Спорт
Натпреварот Бугарија-Унгарија ќе се игра во Софија
Квалификацискиот натпревар за ЕП 2024 меѓу Бугарија и Унгарија сепак ќе се игра во Софија.
Натпреварот е закажан за четврток од 18 часот, а ќе се игра без публика на стадионот „Васил Левски“.
Имаше најава дека Бугарите може дури и да бидат дисквалификувани поради неможност да го организираат мечот во Пловдив, но тоа нема да се случи.
Се започна по одлуката на ФС Бугарија натпреварот да се пресели на стадионот во Пловдив, но такво нешто не беше возможно со оглед на тоа што стадионот е во фаза на реконструкција и не е безбеден за игра.
Третиот предлог, натпреварот да се игра на „Арда арената“ во Карџали, Унгарците го одбија бидејќи во близина нема аеродром, ниту хотелски капацитети потребни за натпревари од ваков тип.
На Унгарците им е доволен бод за пласман на ЕП, а по Бугарија три дена подоцна имаат меч и со Црна Гора.
Во четврток, во оваа група се среќаваат Црна Гора и Литванија, а овој натпревар директно ја решава судбината на Србија. Ако Црногорците не победат, Србите ќе изборат пласман на Европското првенство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Феликс во голем проблем, за Барса непотребен, во Атлетико непожелен
Жоао Феликс на лето би можел да се најде во нов проблем, Барселона не е подготвена да го купи, додека во Атлетико Мадрид никој не сака да се врати.
Извори од Мадрид денеска пишуваат дека Диего Симеоне јасно им ставил до знаење на раководството дека преговара или со Барселона или со кој било друг клуб за продажба или нова позајмица на Португалецот. Но, за прв пат се додава и дека ниту неговите соиграчи не сакаат тој да се врати во својот тим и во соблекувалната.
Очигледно, на ниту еден од играчите не му се допадна што Жоао Феликс прослави гол против нив и патем, навивачите прилично го замразеа поради тоа.
На играчите им е доста од неговото недолично однесување, веруваат дека не се вклопува во тимот и дека е премногу егоцентричен и дека и со своите квалитети не прави разлика на теренот.
Инаку, Атлетико Мадрид постави цена од 60 милиони евра, но Барселона нема намера да плати толку. Дополнително, Чави Ернандез изјави дека на позицијата лево крило повеќе би сакал Дани Олмо и Никo Вилијамс.
Спорт
Албанија и Србија со заедничка кандидатура за младинското ЕП во 2027 година
Фудбалските сојузи на Албанија I Србија поднесоа официјална кандидатура за организација на Европското првенство за фудбалер до 21 година во 2027 година.
Информацијата ја објави албанскиот сојуз.
„Албанскиот фудбалски сојуз соопштува дека се пријави за организација на завршниот турнир ЕУРО 2027 за играчи до 21 година. АФЛ ќе соработува со Фудбалскиот сојуз на Србија, бидејќи нашата земја не ги исполнува условите да биде домаќин на сите натпревари на ЕУРО 2027 година“, соопштија од Тирана.
Подетални информации се официјализирани на веб-страницата на албанската куќа на фудбалот.
„По успешното домаќинство на првото финале на Конференциската лига на УЕФА во Тирана во 2022 година и добивањето на организацијата на ЕП за кадети во 2025 година, АФЛ бара да биде домаќин на уште еден голем европски фудбалски настан.
Албанија е еден од главните кандидати за домаќин на финалните натпревари на Европското првенство за млади репрезентации во 2027 година. АФЛ испрати барање до УЕФА Албанија да биде една од земјите-домаќини на завршниот турнир на ова натпреварување.
Бидејќи не се исполнети условите за бројот на стадиони потребни за нашата земја да биде домаќин на сите натпревари на Европското првенство, АФЛ ќе соработува со Фудбалскиот сојуз на Србија за заедничка организација на финалната фаза на ЕУРО 2027 година.
Ова е несомнено многу амбициозен проект, кој би ја ставил Албанија во центарот на фудбалското внимание на целиот континент“.
Фудбалскиот сојуз на Србија засега не се огласил по ова прашање.
Наскоро се очекува да пристигне потврда од Белград.
Спорт
Кубарси го продолжи договорот со Барселона – Откупната клаузула изнесува 500 милиони евра
Младиот шпански фудбалер Пау Кубарси (17) го продолжи договорот со Барселона до 2027 година, објави клубот. Откупната клаузула во договорот изнесува 500 милиони евра.
Пау Кубарси, кој беше вклучен во првиот тим од тренерот Чави Ернандез минатиот јануари, доживеа метеорски подем и се етаблира како стартер практично од своето професионално деби.
Каталонецот беше повикан во шпанската репрезентација по само десет одиграни натпревари во прифесионалната кариера, а веројатно ќе биде и во составот на Шпанија на Европското првенство во Германија.