Свет
(Видео) Израел објави снимка од тунелот во близина на болницата; Хамас: Тоа е лага

Канцеларијата за медиуми на Газа, управувана од Хамас, вчера негира дека има команден центар во болницата „Ал Шифа“ и ги нарече тврдењата на Израел неосновани лаги. Хамас го обвини Израел дека прикажува „лажни сценарија, измислени наративи и искривени информации“ за медицинскиот комплекс „Ал Шифа“.
Вчера, израелската армија објави видео со кое потврдува дека во болничкиот комплекс е пронајден отвор на тунел. На видеото се гледа дупка во земјата опкружена со песочна почва, скршени парчиња метал и расфрлан бетон, пишува Си-ен-ен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.
Регион
Млад човек уапсен во Далмација за силување и детска порнографија

Окружното државно обвинителство во Сплит отвори истрага против 25-годишен хрватски државјанин под сомнение за силување и повеќе кривични дела на детска порнографија.
Според соопштението од државното обвинителство, мажот е осомничен дека ги сторил овие кривични дела во 2024 и почетокот на 2025 година во Сплитско-далматинската жупанија. Тој е обвинет за силување согласно член 153 став 1 од Кривичниот законик и повеќе кривични дела детска порнографија согласно член 163 став 1 и 2.
По сослушувањето на осомничениот, Окружното државно обвинителство му предложи на истражниот судија да му биде одреден притвор поради можноста за влијание врз сведоците и ризикот од повторување на кривичното дело. Судијата го прифати предлогот и му одреди притвор врз основа на законски основи согласно член 123 од Законот за кривична постапка.
Свет
108 камиони со храна и брашно влегоа во Газа

Израелската агенција за координација на активностите на палестинските територии (COGAT) денес објави дека 108 камиони со хуманитарна помош што превезуваат брашно и храна влегоа во Појасот Газа.
Некои од камионите беа транспортирани до нови места за дистрибуција на помош управувани од Хуманитарната фондација Газа (GHF), која е поддржана од Израел и САД.
Помошта поминала инспекција од страна на израелските власти пред да влезе во Газа преку преминот Керем Шалом, каде што голем број камиони сè уште чекаат, објавува „Тајмс оф Израел“.
Израел ја продолжи испораката на помош за Газа на 19 мај, по пауза од повеќе од два месеци, и оттогаш 1.459 камиони влегле во палестинската енклава.
Обединетите нации и другите хуманитарни агенции наведуваат дека ова не е доволна количина помош за 2,1 милиони жители, предупредувајќи на ширењето на гладот во окупираната енклава и критикувајќи ја новата фондација за помош бидејќи е под контрола на Израел, објавува „Танјуг“.