Спорт
(Видео) Денвер од -20 до убедлив триумф над Њу Орлеанс – 108. трипл-дабл на Јокиќ

Никола Јокиќ игра во како во транс од почетокот на сезоната. Најдобриот играч на актуелниот шампион, го забележа 108. трипл-дабл во кариерата. Се искачи на четвртото место на вечната листа, на која ги мина Леброн Џејмс и Џејсон Кид. Пред него се само Расел Вестбрук (198), Оскар Робертсон (181) и Меџик Џонсон (138).
Денвер го победи Њу Орлеанс со 134:116 и покрај тоа што во еден момент имаше негатива од 20 поени. Настапот на Јокиќ за овој натпревар беше под знак прашалник, бидејќи се повреди на тренингот пред натпреварот.
Јокиќ забележа 35 поени, најмногу од почетокот на сезоната, ма кои придодаде 14 скока и 12 асистенции. Во тимот на Нагетс, Мајкл Портер додаде 22 поени, дебитантот Џулијан Стаутер постигна поен помалку, додека Колдвел-Поуп и Гордон постигнаа по 15 поени.
Кај Пеликанс најефикасен беше Џордан Хокинс со 31 поен, Брендон Инграм додаде 22, а Зион Вилијамсон 20 поени, 10 скока и девет асистенции.
Резултати:
Детроит – Голден Стејт 109:120
Индијана – Сан Антонио 152:111
Орландо – Далас 102:117
Филаделфија – Вашингтон 146:128
Бруклин – Милвоки 125:129
Мајами – ЛА Лејкерс 108:107
Њујорк – ЛА Клиперс 111:97
Чикаго – Јута 130:113
Хјустон – Сакраменто 122:97
Минесота – Бостон 114:109
Оклахома – Атланта 126:117
Денвер – Њу Орлеанс 134:116
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
За Ендрик нема место во Реал

Младиот бразилски напаѓач, Ендрик не успева да се наметне во Реал под команда на Чаби Алонсо. Бразилецот е закован за клупата, не одигра ниту една секунда од почетокот на сезоната и се очекува во јануари да биде испратен на позаијмица.
Пред неколку недели Ендирк се поврзуваше со Валенсија, а бразилскиот „ESPN“ пишува дека Марсеј се приклучил во трката.
Тимот предводен од Роберто де Зерби има бод помалку од првопласираниот Пари Сен Жермен и се чини дека би можеле да се борат оваа сезона за титулата.
Со оглед на тоа што Африканскиот куп на нации доаѓа во зима, Марсеј ќе биде без Обамејанг и Гири со што ќе се отвори дупка во нападот и потенцијален проблем во трката за трофејот.
Ендрик би можел да биде решението. Засега, Бразилецот не сака да брза со одлуката, но очигледно е дека ќе мора да замине од Мадрид доколку сака да игра и да се избори за место во репрезентацијата која ќе настапи на Светското првенство следното лето.
Спорт
„Модриќ, Џеко, Варди. Кој ќе плати за да гледа гробишта за слонови?“

Италијанскиот фудбалски новинар Паоло Барџиѓа предизвика бурни реакции откако објави нова епизода од подкастот „Центрокампо“, каде што даде низа остри коментари против одредени фудбалски ветерани, вклучувајќи го и Лука Модриќ.
Неговите изјави, кои ги пренесоа „Milannews.it“ и бројни корисници на социјалните мрежи, предизвикаа бран полемики во Италија.
Во клип кој брзо стана вирален, Барџиѓа ја спореди италијанската Серија А со „гробишта на слонови“, алудирајќи на фактот дека клубовите сè повеќе им даваат шанса на играчите во доцните фудбалски години, наместо на помладите таленти.
Како примери ги наведе Лука Модриќ, Един Џеко и Џејми Варди.
„Модриќ во Милан, Џеко, Варди… Тие се готови како играчи! Кој ќе плати за да гледа гробиштата на слонови? Го носите Ричи за 25 милиони, а играте со некој што има 40 години!“, рече Барџиѓа, предизвикувајќи лавина реакции од јавноста.
Сепак, формата на хрватскиот ас ги негира сите негови тврдења. Лука Модриќ, кој ова лето пристигна во Милано како слободен агент од Реал Мадрид, продолжува да докажува дека возраста не е пречка за него. Од почетокот на сезоната, тој ги одигра сите шест натпревари од Серија А во почетниот состав и e еден од клучните играчи во тимот на Масимилијано Алегри.
„Росонерите“ моментално се на третото место на табелата, а примија само три гола.
Покрај тоа, „Ла Газета дело Спорт“ наведува дека Модриќ е на самиот врв во лигата по бројот на прецизни додавања и точноста на додавањата, поради што раководството на Милан веќе планира да му понуди продолжување на договорот.
Спорт
„Нејмар во Интер? Глупости!“

Во изминатите неколку дена се појави информација дека Нејмар бил понуден на Наполи и Интер ова лето, но повредата го натерала да остане во Сантос.
Бидејќи неговиот договор со Сантос истекува на крајот од годината, извесно е дека брилијантниот напаѓач ќе го промени клубот.
Се споменуваше Интер Мајами, каде што ќе им се придружи на Меси и Суарез, а се пишуваше дека повторно ќе биде понуден на клубови од Серија А.
Сепак, тоа нема да биде Интер од Милано, бидејќи спортскиот директор на овој клуб, Пјеро Аусилио, ги негираше тврдењата на медиумите.
„Нејмар во Интер? Тоа се глупости! Никогаш не сме разговарале за тоа, ниту сме испратиле понуда. Се обидовме со Лукман, но напредокот на Пио Еспозито и Бони ни овозможи да видиме напредок. Исто така, го следевме Хојлунд“, рече Аусилио во интервју за „Кориере дело Спорт“.