Спорт
Филип Кузмановски се врати во Еурофарм Пелистер

Македонскиот репрезентативец Филип Кузмановски (27) до крајот на сезоната ќе го носи дресот на актуелниот шампион Еурофарм Пелистер.
Трансферот, клубот од Битола го потврди на социјалните мрежи. Претходно, сега веќе поранешниот клуб на Кузмановски, Вецлар, објави дека спогодбено се разделил со македонскиот репрезентативец.
„Ни претставува особена чест и задоволство да ја информираме јавноста дека од денес нов член на Еурофарм Пелистер е македонскиот репрезентативец Филип Кузмановски. Процесот на обединување на македонските репрезентативци и квалитетни странски засилувања продолжува и враќањето на нашиот поранешен член е одлука која оди во тој правец. Кузмановски е дете на Пелистер, сите ракометни чекори ги направи во Битола и доби афирмација во нашиот дрес“, објави клубот.
Кузмановски од Пелистер се пресели во Металург, кратко играше во Еурофарм Работник, па се одлучи за интернационална кариера. Кузмановски избра германски предизвик и ја искуси Бундеслигата. Една сезона го носеше дресот на Магдебург, па три сезони настапуваше за Хановер, а од јануари годинава го носеше дресот на Вецлар.
Филип Кузмановски наскоро ќе му се стави на располагање на стручниот штаб и неговото деби се очекува деновите во Суперлигата и Лигата на шампионите.
Официјалното претставување на Кузмановски како нов ракометар на Еурофарм Пелистер е закажано за понеделник 20 ноември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Усик го нокаутира Дубоа, стана апсолутен шампион во тешка категорија

Foto/EPA
Олександар Усик (38) стана апсолутен шампион во тешка категорија по втор пат во својата кариера. Го нокаутираше Даниел Дубоа во петтата рунда и ја забележа 24-та победа во професионалнаат кариера. Како и во првиот меч од 2023 година, Усик го победи Дубоа со нокаут и повторно ги обедини четирите големи титули во боксот.
Олександр Усик го нокаутираше Даниел Дубов во петтата рунда од борбата пред повеќе од 70.000 гледачи на стадионот „Вембли“ во Лондон.
Усик го контролираше ритамот од почетокот на мечот, а клучниот момент дојде во петтата рунда кога два пати го нокаутираше британскиот предизвикувач.
По вториот нокаут, Дубоа не можеше да стане, па судијата ја прекина борбата на 1:52 пред крајот на рундата.
Со оваа победа, 38-годишниот Украинец уште еднаш ја потврди својата доминација во тешка категорија.
USYK STOPS DUBOIS IN 5#UsykVsDubois pic.twitter.com/wKRAhiBghK
— Spinnin Backfist (@SpinninBackfist) July 19, 2025
Спорт
Де Брујне ќе ја носи „десетката“ на Марадона

Во Наполи, Кевин де Брујне ќе има чест да го носи „десетката“ на Марадона, која еднаш беше повлечена од употреба.
Белгиецот го коментираше овој потег на клубот, и како што вели не можел да поверува.
„Да ви ја кажам вистината, на почетокот бев малку изненаден, бидејќи бев убеден дека дресот е повлечен, но во секој случај ми е чест да го носам. Клубот навистина ме почести со тој гест, а во исто време ми даде и поголема одговорност“, рече поранешниот играч на Манчестер сити.
По 10 години, Де Брујне го напушти Манчестер сити и се пресели во Наполи, и како што наведува, нема да чувствува поголем притисок поради „десетката“ на грбот.
„Марадона е Марадона, еден од најголемите играчи на сите времиња, легенда на играта, синоним за Наполи. Благодарен сум и горд, но јас сум, јас. Ќе се обидам да ја завршам мојата работа тука најдобро што можам и се надевам дека ќе донесам радост во клубот и тимот, градот и навивачите“.
Спорт
Пјер-Емерик Обамејанг се врати во Марсеј

Сега е официјално. Искусниот напаѓач од Габон, Пјер-Емерик Обамејанг ја напушти Саудиска Арабија и тимот на Ал Кадиш по само една година и се врати во Франција.
Обамејанг веќе го носеше дресот на Марсеј во периодот од 2023 до 2024 година. Обамејанг потпиша двегодишен договор со францускиот гигант, тој беше голема желба на спортскиот сектор и тренерот Роберто Де Зерби.
Во својата кариера, Обамејанг го носеше дресот на Милан, Дижон, Лил, Монако, Сент Етјен, Дортмунд, Арсенал…
Foto/ EPA