Спорт
Мацари е само преодно решение, Тудор од наредното лето ќе биде тренер на Наполи

Валтер Мацари, го наследи Руди Гарсија на клупата на Наполи. По 10 години Мацари се врати во градот под Везув. Тој прифати да потпише договор до крајот на сезоната, понуда која претходно ја одби првиот кандидат за тренер Игор Тудор.
Откако беше назначен на функцијата, француските медиуми обкавија дека Мацари сепак ќе иде само преодно решение. Ќе го предводи тимот до завршувањето на сезоната, а потоа на „Диего Арманод Марадона“ стадионот ќе пристигне 45. годишниот Тудор.
„Лекип“ пишува дека Тудор со првиот човек на Наполи, Аурелио Де Лаурентис, веќе договорил две годишна соработка.
Според овој извор, до крајот на сезоната, Тудор треба детално да го следи тимот за да дознае како најдобро ќе се подготви за следната сезона, но и кои позиции би сакал да ги засили, односно на кои играчи е им се заблагодари.
Тудор отстана без работа по завршувањето на минатата сезона кога го напушти Олимпик Марсеј. Работата во Наполи би била круна на неговата досегашна тренерска кариера во која ги водеше и Хајдук, ПАОК, Удинезе, Карабукспор, Верона и Галатасарај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.