Свет
Семејствата на киднапираните Израелци маршираат кон Ерусалим, го критикуваат Нетанјаху
Семејствата на Израелците кои Хамас ги држи како заложници денеска започнаа петдневен марш од Тел Авив до Ерусалим барајќи од владата да направи повеќе за да обезбеди нивно ослободување. Премиерот Бенјамин Нетанјаху се најде на удар на некои семејства затоа што не направи повеќе за да обезбеди ослободување на заложниците.
„Барам од Бенјамин Нетанјаху и од кабинетот да ни дадат одговори и да направат нешто“, рече Шели Шем Тов, чиј 21-годишен син Омер беше однесен во Газа пред пет недели. Се верува дека борците на Хамас зеле околу 240 заложници за време на нивниот напад врз јужен Израел на 7 октомври, а заробениците се на возраст од девет месеци до 85 години.
„Не се чувствувам како да сме во добри раце. Не се чувствуваме како да добиваме доволно информации. Ние сме во темнина. Сакаме одговори. Немам решение, но тоа не е мое работа да барам решение. Мојата работа е да го барам моето семејство назад“, рече Амит Зак, внук на 72-годишниот заложник Адин Моше.
Држејќи ги сликите од заробениците, толпата извикуваше „Донесете ги дома сега“.
Хамас досега ослободи четворица заложници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.
Свет
Трамп: Ако загубам во ноември, Евреите ќе изгубат многу
Поранешниот американски претседател и републикански кандидат на претстојните претседателски избори, Доналд Трамп, на настан во Вашингтон, чија цел е борба против антисемитизмот, изјави дека ако загуби во ноември, „Евреите ќе изгубат многу“.
„Нема смисла“, рече Трамп за Евреите кои гласаа за потпретседателката на САД и демократска кандидатка Камала Харис, објави Политико.
Трамп рече дека секој Евреин што гласа за неа треба да ја прегледа главата.
Регион
(Видео) Maж падна од опасна карпа на Паг и почина, спасена алпинистка
При искачување на опасна карпа на Паг, еден маж почина, а една жена беше спасена во голема операција на хрватската служба за спасување.
„Добивме пријава во 13 часот и 32 минути дека две лица наводно се качувале на карпа кај Метајна. Едното лице паднало и починало. Другото е на карпата. Засега не може да им се пристапи од копно“, рекоа од полицијата.
Покрај полицијата, на местото на настанот има и други служби за итна помош – брза помош, пожарникари.
Малку по 17:00 часот од карпите е спасена жена, откако спасувачите со чамци се приближиле до карпата од морската страна.