Соопштенија
Новите IQOS ILUMA лансирани во Македонија: за иднина без чад од тутун
Компанијата Филип Морис Тутунски Комбинат Прилеп ги лансираше новите уреди без чад – IQOS ILUMA на македонскиот пазар. Овие уреди го претставуваат најновиот и најиновативниот додаток во растечкото портфолио на производи на компанијата, кои го загреваат, а не го согоруваат тутунот и е наменет исклучиво за возрасните пушачи кои инаку би продолжиле да пушат. За првпат се воведува технологијата на индукциско загревање, без сечило и без потреба од чистење.
„IQOS ILUMA е досега најиновативен производ на Филип Морис Интернешнал. Kако резултат на одговорот на потребите на нашите корисници, имаме уреди со подобрени перформанси, прилагодени според потребите на пазарот. По неколку производи на IQOS, успеавме како компанија да направиме најиновативен уред што веруваме дека е клучен за забрзувањето на нашата визија за иднина без чад. Докажавме дека како компанија сме двигатели на промените со воведувањето на производи на принципот на загревање на тутунот и оваа наша мисија продолжува понатаму.” – изјави Иван Костиќ, генерален директор на Филип Морис ТКП.
IQOS ILUMA ќе биде достапен во Македонија со три различни модели – IQOS ILUMA PRIME, IQOS ILUMA и IQOS ILUMA ONE, сите со различен опсег на цени и базирани на технологија за индукциско греење, што е новитет кај овој производ. Уредите нудат различни дизајни за да им овозможат на корисниците да изберат што најмногу одговара на нивните потреби и преференции.
Со постојано унапредување на портфолиото на производи без чад, компанијата ја потврдува својата посветеност на мисијата – иднина без чад од тутун и продолжува да ја води трансформацијата на тутунската индустрија кон намалување на штети. Бројот на пушачи, во многу земји кои интензивно ја спроведуваат стратегијата за намалување на штети е значително намален со користење на алтернативни производи без чад, како што се уредите за загревање на тутунот. Компанијата Филип Морис, како светски лидер за овој вид производи, продолжува да придонесува со овие позитивни промени, како на светскиот така и на македонскиот пазар.
На глобално ниво, производите без чад на Philip Morris се продаваат на повеќе од 82 пазари. Денес, преку 27,4 милиони возрасни пушачи ширум светот се корисници на IQOS, од кои 72% целосно се откажале од пушењето, или повеќе од 19,7 милиони.
Новите уреди се достапни на сите IQOS продажни локации низ државата и онлајн преку IQOS веб-страницата, од 20 ноември, 2023 година.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Соопштенија
Нова категорија во образованието: Колеџот NU за средношколци почнува со уписи на првата генерација млади дизајнери, програмери и инфлуенсери
Успешна академска и професионална кариера и заработка за успешно завршен проект уште во средношколските денови се главните карактеристики на NU College – Првиот колеџ за средношколци во Македонија (NU Колеџ). NU е единствениот колеџ на кој средношколците стануваат претприемачи, дизајнери, програмери и инфлуенсери.
NU Колеџот за средношколци започнува со работа оваа есен, а во тек се уписите на првата генерација за која слободни се само 150 места.
NU Колеџот е дел од едукативно-технолошкиот центар „Бреинстер“ (Brainster) кој го прошири своето портфолио и ја преточи својата експертиза кон средношколците креирајќи нови и револуционерни програми кои ќе го надополнат образованието стекнато во средно училиште со релевантни вештини и практично искуство.
Практичните програми на NU Колеџот за средношколци траат шест месеци и претставуваат воншколска активност која содржи две интерактивни работилници секоја недела. Фокусирани се на истражување и откривање на потенцијалот и интересите на средношколците, што е неопходно за тие да бидат сигурни во понатамошниот избор на студии и кариера. Преку уникатниот практичен пристап „креирај, па учи“, средношколците ќе навлезат во еден нов свет на работа на реални проекти за вистински компании и ќе научат како да заработуваат уште во средно.
Доколку ова до сега изгледа привлечно, еве конкретно како секој средношколец може да дојде до посакуваната кариера. Секоја програма е осмислена за да ги поврзе младите со модерните технологии и релевантните вештини за пазарот на труд, поконкретно:
Веб програмирање x AI: За да им овозможи да создаваат модерни и функционални веб-апликации, да развијат бизнис вештини и со нив да ги претворат идеите во профитабилни проекти.
Графички дизајн x AI: За да научат да создаваат визуелно привлечни и професионални дизајни, од логоа и постери до целосни бренд идентитети за реални брендови.
Инфлуенсер маркетинг x AI: За да станат инфлуенсери и дигитални креатори штом научат како да создаваат дигитални содржини за реални брендови и продукти и како да заработуваат од нив.
