потоа заедно тргнаа.
На спортскиот настан беше присутна и поранешната сопруга на Афлек, Џенифер Гарнер.
Забава
(Видео) Доаѓа серија базирана на една од најпопуларните игри на денешницата
Не само што доаѓа филм за Minecraft следната година, туку сега е објавено дека се планира и анимирана серија базирана на видео играта.
Minecraft беше објавен пред 15 години, а стриминг сервисот реши да направи анимирана серија која ќе биде адаптација на оваа ултра популарна игра.
„Ова ќе биде оригинална приказна со нови ликови и ќе го прикаже светот на Minecraft во ново светло“, соопшти Нетфликс.
Не се објавени повеќе детали, а познато е и дека за продукцијата е задолжено студиото WildBrain кое стои зад адаптациите како Sonic Prima и Ninjago.
Нема ни точен датум кога анимираната серија на Minecraft би можела да ја види светлината на денот, но Нетфликс напиша дека „доаѓа наскоро“.