Спорт
Кирјос: Пред пензија сакам да освојам Грен слем

Ник Кирјос годинава одигра само еден меч, во јуни на турнирот во Штутгарт и загуби од Кинезот Ву.
Повредата на коленото му правеше проблеми поради што мораше да го пропушти својот омилен турнир, Вимблдон. Не знае кога ќе се врати на теренот. Во Бризбејн на стартот од следната сезона го чека вајлд-карта, но тој се уште не го потврди учеството.
Кирјос вели дека рано е да се пензионира:
„Сакам да освојам барем еден голем трофеј. Сакам кога ќе престанам да играм, да можам да кажам дека барем еднаш бев грен слем шампион. Минатата година бев толку блиску, само два сета ме делеа од пехарот“, се присети во интервју за една австралиска телевизија.
Лани во финалето на Вимблдон против Новак Ѓоковиќ. Кирјос го доби првиот сет, но не можеше повеќе.
Останува истата желба:
„Вимблдон е најголемиот турнир во светот, дури и навивачите кои не следат тенис знаат што е Вимблдон. Неверојатен е престижот што го има. Ако победиш на Вимблдон, никој веќе не може да ти каже ништо. Таа титула би била шлаг на тортата и затоа ќе дадам се од себе да ја освојам. Поради ланскиот пораз во финалето имам чувство на незавршена работа. Така, ќе направам се што е во моја моќ за да се вратам во финалето на Вимблдон.
Минатата година беше најдобра во неговата кариера, но откако се предаде во Токио во октомври, тој не може да се рехабилитира. Прво го оперираше менискусот, а потоа започнаа проблемите со зглобот.
„Многу е поубаво кога победуваш, се изгледа многу позитивно. Има многу пари, публиката те сака. Мислам дека мојот начин на играње тенис ја привлекува публиката на стадионите. Купуваат неколку пијачки и уживаат во забавата што ја сакаат“.
Сепак, постои проблем.
„Коленото ми е на 60-70 проценти, имам уште многу тренинзи пред мене. Затоа уште не сакам да ветувам дека ќе играм во Мелбурн. Кога првпат се вратив на теренот по повредата, имаше негативни ефекти. Морам да бидам трпелив“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Навивачите на Фламенго се судрија со полицијта во Рио де Жанеиро

Навивачите на Фламенго предизвикаа големи инциденти пред зградата на аеродромот во Рио де Жанеиро за да го испратат својот тим на Светското клупско првенство во САД.
Голем број навивачи на „рубро-негро“, (околу 3.000), се собраа пред аеродромската зграда за да го испратат тимот на Фелипе Луис во САД.
Сепак, карневалската атмосфера се претвори во немири и сцени на насилство и хаос од причини кои на почетокот не беа најјасни.
Навивачите се судрија жестоко со полицијата.
Como disse aquela senhora:
“Não tem como explicar, não existe outro igual, só ele mesmo”
– Tá falando do seu marido?
“Não, não, tô falando do Flamengo”#AeroFla #Flamengo pic.twitter.com/bBKMCRQX4k— 𝐉𝐨 ᶜʳᶠ🏆🏆🏆 (@Jojo_t24) June 12, 2025
Вистинска мала војна се развила во областа пред зградата на аеродромот.
Бразилските медиуми пишуваат дека полицијата била принудена да преземе екстремни мерки за да ги спречи хулиганите во нивното лудило, активирала шок бомби, користела бибер спреј, а органите на редот биле приморани да употребат и гумени куршуми.
Nunca, jamais, sob hipótese alguma ousem se comparar com o colossal CLUBE DE REGATAS DO FLAMENGO.
Vocês são insetos, nanicos, insignificantes, porras nenhuma, o coco do cavalo do bandido perto de nossa imensa torcida.
Faz o sinal da cruz, é o malvadão!
pic.twitter.com/u4qseS4uGR— Patrick Moraes (@moraespc_) June 12, 2025
Брзо стана јасно од каде доаѓа големата нервоза кај навивачите на најпопуларниот бразилски клуб, поради што подршката се претвори во протест, а протестот во насилство.
Имено, навивачите на Фламенго се лути на фудбалерот на тимот Гершон кој се согласи на трансфер во Русија, во тимот Зенит. Од нивна гледна точка тој се продал и со тој чин си ја залепи етикетата на „предавник“.
Ништо ново во светот на фудбалот, иако Бразилците ги сфаќаат ваквите работи доста лично и нивните реакции не се баш во согласност со цивилизациските норми.
Que vídeo foda.
Não tem como um time se sentir mais motivado pra uma competição do que com uma despedida dessas
A torcida do Flamengo é ÚNICA! pic.twitter.com/o5PIOFOUpJ
— Brasileirão Análise (@futbranalise) June 12, 2025
Фламенго ќе игра против Есперанс од Тунис, Челзи и Лос Анџелес во групата на Светското клупско првенство.
Спорт
Претседателот на Спортинг: Ѓокереш не може да си замине за 60 милиони

