Спорт
(Видео) Јокиќ пресилен за Клиперси, Индијана ја запре Филаделфија, тепачка во Сан Франциско
Неколку интересни натпревари се одиграа изминатата ноќ во НБА лигата. Денвер победи, Далас доживеа пораз, Индијана ја запре победничката серија на Филаделфија, а Минесота славеше седми пат во низа, откако имаше и „фрка“ на паркетот меѓу Томпсон и Мекданиелс, односно Грин и Гобер.
Денвер салвеа над ЛА Клиперс со 111:108. Нагетс ја забележаа деветтата победа во 11. натпревар сезонава, додека Клиперси го запишаа петтиот пораз по ред откако Џејмс Харден му се приклучи на овој тим.
Повторно блескаше Никола Јокиќ со 32 поени, 16 скока и девет асистенции. Пол Џорџ се истакна кај Клиперси со 35 поени, Харден уфрли 21, Каваи Ленард 15.
Далас запиша тежок пораз од Њу Орлеанс Пеликанс 101:131. Мечот го обележа лошата игра на Лука Дончиќ и Кајри Ирвинг. Дончиќ постигна 16, а Ирвинг поен повеќе, но заедно погодија само 11 од 29 шута.
Минесота е во победничка серија. Повторно славеа во дуелот со Голден стејт Вориорс 104:101. Работата им беше олеснета бидејќи мечот го пропушти Стеф Кари.
Овојпат Карл-Ентони Таунс ја предводеше глутницата на „волците“ со 33 поени, Ентони Едвардс кој пред неколку дена го уништи Голден Стејт додаде 20 поени. Инаку, мечот го одбележа тежок инцидент, прво се вклучија Клеј Томпсон и Мекданиелс, па почна тепачка, Дрејмонд Грин за гуша го фати Гобер, на крајот сите беа исклучени.
THINGS GETTING CHIPPY BETWEEN THE WARRIORS AND THE TIMBERWOLVES ALREADY 😱
Draymond Green had Rudy Gobert in a chokehold 😳pic.twitter.com/GRqleoD3e7
— ClutchPoints (@ClutchPoints) November 15, 2023
Индијана стави крај на победничјата серија во која беа кошаркарите на Филаделфија. Пејсерси победија со 132:126. Тајрис Халибартон постигна 33 поени, имаше 15 асистенции, засилувањето од Никс, Оби Топин додаде 27 поени. На домашните не им помогнаа ниту 39 поени на Ембиид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Атлетико во 90.минута до триумф над Лајпциг, Барса со играч помалку падна во Момте Карло
Атлетико Мадрид, Монако и дебитантот Брест славеа во првото коло во Лигата на шампионите, додека Аталанта и Арсенал одиграа натпревар без голови. Атлетико, Монако и Брест со идентични 2:1 забележаа победи над Лајпциг, Барселона и Штурм.
На „Сивитас Метрополитано“, Атлетико на погонот на Гризман го победи Лајпциг. Херој е дефанзивецот Хименез кој постигна гол по центаршутот на Гризман во 90.минута.
Претходно Лајпциг ги шокира домашните навивачи беќе во четвртата минута кога Шешко го совлада репрезентативниот колега Облак.
Тоа беше се од Лајпциг на овој натпревар се до 80.минута кога добра шанса имаше Поулсен.
Атлетико доминираше и впечатокот е дека многу порано играчите на Чоло Симеоне можеа да го решат прашањето околу конечниот победник.
Две добри шанси имаа до израмнувачкиот гол (Гризман и Кореа), а во 28.минута Гризман од 11 метри фати полуволеј и ја смести топката зад грбот на Гулаши.
Македонскиот репрезентативец Елмас на теренот влезе во 83.минута на местото на Чави Симонс.
Во Монте Карло, Монако и го нанесе првиот пораз оваа сезона на Барселона. Натпреварот на стадионот „Луј II“ го следеше легендарниот Мајкл Џордан.
