Регион
Први фотографии од местото на несреќата во која учествуваше хрватскиот министер, познат степенот на повредите
![](https://makfax.com.mk/wp-content/uploads/2023/11/nesreka.jpg)
Министерот за одбрана Марио Баножиќ учествуваше во сообраќајна несреќа во која загина едно лице. Според последните информации, министерот бил пренесен во болница, а на социјалните мрежи се појавија првите фотографии од несреќата.
Според Index.hr, поради сериозноста на повредите, министерот ќе биде префрлен во болницата во Осиек.
Во несреќата загинал возачот на комбето, јавуваат локалните медиуми.
Несреќата се случила на излезот од Винковци кон Жупања, пишува Јутарњи лист. Во тек е истрага која ја води заменикот на Жупаниското државно обвинителство во Вуковар.
Според информациите на споменатиот портал, министерот има контузии во пределот на главата, повреди на градниот кош и скршеница на ногата. На моменти е свесен, а на моменти не. Тој бил сам во автомобилот. Според прелиминарните и неофицијални податоци, алкохолот во крвта на Баножиќ не е потврден, а тој наводно бил на пат за лов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Црвен аларм за туристите на Јадранот: месојадни црви забележани на плажите во Будва, Црна Гора и во Италија
![](https://makfax.com.mk/wp-content/uploads/2024/06/crvi.jpg)
Месојадни црви се забележани на плажите во Будва, Црна Гора и во италијанските региони Сицилија, Калабрија и Апулија. За туристите и за жителите од овие региони издаден е црвен аларм за инвазија од месојадните црви, пишуваат денес српските и црногорските медиуми.
Невротоксинот во што го испуштаат месојадните црви предизвикува главоболка и вртоглавица. Долги се од 20 до 30 сантиметри и главно живеат на камено но и во песочното морско дно. Вообичаени се на Карибите и во тропските региони на западниот Атлантик.
Институтите за истражување на црви предупредуваат дека ваквите црви прават штета на рибарската индустрија оти се фаќаат за риболовната опрема. Многумина истражувачи работат на ограничување на ширењето на овој вид црви и на социјалните мрежи поттикнуваат секој што ќе ги забележи да пријави.
За оние кои ќе дојдат во допир со вакви црви, експертите советуваат боцките да се отстрануваат со суви прсти или леплива лента за да се избегне триење на кожата. Освен дезинфекција, препорачуваат да се измијат со ладна вода зафатените делови од телото и посета на лекар доколку се појават алергиски симптоми или покачена телесна температура.
На социјалните медиуми, минатиот месец, вакви црви првпат беа пријавени во Будва, Црна Гора.
Регион
11-годишно момче со велосипед падна од три метри висина на Калемегдан во Белград
![](https://makfax.com.mk/wp-content/uploads/2021/02/velosiped.jpg)
Единаесетгодишното момче вчера вечерта паднало од тврдината Калемегдан во Белград и се здобило со тешки телесни повреди. Како што пренесуваат српските медиуми, момчето возело велосипед во паркот Калемегдан и паднало од висина од три метри.
Белградската Итна помош соопшти дека со повреди момчето било пренесено во Ургентниот центар каде е задржано на лекување.
Регион
Додик: БИХ е последната колонија во Европа
![](https://makfax.com.mk/wp-content/uploads/2024/04/dodik-1.jpg)
Претседателот на Република Српска, Милорад Додик, изјави дека во Босна и Херцеговина постои криза која трае веќе 26 години, во која правата им беа дадени на Србите, а потоа одземени во корист на муслиманите, како и дека Босна и Херцеговина е последната колонија во Европа.
„БиХ е последната колонија во Европа каде што луѓето кои дојдоа однадвор го презедоа раководството, кое никој не го избра на избори. Ние, локалните политичари, само одиме на избори, победуваме или губиме, но оние кои не се од БиХ Тие всушност играат водечка улога“, рече Додик во интервју за Џерусалим пост.
Тој посочи дека дури и Хрватите не се задоволни од ситуацијата во БиХ, но дека муслиманите не сакаат дијалог, туку ги обвинуваат Србите дека повикуваат на конфликт, што не е точно.