Претседателот на фудбалскиот клуб Спортинг, Федерико Варандас, ги негираше извештаите дека постои џентлменски договор според кој шведскиот напаѓач Виктор Ѓокереш би можел да го напушти клубот за 59 милиони фунти. Првиот човек на клубот тврди дека досега не добиле ниту една конкретна понуда за напаѓачот.
„Можам да гарантирам дека Виктор Ѓокереш нема да замине за 60 милиони евра плус 10 милиони евра бонуси, бидејќи никогаш не го ветив тоа. До денес, Спортинг не добил никакви понуди за Ѓокереш, ниту денес ниту минатата сезона“, рече Варандас на прес-конференција, како што објави Би-Би-Си.
Швеѓанецот, кој има 27 години, постигна 97 гола на 102 натпревари во текот на две сезони со Спортинг, а претходно играше за Ковентри три години. Неодамна беше поврзуван со можен трансфер во Манчестер јунајтед или Арсенал.
Неговиот договор со Спортинг има откупна клаузула од 85 милиони фунти, но медиумските извештаи претходно сугерираа дека минатото лето е постигнат договор помеѓу клубот и играчот, напаѓачот да остане уште една сезона, а клубот да му овозможи да замине за пониска цена.
Варандас објасни дека единствената отстапка што ја направил клубот била дека нема строго да инсистираат на целиот износ на клаузулата.
„Една од најголемите загрижености на неговиот агент беше дали ќе бараме откупната клаузула да биде исплатена во целост. Тој сакаше гаранции, а единствениот договор беше дека Спортинг нема да бара цели 100 милиони евра“, рече Варандас.
Тој додаде дека во тој момент не било можно да се дефинира износот на потенцијалниот трансфер.
„Во тоа време реков: нема смисла да се одредува бројка однапред бидејќи не знаеме што ќе се случи за една година. Може да биде 40 милиони евра, 60 милиони евра или 80 милиони евра. Она што можам да го гарантирам е дека нема да барам 100 милиони евра“, заклучи претседателот на Спортинг.
Спорт
Џеко се враќа во Серија А

Един Џеко, 39-годишниот репрезентативец на Босна и Херцеговина, е блиску до враќање во Италија.
Според медиумите на Апенините, искусниот напаѓач треба да потпише договор со Болоња. Преговорите се во завршна фаза и остануваат само технички детали пред официјалната потврда.
Понудата вклучува договор за една сезона, со можност за продолжување за уште една година, доколку двете страни се задоволни од соработката.
Џеко би имал годишна плата од 1,5 милиони евра во Болоња, со дополнителни бонуси поврзани со бројот на натпревари и постигнати голови.
Одличниот напаѓач го напушти Фенербахче на крајот од сезоната, каде што помина две години.
Инаку, неколку месеци Џеко се поврзуваше со Хајдук од Сплит, но очигледно решил да игра во многу посилна лига од хрватскиот шампионат.