Спорт
(Видео) Покер голови на Лукаку за едно полувреме
![](https://makfax.com.mk/wp-content/uploads/2023/11/11848396.jpg)
Ромелу Лукаку го обележа последниот меч на Белгија во квалификацискиот циклус за пласман на Европското првенство во Германија. Белгија без мака ја мина групата и го освои првото место во својата група. Во последното коло Белгија го победи Азербејџан со 5:0.
Ромелу Лукаку на Азербејџанците им испорача „покер“ голови во првото полувреме.
Напаѓачот на Рома мрежата на Азербејџан ја погоди во 17., 26., 30. и 37.минута. Леандро Тросард се запиша меѓу стрелците во 90. минута. Од 24. минута гостите играа без исклучениот Еди Пасквал.
Лукаку досега има постигнато 83 гола на 113 натпревари за Белгија, но за првпат во кариерата постигна четири гола во дресот на националниот тим.
Со тоа тој стана првиот белгиски репрезентативец кој постигнал најмалку четири гола на натпревар по речиси 30 години. Рекордери и понатаму се Јосип Вебер, Роберт Де Вен и Берт Де Клејн, кои постигнале по пет гола на еден натпревар.
Починатиот Јосип Вебер постигна пет гола на пријателскиот натпревар против Замбија во јуни 1994 година, кој Белгија го доби со 9:0. Пет гола во дресот на Белгија постигнаа и Роберт Де Вен во 1911 година и Берт Де Клејн во 1946 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Роналдо донел одлука кога ќе се пензионира
![](https://makfax.com.mk/wp-content/uploads/2024/06/cristiano-ronaldo-al-nassr-2023-1692731063-114594.jpg)
Кристијано Роналдо влезе во 40. година од животот, но еден од најдобрите фудбалери на сите времиња се уште не размислува да се пензионира. Тој планира да игра уште неколку години.
„Кристијано Роналдо сака да продолжи да игра на врвно ниво и целта му е да игра на Светското првенство во 2026 година“, открива извор близок до португалската фудбалска легенда за „Релево“.
Значи Роналдо ќе игра уште најмалку две години. За време на Светското првенство во Америка тој ќе има 41 година и вистинското прашање е колку ќе може да понуди на таа возраст.
Спорт
Серхио Рамос остана без клуб
![](https://makfax.com.mk/wp-content/uploads/2024/06/c012abb7-3409-497b-abc9-fd13913ee7df_16-9-discover-aspect-ratio_default_0.jpg)
Серхио Рамос (38) за две недели ќе биде слободен играч. Славниот шпански дефанзивец нема да го продолжи договорот со Севилја во која се врати на почетокот на минатата сезона.
Рамос е еден од најдобрите дефанзивци на сите времиња. Минатата сезона беше стандарден во Севилја. Тој забележа 37 настапи, постигна седум гола.
Кариерата ја започна во Севилја во 1996 година, а во 2005 година се пресели во Реал Мадрид. Таму играше до 2021 година, а потоа по истекот на договорот се пресели во ПСЖ.
За шпанската репрезентација постигна 23 гола на 180 натпревари. Во кариерата освои се што можеше да се освои, а за Реал Мадрид постигна 101 гол на 671 натпревар и освои четири ЛШ. Со Шпанија двапати беше европски и еднаш светски првак.
Спорт
Јовановиќ на местото на Појет – Грците добија нов селектор
![](https://makfax.com.mk/wp-content/uploads/2024/06/afc97d2b-12ab-4f3e-a7fb-c160ad60f798_ivan_jovanovic-pao.jpg)
Искусниот српски тренер Иван Јовановиќ ќе биде селектор на грчката фудбалска репрезентација во следните две години, јавуваат тамошните медиуми. Овој 61-годишен тренер добро ги познава работите во грчкиот фудбал.
Јовановиќ на функцијата го наследи, Уругваецот Густаво Појет. Под негово водство, Грците не успеа да се пласира на Европското првенство. Грузија во баражот ја совлада Грција по изведувањето пенали.
Тренерската кариера ја започна во Нико Волос, Ираклис го водеше во два мандати, голем успех постигна со АПОЕЛ од Никозија, со тимот играше четвртфинале во Лигата на шампионите, Панахаики од Патра, а потоа се пресели во Абу Даби. Го водеше Ал Наср, а од 2019 до 2020 година беше селектор и на Обединетите Арапски Емирати.
Во 2021 година се врати во грчкиот фудбал и до 2023 година беше тренер на Панатинаикос.
Тој го предводеше АПОЕЛ до четири шампионски титули на Кипар и го освои Купот на Грција со ПАО. Тој беше прогласен за најдобар српски тренер во 2011 година, додека магазинот „Газета“ го избра за најдобар тренер на грчката Суперлига во 2022 година.