Тимот од искусни ментори, експерти во својата област, ќе ги надмине традиционалните наставни методи и ќе го направи учењето интерактивно и инспиративно. Методологијата на учење е заснована на вештачка интелигенција (AI) и гарантира релевантност на стекнатите вештини и знаења на подолг рок.
„NU Колеџот го создадовме за да го редефинираме искуството што средношколците го имаат од формалниот систем на образование. Имаме акумулирано знаење, искуство и уникатна методологија на учење и токму затоа чувствуваме должност да го пренесеме тоа на младите и со тоа да го промениме нивниот начин на размислување кога ќе се спомене образование“, вели Петар Ниновски, основач на образовниот центар Бреинстер, а сега и на NU колеџот за средношколци.
Стекнатото практично искуство не е единствената предност на NU Колеџот, додава Ниновски. Програмите кои средношколците ќе ги изучуваат се на ниво и со фонд на часови на практичен предмет во високо образование, изработени по рамката на ЕКТС акредитација. Тимот на NU моментално работи на остварување соработки со врвни универзитети од соседството и од Европа, односно на обезбедување конкурентска предност при упис таму на средношколците кои ќе завршат успешно некоја од NU програмите.
„Програмите се засновани на 80% практична работа на реални проекти. Практичното искуство ќе развие претприемачки начин на размислување и ќе ги подготви средношколците за претстојниот академски и кариерен пат. Ние веруваме во учење преку работа и дека нашите средношколци можат многу повеќе и затоа на NU ќе научат да заработуваат преку својот труд, знаење, идеи и проекти“, појаснува Ниновски.
Програмите се достапни за учење од училница или online.
Сите заинтересирани средношколци можат да дознаат детали и да се пријават на листата на чекање преку официјалната веб-страница на NU колеџот nucollege.ai.
(ПР)
Соопштенија
Македонски иноватори со помош на ВИ креираат 3Д-модели на вистински органи на пациенти
„Зарем кај нас се прави вакво нешто?“, ова е реакцијата на студентите по медицина кога ќе видат 3Д испечатен модел на вистински орган од пациенти.
Доктор Стефан Арсенков заедно со тимот увиделе дека постои потреба од 3Д модели на органите на пациентите, кои на докторите им помагаат попрецизно да ги спроведат операциите. Така настанува македонскиот старт-ап кој соработувал со 10тина доктори со цел да се подобри планирањето на операцијата.
Јована и др. Арсенков во најновата епизода на „Што го врти светот“ зборуваат за Вештачката интелигенција во медицината и иновациите кои ќе имаат моќ да спасат човечки живот и да го скратат времето за спроведување на речиси сите медицински процеси. Арсенков зборува за важноста докторите да имаат вистински модели на органите на пациентите. Според него, не е исто да имате во рака модел направен врз база на совршено здрав човек и вистинскиот орган на пациентот кој има потреба од операција. Користењето на Вештачка интелигенција пак, сериозно го подобрува добивањето на моделот од снимка направена на пациентот.
– Често ме прашуваат која е мојата најдолга операција? Според мене ние треба да целиме кон тоа да имаме пократки операции, поефикасни. Зошто долга операција значи дека имало некаков проблем, компликација или пак хирургот не бил доволно подготвен за тоа што го чека. – вели др. Стефан Арсенков.
Тој додава дека токму тоа го имаат на ум со тимот, да создадат можност за предвидливост на операциите и најдобра подготовка на хирурзите.
Повеќе за новите технологии во здравството може да слушнете во најновата епизода на „Што го врти светот?“.
И оваа сезона е создадена од Здружението ЗМАИ со маркетинг и продукциска поддршка од АдВалју. Оваа епизода е во соработка со МАСИТ, „Што го врти светот“ е медиумски поддржувач на 19тата конференција на Комората, посветена на Вештачката интелигенција со фокус на ВИ во медицината и влијанието на ВИ врз работните позиции.
ПР
Соопштенија
Шефот на НАТО: Украина ќе влезе во НАТО, така е одлучено во Вашингтон
„Украина ќе стане 33. или 34. членка на НАТО, кој во моментот има 32 членки“, изјави неодамна назначениот генерален секретар на НАТО, Марк Руте, на прес-конференција во Брисел.
„Во моментот се чини дека Украина ќе влезе како 33. членка, но пред неа може да влезе некој друг. Но, Украина во иднина ќе биде членка на НАТО. Така решивме во Вашингтон“, изјави генералниот секретар на НАТО, пренесуваат медиумите во регионот.
„Шведска, планот на Украина за победа, но и нејзиното идно членство во НАТО“, одговори шведскиот министер за одбрана. Тој истакна дека планот за победа ќе биде разгледан на вечерна средба во Брисел.
„Украина е на неповратен пат кон полноправно членство во НАТО, што е многу важно. Имаме многу да научиме од Украина кога станува збор за одбранбените иновации. Украина исто така има силни вооружени сили“, рече тој.