Македонија
Мицкоски од Битола: Следните избори се референдумска одлука, да победиме со 61 пратеник за реформи, за проекти и трансформација и просперитетна Македонија
Денеска сме тука како резултат на теренската акција која ја спроведуваме низ Македонија, разговаравме со многу групи на битолчани, со здравствени работници, со луѓе од РЕК Битола со енергетичарите, разговаравме што не чини и што е важно во програмата на ВМРО-ДПМНЕ да се најде за дел од овие работи да бидат коригирани, изјави претседателот на ВМРО-ДПМНЕ на средба со граѓаните од Битола во рамки на кампањата „Важно е! Од тебе зависат промените!“.
Мицкоски истакна дека ВМРО-ДПМНЕ преку средби со граѓаните ги слуша нивните очекувања кои потоа ќе се најдат во идната програма на ВМРО-ДПМНЕ и како идна влада ќе ги реализира, но посочи дека нема да се ветуваат чуда, туку проекти кои навистина ќе се исполнат.
– Ние одбравме да чекориме тешко, но одбравме да чекориме пат кој нема да биде срамен. Сега целта се гледа јасно, светлото на крајот на тунелот се гледа. Кога ни велеа дека е невозможно тоа што го правиме, кога ни велеа дека некој друг одлучил поинаку, дека е попуста борбата, ние не се откажавме. Стоевме на нозе и се боревме заедно со народот кој беше нашиoт мотив. Како резултат на таа борба се случи оној историски резултат во 2021 кога постигнавме двојна историска победа, но тоа е само почеток, рече Мицкоски.
Тој потенцираше дека крајната цел е победа на следните двојни избори, претседателските и парламентарните избори.
– Веста која сакам да ја кажам е одлична, а тоа дека кандидатот на ВМРО-ДПМНЕ ќе победи убедливо на претседателските избори, а ВМРО-ДПМНЕ и коалицијата убедливо ќе победат на парламентарните избори. Нема веќе сила која тоа ќе го спречи. Народ никој не победил. Важно е таа победа да биде историска, да биде со 61 пратеник, таква победа ни е потребна за реформи, за проекти за трансформација на Македонија, изјави Мицкоски.
Претседателот на ВМРО-ДПМНЕ посочи дека во периодот кој следи ќе приоѓаат секакви луѓе кои ќе ветуваат се и сешто, а тие се опозиција на опозицијата, платени се да бидат тоа, и оној момент кога заминат од средбата ги бројат жолтиците на оние кои ги плаќаат, а тоа владата на ДУИ и СДС.
– Следните избори не се избори во кои ќе се профилира треба опција, следните избори се избор помеѓу ВМРО-ДПМНЕ и коалицијата и Али Ахмети, Артан Груби, Бујар Османи, Миле Зечевиќ. Димитар Ковачевски, Бојан Маричиќ. Секој кој ќе кажува дека бирате трет пат, тој сака само да ги раздели антивладините гласови и да ја клекне Македонија. Заедно да не дозволиме, заедно 61 пратеник во македонскиот Парламент, нагласи Мицкоски.
Мицкоски додаде дека следните избори се помеѓу оние кои денеска ги натераа нашите дедовци и баби да протестираат затоа што не можат месецот да го поминат со своите пензии и оние кои во минатото ги покачуваа пензиите и ќе продолжат да ги покачуваат.
– Следните избори се избор помеѓу оние кои сакаат да му стават катанец на РЕК Битола и 4.000 семејства да ги остават на улица и оние кои имаат план за модернизација и РЕК Битола да продолжи да работи и да носи приход, модернизиран со сите еколошки стандарди. Следните избори се за оние кои денеска ги оставија земјоделците на питачки стап, оние кои денеска ниту исплаќаат субвенции ниту обезбедуваат откуп по достоинствени цени и оние кои воведоа сигурен откуп, субвенции и имаат план како да го развијат земјоделството, посочи тој.
Мицкоски изјави дека изборот е помеѓу оние кои ги оставија нашите деца без учебници и оние кои во минатото обезбедија бесплатно студирање и бесплатни учебници.