Michael Jordan in the house! 🐐#MonacoBarça pic.twitter.com/Ud4ntPfHUO
— FC Barcelona (@FCBarcelona) September 19, 2024
Работата на домашните им ја олесни Ерик Гарсија кој во 10.минута доби црвен картон. Шест минути подоцна Монако дојде до предност кога Акелијуше го совлада Тер Штеген. Барселона успеа да се врати во натпреварот во 28.минута кога Ламин Јамал соло акцијата ја заврши со гол.
Овој резултат беше активен до 72.минута кога Леникена го искористи совшеното додавње од 50 метри на Вандерсон излезе сам пред Тер Штеген и погоди за 2:1.
Брест деби настапот во Лигата на шампионите го заврши со победа. Историскиот прв гол за овој тим во елитното натпреварување го постигна Магнети во 23.минута. Изедначи на истекот на првиот дел Фернадеш кој си постигна авто-гол. Победата на Брест му ја обезбеди Сима во 56.минута.
Спорт
(Видео) Бенфика на турски погон победи во Белград, Баер го декласира Феенорд
Бенфика и Баер Леверкузен со победи стартуваа во новата сезона во Лигата на шампионите.
Бенфика славеше во Белград против Црвена звезда со 2:1, а Леверкузен рутински го порази Феенорд со 4:0.
Црвена звезда ја надигра Бенфика во Белград, но победата ја однесе тимот од Лисабон. Лошите десет минути од почетокот на мечот ја однесоа Црвена звезда во пораз.
Актуркоглу во деветта минута ја искористи бавната реакција на Круниќ. Од тј момент домаќинот притисна, но налетот го одби Кокчу со перфектно изведен слободен удар.
Во вториот дел црвено-белите притискаа, го надиграа и наттрчаа противникот, но успеаја да постигнат само еден гол, во 86.минута кога погоди Милсон.
Германскиот првак Баер Леверкузенза едно полувреме го декласира Феенорд во Ротердам. Два гола постигна Вирц, еден Грималдо, а како шлаг на победата дојде комичниот авто-гол што си го постигна голманот на Феенорд.
Спорт
Рикиардо би можел да го напушти тимот по ГП во Сингапур
Возачот на РБ, јуниорскиот тим на Ред Бул, Даниел Рикиардо изјави дека не е сигурен дали ќе остане во тој тим до крајот на сезоната во Формула 1 по трката во Сингапур.
Договорот на Рикиардо истекува на крајот од сезоната, но има шпекулации дека по неделната трка во Сингапур, тој би можел да биде заменет со Лиам Лосон во последните шест трки од сезоната на тимот РБ.
„Знам како е и како оди и знаев дека ќе има некои датуми и датуми оваа година, без разлика дали е летниот распуст или сега по Сингапур. Мислам дека има уште многу неизвесност. Ќе видиме како ќе помине викендот Ќе дадам се од себе, за се што имам секогаш има за што да се борам, планот е да се обидам да стигнам до подиумот“, изјави Рикиардо.
35-годишниот австралиски возач се врати во Формула 1 кон средината на минатата сезона со РБ, но не успеа да се врати во добра форма и сега е 14-ти во генералниот пласман кај возачите, со 10 поени помалку од тимскиот колега Јуки Цунода.
Запрашан дали трката во Сингапур може да биде негова последна, со оглед на условите на договорот, Рикиардо рече дека не мисли така.
„Но, јас исто така не сакам да почнам овде и да бидам адвокат. Би одговорил на прашањето – не, но знаеме како функционира овој спорт. Не сакам да кажам дека останувам и „100 проценти се обложувам на тоа Она што е лудо во врска со овој спорт е дека ако сум на подиумот овој викенд, веројатно ќе бидам еден од најпопуларните“, рече тој.
Рикиардо додаде дека работите брзо се менуваат во Формула 1, дека е свесен дека ситуацијата се вжештува, но дека ќе се концентрира на своите перформанси и ќе даде се од себе.
Големата награда на Сингапур се вози во недела од 14 часот.