Спорт
(Видео) Бруталниот трипл-дабл на Јокиќ недоволен за триумф на Денвер

Кошаркарите на Денвер загубија од Њу Орлеанс со резултат 115:110 во натпреварот од НБА Купот. Мечот го обележа Никола Јокиќ.
МВП на минатосезонскоот финале во НБА лигата, натпреварот го заврши со 26 поени, 16 скока и дури 18 асистенции, но ниту тоа не беше доволно бранителот на титулата да го избегне третиот пораз сезонава во 12. натпревар.
Јокиќ стана само третиот играч во историјата кој забележал најмалку четири натпревари со повеќе од 25 поени, 15 скока и 15 асистенции. Во историјата ваков учинок имале само Вилт Чембрлен и Расел Вестбрук, кои имаат 15 такви натпревари.
НБА, пак, објави дека никој во историјата немал статистика како кошаркарот од Сомбор против Пеликанс. Против Пеликанс, Јокиќ го запиша 109. трипл-дабл во лигашкиот дел од сезоната во кариерата.
Нагетс го претрпеа вториот пораз во последните три натпревари, но сепак се лидери во Западната конференција.
Пеликанс се деветти на Западот со скор 6-6.
Најефикасни во победничкиот тим беа Зион Вилијамсон со 26 поени, Јонас Валанчиунас со 22 (8ск, 3ас) и Брендон Инграм со 21 со 8 асистенции. Покрај Јокиќ, во редовите на тимот од Колорадо се истакнаа Крис Браун со 25 поени, 9 скока и 3 асистенции и Мајкл Портер со 18 поени и 11 скока.
Резултати:
Атланта – Филаделфија 116:126
Торонто – Бостон 105:108
Шарлот – Милвоки 99:130 (Ламело Бол 37, 5ск, 5ас, Бриџис 17, 5ск, 4ас – Лилард 27, 5ск, 5ас, Бисли 17, 5ск, 4ас, Адетокумбо 16, 8ск, 9ас)
Вашингтон – Њујорк 99:120 (Кузма 19, 4ск, 5ас, Авдија 18, 4ск, 2ас, Џонс 11, 3ск, 5ас – Бренсон 32, 7ск, 7ас, Квикли 27, 6ск, 4ас, Рендл 22, 7ск, 8с.)
Кливленд – Детроит 108:100 (Гарланд 28, 3ск, 3ас, Мобли 18, 10ск, 5ас – Канингем 20, 5ск, 8ас, Ајви 11, 2ск, 3ас)
Сан Антонио – Сакраменто 120:129 (Колинс 28, 8ск, 5ас, Вембањама 27, 2/8 за три, 9ск, Џонсон 21, 9ск, 7ас – Фокс 43, 8ск, 7ас, Сабонис 27, 14ск, 72с, Монк 4sq, 8as)
Чикаго – Орладно 97:103 (Лавин 34, 6ск, 3ас, Дерозан 23, 4ск, 3ас, Вучевиќ 10, 10ск, 6ас – Ф. Вагнер 21, 4ск, 2ас, Исак 18, 9ск, 1ас, Харис 15 , Банкеро 13, 8ск, 4ас)
Портланд – Лос Анџелес Лејкерс 95:107 (Грант 24, 4ск, 3ас, Ајтон 17, 12ск, 2ас, Шаро 17, 9ск, 2ас – Џејмс 35, 5ск, 8ас, Дејвис 16, 14ск, 2ас, Расел 3,14, )
Јута – Феникс 128:131 (Кларксон 37, 3ск, 5ас, Марканен 21, 2ск, Колинс 15, 14ск, 1ас – Дурент 38, 9ск, 9ас, Букер 24, 4ск 15ас).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
За Ендрик нема место во Реал

Младиот бразилски напаѓач, Ендрик не успева да се наметне во Реал под команда на Чаби Алонсо. Бразилецот е закован за клупата, не одигра ниту една секунда од почетокот на сезоната и се очекува во јануари да биде испратен на позаијмица.
Пред неколку недели Ендирк се поврзуваше со Валенсија, а бразилскиот „ESPN“ пишува дека Марсеј се приклучил во трката.
Тимот предводен од Роберто де Зерби има бод помалку од првопласираниот Пари Сен Жермен и се чини дека би можеле да се борат оваа сезона за титулата.
Со оглед на тоа што Африканскиот куп на нации доаѓа во зима, Марсеј ќе биде без Обамејанг и Гири со што ќе се отвори дупка во нападот и потенцијален проблем во трката за трофејот.
Ендрик би можел да биде решението. Засега, Бразилецот не сака да брза со одлуката, но очигледно е дека ќе мора да замине од Мадрид доколку сака да игра и да се избори за место во репрезентацијата која ќе настапи на Светското првенство следното лето.
Спорт
„Модриќ, Џеко, Варди. Кој ќе плати за да гледа гробишта за слонови?“

Италијанскиот фудбалски новинар Паоло Барџиѓа предизвика бурни реакции откако објави нова епизода од подкастот „Центрокампо“, каде што даде низа остри коментари против одредени фудбалски ветерани, вклучувајќи го и Лука Модриќ.
Неговите изјави, кои ги пренесоа „Milannews.it“ и бројни корисници на социјалните мрежи, предизвикаа бран полемики во Италија.
Во клип кој брзо стана вирален, Барџиѓа ја спореди италијанската Серија А со „гробишта на слонови“, алудирајќи на фактот дека клубовите сè повеќе им даваат шанса на играчите во доцните фудбалски години, наместо на помладите таленти.
Како примери ги наведе Лука Модриќ, Един Џеко и Џејми Варди.
„Модриќ во Милан, Џеко, Варди… Тие се готови како играчи! Кој ќе плати за да гледа гробиштата на слонови? Го носите Ричи за 25 милиони, а играте со некој што има 40 години!“, рече Барџиѓа, предизвикувајќи лавина реакции од јавноста.
Сепак, формата на хрватскиот ас ги негира сите негови тврдења. Лука Модриќ, кој ова лето пристигна во Милано како слободен агент од Реал Мадрид, продолжува да докажува дека возраста не е пречка за него. Од почетокот на сезоната, тој ги одигра сите шест натпревари од Серија А во почетниот состав и e еден од клучните играчи во тимот на Масимилијано Алегри.
„Росонерите“ моментално се на третото место на табелата, а примија само три гола.
Покрај тоа, „Ла Газета дело Спорт“ наведува дека Модриќ е на самиот врв во лигата по бројот на прецизни додавања и точноста на додавањата, поради што раководството на Милан веќе планира да му понуди продолжување на договорот.
Спорт
„Нејмар во Интер? Глупости!“

Во изминатите неколку дена се појави информација дека Нејмар бил понуден на Наполи и Интер ова лето, но повредата го натерала да остане во Сантос.
Бидејќи неговиот договор со Сантос истекува на крајот од годината, извесно е дека брилијантниот напаѓач ќе го промени клубот.
Се споменуваше Интер Мајами, каде што ќе им се придружи на Меси и Суарез, а се пишуваше дека повторно ќе биде понуден на клубови од Серија А.
Сепак, тоа нема да биде Интер од Милано, бидејќи спортскиот директор на овој клуб, Пјеро Аусилио, ги негираше тврдењата на медиумите.
„Нејмар во Интер? Тоа се глупости! Никогаш не сме разговарале за тоа, ниту сме испратиле понуда. Се обидовме со Лукман, но напредокот на Пио Еспозито и Бони ни овозможи да видиме напредок. Исто така, го следевме Хојлунд“, рече Аусилио во интервју за „Кориере дело Спорт“.