Спорт
(Видео) По седум години, Аргентина загуби квалификациски натпрвар дома – Уругвај победи среде Буенос Аирес
Аргентина е поразена од Уругвај на „Бомбонера“ во Буенос Аирес во натпреварот од 5. коло од јужноамериканските квалификации за Светското првенство. По седум години Аргентина загуби квалификациски натпревар на домашен терен. Воедно ова прв пораз на актуелниот шампион по речиси една година и пораз од 2:1 од Саудиска Арабија на стартот од СП во Катар. На натпреварот дојде до конфликт меѓу играчите, а голема улога имаше Лионел Меси.
Голманот Емилијано Мартинез не прими гол цели 751 минута, поточно од Мундијалот и финалниот меч со Франција, а Аргентина по 24 одиграни првпат не постигна гол.
На „Бомбоњера“ се беше подготвено за победа, атмосферата беше одлична, но Уругвај имаше поинаква визија.
Водечкиот гол за гостите го постигна Роналд Араухо во 41. минута.
На три минути пред крајот на мечот, напаѓачот на Ливерпул, Дервин Нуњез постигна гол и ги расплака Лео Меси и сите на стадионот.
Инаку, натпреварот го одбележа инцидент меѓу играчите, кој започна со расправија меѓу Матиас Оливеира и Родриго де Поло.
Лионел Меси ги шокираше сите кога реши да се вклучи во конфликтот, притрча до Оливеира, го удри со лакт, а потоа со левата рака го фати за врат.
Главен судија на натпреварот беше Колумбиецот Вилмар Ролдан, кој реши да не реагира, па за многумина најдобриот фудбалер на сите времиња остана неказнет за својот потег.
По поразот, Меси пред камерите го коментираше конфликтот на теренот и непристојниот гест на Уругваецот Мануел Угарте кон Родриго Де Пауло, на кого му порача да продолжи орално да го задоволува Меси, а потоа тоа и го покажа.
„Можеби е подобро да не го кажувам она што го мислам, но овие млади луѓе треба да научат да ги почитуваат постарите“, изјави Меси во коментарот на тој гест.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.