Спорт
(Видео) Македонија губи 3:0 на „Олимпико“, еден гол на Дармијан и два на Киеза
![](https://makfax.com.mk/wp-content/uploads/2023/11/11844471.jpg)
Foto/ EPA
Италија и Македонија во овие моменти играа на „Олимпико“ во Рим, во квалифиакциите за пласман на Европското првенство во Германија. По првото полувреме, во кое Македонија не покажа ништо, Италија води 3:0.
Од самиот почеток „Азурите“ го диктираат темпото, го имаат поседот на своја страна (76 отсто), постигнаа гол во 12.минута, кој беше поништен поради недозволената позиција на Распадори.
Сепак македонската одбрана капитулираше пет минути подоцна. Корнер од левата страна доби Италија, комбинираа Димарко и Распадори, кој упати центаршут, а лошата поставеност на нашата одбрана ја искористи Дармијан.
Фудбалерот на Интер го постигна вториот гол во националниот тим.
Matteo Darmian’s goal for Italy against North Macedonia. 🇮🇹⚽️ pic.twitter.com/pQnH1NjXwe
— Inter Xtra (@Inter_Xtra) November 17, 2023
Ниту по примениот гол македонските фудбалери не го сменија пристапот кон играта. Италија без проблем го контролира поседот и ритамот на натпреварот.
Во 38. минута Серафимов несмасно интервенираше, топката го погоди в рака. Пеналот во 40.минита го изведе Жиржињо, но неговиот удар го одбрани Димитиревски.
🚨🚨| Jorginho MISSES the penalty.
— CentreGoals. (@centregoals) November 17, 2023
Но веќе во следниот напад Италија ја зголеми предноста. Одново нашата одбрана беше лоша поставена, Барела му асистираше на Киеза кој од 20 метри ја испрати топката зад грбот на Димитриевски.
¡GOOOOL! Federico Chiesa scores for Italy! 🔥pic.twitter.com/xBvTPqfS0k
— Max Statman (@emaxstatman) November 17, 2023
До крајот на полувремето, Италија поточно Киеза постигна уште еден гол. Во 46.минута, напаѓачот на Јувентус упати удар, топката го закачи Манев, доби чудна патека и заврши во голот.
GoaL! | Italy 3-0 North Macedonia | Federico Chiesa pic.twitter.com/Q4YvQOoryZ
— Larex sports (@npaakmph) November 17, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(ВИДЕО) Среќата е на негова страна
![](https://makfax.com.mk/wp-content/uploads/2024/06/1639321549-Max-Verstappen-scaled-e1639321570945.jpg)
Актуелниот трикратен светски шампион во Формула 1, Холанѓанецот Макс Ферстапен изјави дека и следната сезона ќе вози за Ред Бул.
„ Да, работиме на болидот за следната сезона. А кога сте фокусирани на тоа, значи дека возите за тој тим“, изјави Ферстапен.
Холандскиот возач има договор со Ред Бул до 2028 година.
Некои медиуми објавија дека Ферстапен следната година би можел да го замени Луис Хамилтон во тимот на Мерцедес, кој на крајот од сезоната се сели во Ферари.
„Се разбира, луѓето кажуваат секакви работи, но најважно е што имаме многу конкурентен болид за иднината. Работиме и се фокусираме на следната сезона за да се обидеме повторно да бидеме конкурентни“, изјави возачот на Ред Бул.
Ферстапен моментално е на првото место во генералниот пласман на возачи со 219 бодови. Следната трка во Ф1 шампионатот ќе се вози на 30 јуни за Големата награда на Австрија.
Спорт
Милиони за канадскиот кошаркар Мареј
Канадскиот кошаркар Џамал Мареј доби нов договор од Денвер Нагетс.
Соиграчот на Никола Јокиќ ќе добие 209 милиони долари од поранешниот шампион во НБА во следните четири години.
Тоа е максимален договор за поранешниот студент од Кентаки кој минатата сезоната имаше просек од околу 21 поен, 6 асистенции и 4 скока.
Мареј беше избран од Нагетс на драфтот во 2016 година од седмата позиција и во 2023 година беше дел од тимот кој стана шампион во НБА.
Спорт
Монако со ново засилување
Монако претстави ново засилување, а тоа е Вито Браун, поранешниот кошаркар на Пинар Каршијака.
Браун, кој ги покрива крилните позиции на центарот, потпиша двегодишен договор со тимот на Саша Обрадовиќ, а следната сезона во Евролигата ќе биде негово деби.
Досега имаше искуство само во европските натпреварувања во Лигата на шампионите на ФИБА.
Кариерата ја изгради преку развојната лига во Америка, а потоа замина во Европа, каде играше за Ле Ман, а потоа и за Реал Бетис.
Во Пинар Каршјак пристигна во 2022 година, каде запиша две солидни сезони. Во Лигата на шампионите на ФИБА, тој имаше просек од 13,3 поени со 4,6 скока.
Монако досега го доведе само Ник Калатес, но исто така направи добра работа во тимот бидејќи Мајк Џејмс и Џејрон Блосомгејм потпишаа нови договори.