Свет
Нетанјаху: Хамас ја отфрли понудата на Израел за гориво за болницата во Газа
![](https://makfax.com.mk/wp-content/uploads/2021/06/Netanjahu1.jpeg)
Хамас ја отфрли понудата на Израел за снабдување на болницата Ал Шифа, тврди израелскиот премиер, Бенјамин Нетанјаху.
Болницата, која е најголема во Газа, вчера ја прекина работата откако последниот генератор остана без гориво, соопшти Министерството за здравство на Хамас.
Тешки борби во текот на ноќта се забележани и во околината на медицинската установа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Русија: Договараме размена на затвореници со Америка
![](https://makfax.com.mk/wp-content/uploads/2024/06/gerskovic-peskov.jpg)
Кремљ денеска соопшти дека се остварени контакти со САД за можна размена на затвореници во која би бил и Еван Гершкович, известувач на Wall Street Journal, но дека медиумите не треба да добиваат дополнителни детали за нив.
Портпаролот на Кремљ, Дмитриј Песков, го цитираше рускиот претседател Владимир Путин како рекол на состанокот со уредниците на меѓународните новински агенции претходно овој месец дека Русија и САД биле во контакт по ова прашање.
„Сакам повторно да ве потсетам на разговорот на претседателот со шефовите на новинските агенции во Санкт Петербург, тој потврди дека има такви контакти. Тие продолжуваат, но треба да продолжат во целосна тишина. Затоа, никакви соопштенија, изјави или информации, за ова прашање не можат да бидат дадени“, рече Песков.
На прашањето зошто судењето на Гершкович за шпионажа се одвива зад затворени врати, Песков рече дека не може да коментира за такви работи бидејќи тоа е судска одлука. „Тоа е одлука на судот. Не можеме да го коментираме тоа“, рече тој.
Гершкович (32) беше приведен од Федералната служба за безбедност (ФСБ) на 29 март 2023 година во уралскиот град Екатеринбург, 1.400 километри источно од Москва, под обвинение за шпионажа што носи до 20 години затвор.
Гершкович, првиот американски новинар кој беше приведен под обвинение за шпионажа од крајот на Студената војна пред повеќе од три децении, постојано ги негираше обвинувањата.
Свет
Василиј Небензја: Русија ќе бара меѓународно признавање на вистинската природа на нацистичките злосторства во СССР
![](https://makfax.com.mk/wp-content/uploads/2024/06/fv.jpg)
Русија ќе бара официјално меѓународно признавање на вистинската природа на злосторствата на нацистичка Германија против народите на СССР, изјави денеска постојаниот претставник на Русија во ОН Василиј Небензја.
На прашањето на РИА Новости дали Русија планира да поднесе до Генералното собрание на ОН резолуција за геноцидот врз советскиот народ за време на Втората светска војна, тој одговори дека „усвојувањето на резолуцијата за Сребреница (во Генералното собрание на ОН во мај) стана преседан, што секако ќе влијае на понатамошни дискусии за признавање на други историски трагедии како акти на геноцид“.
Тој потсети дека еден од „главните спонзори на овој контроверзен документ била Германија“.
Свет
Кремљ: Изјавата на Столтенберг за нуклеарното оружје е уште една ескалација на тензиите
![](https://makfax.com.mk/wp-content/uploads/2020/03/Kremlj.jpg)
Портпаролот на Кремљ, Дмитриј Песков денеска ја оцени изјавата на генералниот секретар на НАТО Јенс Столтенберг за можноста за ставање во состојба на готовност нуклеарното оружје на Алијансата како уште една ескалација на тензиите.
„Тоа не е ништо повеќе од уште една ескалација на тензиите“, изјави Песков за новинарите, а пренесува РИА Новости.
Столтенберг претходно изјави дека НАТО размислува да го стави нуклеарното оружје во состојба на готовност, наведувајќи дека транспарентноста во тој случај е одвраќање.