Спорт
(Видео) Баварска лекција за „милионерите“

Фудбалерите на Баерн ја продолжија апсолутната доминација во „Класикер“ и во дербито од 10. коло во Бундес лигата ја победија Борусија Дортмунд со 4:0.
Сите дилеми околу исходот на дуелот Баварците ги решија во првите десет минути кога со два гола ги шокираа избраниците на Един Терзиќ и полните трибини на „Сигнал Итуна Парк“.
Баерн заедно со лидерот Баер Леверкузен и натаму е единствената непоразена екипа во лигата, има два бода помалкуо од „фармацевтите“, додека Дортмунд заостанува седум бода зад лидерот.
Гостите поведоа во 4. минута со голот на Дајот Упамекано по одличната асистенција на Лерој Сане. Тоа беше прв гол сезонава за француски дефанзивец.
Само пет минути подоцна Баерн ја удвои предноста, стрелец беше Хари Кејн, а Сане повторно асистираше. Капитенот на англиската репрезентација со хет-трик ја круниса одлична партија, стрелец беше во 72. и 90. + 3. минута.
На последните три натпревари во Бундеслигата, Кејн постигна седум гола, односно вкупно 15 во сезоната на десет натпревари, со што го собори рекордот на поранешниот играч на Шалке Клаус Матишек (13 гола на 10 натпревари).
Во следното коло Баварците го пречекуваат Ханденхајм, а Дортмунд гостува кај Штутгарт.
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Залевски во Аталанта

Аталанта, влегува во нова ера со хрватскиот тренер Иван Јуриќ, кој го наследи на клупата Џанпјеро Гасперини. Искусниот тренер по 10 години замина од Бергамо, се пресели во Рома.
Аталанта во досегашниот тек од преодниот рок приходуваше 104 милиони евра од продажба на играчи. Клубот може да си дозволи нови играчи, го потпиша напаѓачот на лече, Никола Крстовиќ за 25 милиони евра, а по Црногорецот во клубот пристигна полскиот играч од средниот ред Никола Залевски (23).
Италијанските медиуми објавувија дека полскиот репрезентативец потпишал четиригодишен договор со Аталанта. Трансферот е „тежок“ 17 милиони евра.
Залевски помина низ младинската академија на Рома, а во пролетниот дел од минатата сезона беше позајмен во Интер, кој го откупи неговиот договор за шест и пол милиони евра во јули. Но, по само 50 дена, Интер го продаде на Аталанта.
Залевски има одиграно 29 натпревари за полската репрезентација, постигнал три гола и забележал седум асистенции.
Фото/ Принтскрин
Спорт
Мурињо доби уште едно засилување

Фудбалерот од Мали, Доргелеш Нене, премина од Салцбург во Фенербахче, објави денес турскиот клуб.
Офанзивниот играч од средниот ред Нене (22) ја започна својата професионална кариера во Салцбург во 2021 година, но играше како позајмен играч во Лиферинг, Рид и Вестерло.
Во сите натпреварувања, тој постигна 22 гола во 87 натпревари за Салцбург.
„Добредојде во нашето семејство, Нене. Нашиот клуб постигна договор со австрискиот клуб Салцбург за траен трансфер на играчот од Мали, Доргелеш Нене. Играчот, кој ги заврши медицинските прегледи, потпиша петгодишен договор. Му посакуваме добредојде на Нене и му посакуваме успех во дресот на нашиот клуб“, објави Фенербахче.
Клубот не објави финансики детали од трансферот.
Foto/ Fenerbahçe SK
Спорт
Најголемото засилување на Парма доживеа тешка повреда

Најголемото засилување на Парма во актуелниот преоден рок, Матија Фриган доживеа тешка повреда поради што ќе отсуствува помеѓу четири и шест месеци.
Хрватот, Матија Фриган (22) пред четири дена о официјализира трансферот во Парма од Вестерло вреден 10 милиони евра.
Фриган заработи повреда на коленото за време на тренингот, а прегледите го потврдија најлошото можно сценарио.
Ги скинал лигаментите на левото колено, што значи дека ќе паузира околу шест месеци.
Фриган потпиша договор со клубот од италијанската Премиер лига до 2030 година.
Фото/ Принтскрин