– Изборот е помеѓу оние кои распродадоа македонскиот идентитет, достоинство, оние кои прифатија бугарски диктат и ја клекнаа Македонија на колена и оние 44 јунаци дел од пратеничката група на ВМРО-ДПМНЕ и коалицијата кои и покрај сите притисоци останаа достоинствени и ја бранат Македонија. Следните избори се референдумска одлука за Македонија, како сакаме да ја гледаме Македонија. Дали сакаме да ја гледаме осиромашена и засрамена или Македонија просперитетна, европска и држава која се грижи за сите свои граѓани. Ова е единствената можност да покажеме дека тогаш кога било најтешко Македонскиот народ се обединил и застанал заедно со ВМРО-ДПМНЕ кое е идентитетот на македонскиот народ, изјави Мицкоски пред битолчани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сиљановска-Давкова ги прими акредитивите на новоименуваната амбасадорка на Словачка, Ивета Хрицова
Претседателката Гордана Сиљановска-Давкова денеска на свечена церемонија ги прими акредитивните писма на новоименуваната амбасадорка на Република Словачка, Ивета Хрицова.
Таа ѝ посака добредојде и успех во извршувањето на дипломатската мисија, истакнувајќи подготвеност за соработка.
Соговорничките потсетија дека двете држави ги обединува наследството на Светите браќа Кирил и Методиј, како и тридецениските пријателски односи.
Претседателката се заблагодари за континуираната и гласна словачка поддршка за македонските надворешнополитички цели, особено за членството во ЕУ, како и за сојузништвото во НАТО во регионалните и глобалните безбедносни прашања. За неа, отворањето на македонската амбасада во Братислава во 2021 година е важен придонес за унапредување на билатералното партнерство.
Амбасадорката Хрицова потенцираше дека Словачка останува силен и искрен поддржувач на евроинтеграцискиот пат на земјава и изрази уверување дека ЕУ мора да најде решение за да ги отвори вратите за прием на нови членки. Таа вети унапредување на политичките односи и отворање нови можности за соработка во економијата, културата, образованието и одржливиот развој. Според неа, јакнењето на односите меѓу студентите, уметниците, претприемачите и заедниците е основата на вистинската дипломатија.
Во претстојната официјална посета на словачкиот претседател Петер Пелегрини на земјава, обете препознаваат ново поглавје во билатералните односи, што ќе ги поттикне политичкиот дијалог и економската соработка.
Говорејќи за силните културни врски меѓу двете држави, претседателката потсети на словачкиот поет Иван Штрпка, добитник на „Златниот венец“ на годинешното издание на Струшките вечери на поезијата, за што амбасадорката изрази големо задоволство.
Македонија
Претседателот на Собранието Гаши се сретна со амбасадорот на Унгарија, Андраш Клеин
Претседателот на Собранието на Република Северна Македонија, Африм Гаши, денеска во Собранието се сретна со амбасадорот на Унгарија, Андраш Клеин.
На средбата претседателот Гаши изрази благодарност до пријателска Унгарија за поддршката на патот кон Европската Унија за нашата држава, истакнувајќи ја и финансиската помош на Владата на Унгарија која се вложува во подобрување на инфраструктурата и напредок на капиталните проекти.
Амбасадорот Клеин се заблагодари за средбата и му врачи на претседателот Гаши покана од претседателот на Националното собрание на Унгарија, Лало Ковер, за Конференцијата на претседатели на земјите на Југоисточна Европа, што ќе се одржи во Будимпешта во ноември.
Претседателот Гаши се заблагодари за поканата и ја истакна Конференцијата како можност за средби и размени на мислења со унгарскиот колега и хомолозите од Југоисточна Европа, како форум во полза на развој на мултилатералната и билатералната соработка, како и напредок во процесот на интеграција во Европската Унија за земјите кандидати.
Претседателот Гаши и амбасадорот Клеин разменија мислења и за актуелните теми, како што се претстојните локални избори, регионалните настани и иницијативи, како и геополитичките настани во Европа и светот.
Соговорниците се заложија за интензивирање на контактите и соработката на парламентарно ниво на сите нивоа.
Македонија
„И врапчињата знаат дека ДУИ раководи со Дрисла, ѓубрето во Скопје и состојбата во Дрисла е резултат на неспособноста на Арсовска и нејзините другари од ДУИ“, велат од ВМРО-ДПМНЕ
„На сите им е јасно кој раководи со јавните претпријатија во град Скопје. Дури и врапчињата знаат дека конкретно со Дрисла раководи ДУИ. Дрисла, ѓубрето во Скопје и состојбата во Дрисла е резултат на неспособноста на Данела Арсовска и нејзините другари од ДУИ“, велат од ВМРО-ДПМНЕ.
