Спорт
(Видео) Дебакл на БиХ во Луксембург, Словачка избори пласман на Евро 2024

Фудбалската репрезентација на Словачка избори пласман на ЕП во Германија. Претходно од Ј групата пласман на континеталниот собир избори Португалија.
Словаците вечерва во Братислава го победија Исланд со 4:2.
Гостите поведоа преку Оскарсон во 17. минута, но Словаците експресно направија пресврт, со головите на Кука во 30., Дуда од пенал во 36. минута. Победата на Словачка и ја обезбеди Хараслин со два гола во 47. и 55. минута. Конечниот резултат го постави Гудјонсен во 74. минута.
Словачка трет пат по ред ќе игра на ЕП.
Луксембург по втор пат во овој циклус ја победи Босна и Херцеговина, овојпат на домашен терен со резултат 4:1. Босанците без Џеко и Пјаниќ доживеаја тежок пораз.
Стрелци за домашниот тим беа Олесен во шестата, Родригез во 30. Мујакиќ, кој си постигна автогол во 55. минута и повторно Родригез во 95. минута. Ренато Гојковиќ во 94. минута ја затресе мрежата на Луксембург.
Селекторот Саво Милошевиќ ќе има многу работа во обидот да го подготви својот тим за мартовскиот бараж од Лигата на нации, бидејќи апсолутно ништо не функционира во играта на Босна.
Португалија само во вториот дел работеше во Лихтенштајн и го совлада домаќинот со 2:0. Роналдо погоди во 46. минута, а Кансело во 57. го удвои водството.
Европскиот шампион од 2016 година во групата ги забележа сите девет победи.
Во Г групата, Црна Гора ја победи Литванија и ги задржа теоретските шанси за пласман на ЕП. Куч и Јоветиќ беа стрелци на головите во победата 2:0.
Црна Гора во последното коло мора да ја победи Унгарија и во исто време да чека пораз на Србија од Бугарија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Партизан ја освои АБА лигата

Кошаркарите на Партизан ја победија Будуќност од Подгорица во четвртиот натпревар од финалето на АБА лигата и ја освоија шампионската титула.
Партизан против Будуќност победи со 90:75 и ја освои рекордната осма шампионска и повторно стана најтрофејниот тим во историјата на АБА лигата. На тронот црно-белите го наследија градскиот ровал Црвена звезда.
Партизан од средишницата на втората четвртина ја презеде контролата и врз играта и врз резултатот. Будуќност во ниту еден момент не успеа да му се закани на новиот шампион.
Брендон Дејвис беше најефикасен со 18 поени и 4 скока, додека Стерлинг Браун имаше 18 поени, 2 скока и 3 асистенции, а Карлик Џонс 17 поени, 4 скока и 9 асистенции. Двоцифрени со по 13 поени беа и Исак Бонга и Ифе Лундберг.
На другата страна, 23 поени постигнаа Јоги Ферел, 14 Никола Танасковиќ, а по 11 Кенан Камењаш и Рашид Сулејмон.
Спорт
Нов Хрват во Реал Мадрид? Чаби Алонсо навистина „загриза“

Реал Мадрид без хрватскиот играч стана речиси незамислив. Лука Модриќ си заминува, а Анте Будимир би можел да дојде на „Сантијаго Бернабеу“.
Според шпанските медиуми, Чаби Алонсо е сериозно заинтересиран да го доведе напаѓачот на Осасуна.
Секако, „кралскиот клуб“ сака да оди што е можно поевтино, па се разгледува опцијата за активирање на откупната клаузула од 20 милиони евра, но Реал би сакал и таа да се намали.
Планот е во договорот да се вклучи млад фудбалер од академијата на Мадрид, како што се Јакоб Рамон или Лорен Агуада.
Будимир би бил воодушевен да игра за Реал Мадрид, клуб кој го смета за најдобар во светот, а Чаби Алонсо исто така „загриза“ да го доведе.
За многумина е чудно што Реал сака 34-годишен играч, но Хрватот наводно би прифатил да биде резерва и да игра од клупата, како што направи Хоселу минатата сезона кога ја освоија Лигата на шампионите.
Оваа сезона, Будимир постигна 21 гол во Ла Лига и додаде три асистенции. Во Купот на Кралот има уште три гола.
Спорт
Никој не е заинтересиран за Светското клупско првенство, дури ни Меси не сакаат го гледаат

Низок интерес за натпреварите од Светското клупско првенство во САД.
Според светските медиуми, ФИФА е сериозно загрижена за нискиот интерес на навивачите за Светското клупско првенство. Затоа одлучи повторно да ги намали цените на билетите.
Пред два дена беше објавено дека за првиот натпревар од отворањето на натпреварувањето се продадени помалку од 25.000 билети.
Првиот натпревар ќе се игра на стадионот „Хард Рок“ во Мајами, со капацитет од 64.767 седишта. Ривали се домашниот тим Интер Мајами и египетскиот Ал Ахли од Каиро.
За потсетување, Интер е дом на големи светски ѕвезди како што се Аргентинецот Лео Меси, Уругваецот Луис Суарез, Шпанците Серхио Бускетс и Жорди Алба…
🚨 FIFA are seriously concerned about poor fan interest in the Club World Cup and have slashed ticket prices again. 🎟️
Fewer than 25,000 tickets have been sold for the opening match. 😳
(Source: @TheAthleticFC) pic.twitter.com/8HlxKycCN9
— Transfer News Live (@DeadlineDayLive) June 10, 2025
Светското клупско првенство на ФИФА ќе се одржи од 14 јуни до 13 јули. Ќе учествуваат 32 екипи од шест континенти (конфедерации). Натпреварите ќе се играат во 11 градови на 12 стадиони.
Натпреварите од Светското клупско првенство на ФИФА во 2025 година ќе се одржат во државите Њу Џерси, Шарлот, Синсинати, Лос Анџелес, Мајами, Нешвил, Орландо (два стадиони), Филаделфија, Сиетл, Вашингтон и Атланта.