„Граѓаните на Скопје не се виновни за хаосот што го прави Арсовска и Скопје не смее да биде заложник на Арсовска и коалицијата СДС-ДУИ-Левица.
Време е да се стави крај на црните сценарија, фабрикуваните кризи и штетни сценарија за граѓаните на Скопје од страна на коалицијата Арсовска-ДУИ-Левица.
Граѓаните на Скопје не смеат да бидат заложници на Арсовска и неспособните кадри од ДУИ. СДС треба да знаат, граѓаните не се наивни, граѓаните знаат кој ветува а кој исполнува.
ВМРО-ДПМНЕ има јасна визија, план и цел, ќе го решат овој проблемот со депониите за граѓаните конечно да го добијат она што го заслужуваат, а тоа е почиста животна средина, почист воздух и намалување на бројот на дивите депонии.
ВМРО-ДПМНЕ и Орце Ѓорѓиевски имаат сеопфатна стратегија за почиста животна средина, почист воздух и поквалитетен живот на граѓаните“, соопштуваат од ВМРО-ДПМНЕ.
„Ќе бидеш моја или ќе бидеш мртва“ – Росица сведочела за заканата од Илија кој подоцна ја уби
Обвинителството го објави записникот од испитувањето на Росица Коцева (31) од Велес, даден на 9 септември годинава, само неколку дена...
Јас не сум од вчера во политиката, Левицата фрли гума за спасување на ДУИ со кандидатите во Струга, Гостивар и во Тетово, вели Мицкоски
Партијата Левица предложи кандидати за градоначалници во Струга, Гостивар и во Тетово само за да ги раслои анти-ДУИ гласовите во...
Обвинителството испитува одговорност за големиот пожар во Трубарево, утре увид на терен
Утре, ќе почне увидот на самото место за причините за големиот пожар во Трубарево. Увидните екипи ќе работат под координација...
Подметнување пожар ќе биде тероризам, а фрлање отпад на недозволени места ќе се казнува со затвор над пет години, Мицкоски најави итни законски измени
Премиерот Христијан Мицкоски, денес, при посетата на Јегуновце најави законски измени со кои најстрого ќе се казнува подметнување пожар и...
Идентификувани 20 лица осомничени за подметнување пожари во Скопје
Премиерот Христијан Мицкоски денес изјави дека дваесетина лица се идентификувани како осомничени за серијата подметнати пожари во Скопје. Според него,...
Пред убиството Росица го пријавувала Стефановски за насилство и непочитување на забраната за приближување, го запалил и автомобилот на татко ѝ
Против Илија Стефановски, осомничен за убиството на Росица Коцева (31) и на татко ѝ Киро Коцев (68) во Велес, претходно...
Намалена активната транспарентност на Владата и на министерствата, најмалку информации има за финансиите, објави Центарот за граѓански комуникации
Центарот за граѓански комуникации го објави редовното годишно рангирање на институциите според Индексот на активна транспарентност, односно според активното објавување...
Синоќа повторно предизвикан пожар на „Дрисла“
Синоќа, пред 23 часот, повторно беше предизвикан пожар на депонијата „Дрисла“, на сосема друго место, подалеку од местото што беше...
Рубио: Трамп е единствениот лидер што може да разговара со Русија, Украина и со Европа
Американскиот претседател Доналд Трамп би можел да се сретне со украинскиот лидер Володимир Зеленски следната недела во Њујорк, објави американскиот...
„Марш за ангелите” во Кочани и мирен протест во Скопје: шест месеци од трагедијата во дискотеката „Пулс“
Денеска се навршуваат шест месеци од трагедијата во дискотеката „Пулс“ во Кочани, во која животот го загубија 62 млади лица....
Изгаснат тежок пожар пред Пинтија, под контрола се пожарите на „Дрисла“ и во Трубарево, активен пожарот на Кожуф
Рано утрово пред 4 часот избувна тежок пожар во сервис за возила пред Пинтија (над „Стакларата“ на местото наречено Каменик)...
Мицкоски треба да одговара за ширење страв и паника по признанието на Тошковски дека нема центри на моќ зад пожарите, велат од СДСМ
Панче Тошковски во интервју призна дека нема осомничени дека одреден центар на моќ влијаел да се подметне пожарот во Трубарево...
Зеленски до Трамп: Покажете јасен став и сопрете го Путин
Украинскиот претседател Володимир Зеленски го повика Доналд Трамп да заземе јасна позиција за да го запре Владимир Путин и да...
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
